Hatutan.com, (22 Jullu 2026), Díli–  Tribunál Judisiál Primeira Instánsia Díli (TJPID), liu-husi Juis Estajiariau Rosito Guterres, Kuarta (22/7/2026), hatun despaixu hodi aplika médidia  kausaun US$5,000.00 ho aprezentasaun Periódidika bá arguidu hanesan Jerente ho inisiál YQ no Prebuisaun Aujénsia ho médida kausaun US$4,000.00 bá kada arguidu  hamutuk na’in-18.

Arguidu sira ba kazu scam call centre Kuluhun partisipa julgamentu primeiru interogatoriu iha TJPID, Kuarta (22/7/2026). Foto/Marcelina Tomae

Iha audiénsia  Julgamentu Prirmeiru Interogátoriu kontiuasaun iha TJPID arguidu YQ ne’ebé alegadamente nu’udar jerente iha fatin ne’ebé autoridade sira deteta  no halo buska  apreensaun iha Kuluhun, deklara bá tribunál katak nia la iha envolvimentu  ho grupu  rede Scam Call Centre

Arguidu ne’e, esplika bá   tribunál katak iha momentu operasaun, nia lori de’it bee-galon atu bá hatun iha edifísiu refere. Maibé, deklarasaun ne’e la konvense Tribunál no Ministériu Públiku,  tuir alegasaun iha audiénsia, autoridade konsidera katak deklarasaun arguidu nian hamosu dúvida no indika tentativa atu subar realidade.

Ministériu Públiku ne’ebé reprezenta husi Prokuradór Titulár Rafael Jeronimo Gusmão ho Prokuradór João Marques, imputa krime haat bá arguidu na’in-19, mak, Asosiasaun Kriminoza, Burla Informátika, Brankeamentu Kapitál; no Explorasaun Jogu Ilísitu.

Bazeia bá alegasaun ne’e, Ministériu Públiku husu Tribunál atu aplika prizaun preventiva bá arguidu YQ tanba konsidera nia deklarasaun hamosu dúvida boot kona-bá nia papél iha kazu jogu Scam Call Centre.

Enkuantu arguidu na’in-18 seluk, Ministériu Públiku husu tribunál atu aplika medida kausaun US$5.000 no proibisaun ausénsia.

Defensór Públiku, Giamini Daos hamutuk ho Advogadu Privadu Otavio Cardoso husu tribunál atu la bele aplika prizaun preventiva, maibé aplika de’it aprezentasaun periódika no proibisaun ausénsia bá sira-nia kliente  na’in-19

Depois rona alegasaun husi parte hotu, Tribunál, liu-husi Juís Estajiáriu Rosito Guterres, deside la simu pedidu prizaun preventiva husi Ministériu Públiku  nune’e tribunál aplika aprezentasaun periódika, no medida kausaun US$5.000 ba arguidu YQ, tanba tribunál konsidera sei iha dúvida kona-bá deklarasaun ne’ebé  arguidu  hato’o iha audiénsia.

Enkuantu ba arguidu na’in-18 seluk, tribunál  aplika medida proibisaun ausénsia  ho  medida kausaun US$4000 kada  arguidu ida (1)

Totál médidia kausaun hamutuk US$77,000, tribunál  fó prazu  loron-10  bá arguidu na’in-19.

Jornalista: Marcelino Tomae