Hatutan.com, (05 Juñu 2026), Díli– Atu garantia presu kombustivel   iha  Timor-Leste ho seguru , depende de’it  bá merkadu mundiál no jeopolítika, tanba  funu ne’ebé akontese iha Médiu Oriente kontinua prolongadu.

CEO empreza grupu ETO, Nilton Telmo Gusmão dos Santos. Foto/Juvinal Cabral dos Santos

CEO Empreza grupu Esperansa Timor-oan (ETO), Nilton Telmo Gusmão dos Santos, Sesta (05/06/2026), hatete empreza grupu ETO  sei kontinua halo esforsu másimu atu garante disponibilidade kombustível bá povu tomak, hodi apoiu atividade ekonómika no servisu sira iha país laran, maske iha inserteza ne’ebé mosu husi  funu iha Médiu Oriente.

“Ita kontinua halo nafatin esforsu hotu, atu bele garantia estoke kombustivel bá ema hotu para atu bele hala’o atividade sira ne’ebé ita halo iha ita nia rai ho seguru, tanba ne’e maka  kompromisu ne’ebé ETO bele halo, maibé  en-relasaun ho presu, ita hotu tenke komprinede katak presu mina  la depennte de’it bá ita nia-an, maibé depende bá Jeopolítika, depende  Merkadu mundiál.”

Empreza ETO  kompromete atu asegura fornesimentu kombustível nafatin, maibé presu mina la depende de’it ba situasaun iha Timor-Leste, tanba se mudansa presu kombustível influensiadu husi fator sira hanesan jeopolítika no movimentu merkadu mundiál

Nia dehan konflitu ne’ebé kontinua akontese iha Médiu Oriente sai preokupasaun boot ba setor enerjia globál.

“Ita nia preokupasaun  iha momentu ne’ebá maka, ita hanoin ida de’it, ita ta’uk funu ne’e prolongadu, funu ne’e naruk, tanba saída maka akontese, horsehik ka horibairua, sei ita akompaña notisia Mundiál iha akontesimentu lubuk ida iha funu Médiu Oriente, ne’ebé dala ruma hatudu tan sinál ida katak, funu ida-ne’e sei la hotu iha tempu badak”, nia dehan.

CEO Esperansa grupu ETO  husu bá komunidade atu kontinua hala’o atividade sira hanesan baibain no la presiza  hamosu preokupasaun boot,   ETO mós agradese bá pasénsia no maturidade povu Timor-Leste nian hasoru situasaun internasionál ne’ebé bele lori impaktu bá atividade ekonómika no moris lorloron nian.

“Ita agradese bá Timoroan hotu-hotu, no mós nia pasensia, ita kontinua  halo ita nia atividade sira ne’e hanesan baibain, memzu ita hatene dehan  funu ne’ebé akontese iha Médiu Oriente lori impaktu ida-ne’ebé todan bá ita nia atividade diaria, atividade ekonómika. Maibé Ita kontinua mantein no disiplina, Kontinua hala’o nafatin ita nia kna’ar, tenta atu sobrevive ka tenta atu ultrapasa situasaun difísil sira ne’e iha ita nia rain rasik,” nia dehan

Nilton Gusmão mós  mós P agradese tebetebes bá maturidade  komunidade, Timor-Leste, en-relasaun ho funu ne’ebé akontese iha Médiu Oriente, ne’ebé fó implikasuan boot tebetebes bá ekonómika en-jerál, globál, la’ós de’it iha rai ida-ne’e maibé iha mundu tomak.

“Ne’ebé ida ne’e maka ita tenke halo servisu hotu-hotu atu mantein ita nia paíz ne’e estavel, mantein ita nia paíz iha ambiente ida ne’ebé seguru, atu fó nafatin biban bá atividade ekonómika sira, la’o ho di’ak atu la bele perturba ka fó presu boot liu bá ita nia Ekonómia,” Nilton Gusmão hateten.

Jornalista: Marcelino Tomae