Hatutan.com, (22 Jullu 2026), Díli– Tribunál Judisiál Primeira Instánsia Díli (TJPID) aplika médida kausaun US$10,000.00  bá arguidu  ho inisiál LC, no na’in-hitu seluk aplika kausaun US$2,000.00 ba kada arguidu.

Arguidu na’in-hitu ba kazu scam call centre iha Bedois, Becora, partisipa julgamentu interogatoriu iha TJPID, Kuarta (22/7/2026). Foto/Marcelino Tomae

Iha audiénsia julgamentu Primeiru Interogátoriu, Kuarta (22/07/2026), Ministériu Públiku, liuhusi Prokuradór titulár Rafael Jeronimo Gusmão , imputa bá arguidu  na’in-hitu krime asosiasaun kriminoza, eksplorasaun jogu ilísitu, burla informátika no brankeamentu kapitál.

Iha  Ministériu Públiku  nia alegasaun husu Tribunál atu aplika médidia kausaun US$5,000.00 ba  kada arguidu ho Proibisaun Aujénsia  atu garantia   arguidu sira  la bele sai husi territóriu Timor-Leste.

Arguido sira ba ba kazu Scam Call Centre ne’e, na’in-neen (6)  nasionalidade  Indonézia,  na’in-ida (1)  nasionalidade Xina nu’udar jerente.

Durante  Prirmeiru Interogátoriu  arguidu na’in-hitu hili  direitu  nonok, lakohi komenta bá alegasaun ne’ebé Minitériu Públiku imputa hasoru sira.

Defeza  liu-husi Advogadu Privadu Otavio Cardoso husu tribunál atu aplika kausaun US$4,000.00, no proibuisaun aujénsia

Tribunál  liu husi Juiza Julmiira Auxiladora hatun despaixu hodi aplika Aprezentasaun Periódidika, Termu identidade Rezidensia (TIR),  Proibuisaun Aujénsia,  média kausaun US$2,000.00 bá sidadaun Indonézia na’in-neen no US$10,000.00 bá arguidu LC ho nasionalidade Xina.

Totál kausaun ba arguidu na’in-hitu US$22,000.00  no Tribunál fó prazu loron-10  bá arguidu na’in kumpri desizaun Tribunál nian.

Jornalista: Marcelino Tomae