Hatutan.com, (22 Jullu 2026) Díli-Prezidente Repúblika (PR), José Ramos-Horta, através Xefe Kaza Sivil da Prezidénsia Repúblika  Henriqueta Maria da Silva, komunika urjente ba Ministru Negosiu Estranjeiru no Kooperasaun, Bendito Freitas (reprezenta fali husi Vise-Ministra MNEK), Ministru Transporte no Komunikasaun Miguel Marques Gonçalves Manetelu, Prezidente Konsellu Administrasaun Autoridade Aviasaun Sivil Timor-Leste (AACTL,I.P), Zezinho António Gusmão, Preizdente Konsellu Administrasaun Aeroportu no Navegasaun Aerea Timor-Leste (ANATL,E.P), Romualdo António Soares da Silva ho Diretór Jerál Servisu Nasionál Intelijénsia (SNI), Longuinhos Monteiro, hodi halo enkontru urjente no taka ba mídia sira iha Palásiu Prezidénsial, Kuarta (22/7/2026), hale’u tuku 09:00 dadeer Oras Timor-Leste (Otl).

Ministru Transporte no Komunikasaun Miguel Marques Gonçalves Manetelu.

Jornalista Hatutan.com ne’ebé destakadu iha Palásiu Prezidénsial hamutuk ho jornalista sira husi órgaun komunikasaun sosiál seluk preparadu hodi halo kobertura ba sekuensia sira enkontru ne’e, maibé parte kompetente sira iha Palásiu Prezidénsia informa katak sira-nia parte simu orientasaun husi Prezidente Repúblika, katak enkontru ne’e enkontru internal tanba ne’e la admite atu jornalista sira halo kobertura.

Informasaun ne’ebé Hatutan.com  simu antes husi fontes sirta katak sorumutuk PR Ramos-Horta ho parte relevante sira ne’e hanesna esfosru ida Prezidente Repúblika nian atu kofirma verasidade ba polémaka aterrazen jet privadu ho tipu Cesna C700 iha Aeroportu Internasionál Prezidente Nicolau Lobato (AIPNL) iha loron 01 Jullu 2026.

Preizdente Repúblika, José Ramos-Horta iha okaziaun oinoin responde jornalista sira katak nia parte laiha koñesimentu ba aterrazen jet privavu ho tipu Cesna C700 ne’e iha Timor-Leste mézmu iha karta pedidu aterrazen uza naran Prezidente Repúblika nian tanba dehan transporta Prezidente Repúblika nia bainaka no atu transprota fila mós sidadaun Indonéziu na’in-tolu ne’ebé mai Timor-Leste antes ona.  

“Ha’u dalaruma Prezidente Repúblika bolu para atu hetan informasaun ruma, mais kona-bá Jet Privadu ne’e prosesu investigasaun, ami labele pronusia buat ruma, imi hatene Polísia halo hela servisu ne’e. Tuir ha’u rona katak kazu ne’e balun to’o ona iha Prokuradoria Jeral Republika (PJR) ne’ebé husik investigasaun la’o,” Ministru Transporte no Komunikasaun (MTK) Miguel Marques Gonçalves Manetelu hateten hodi responde jornalista sira iha Palásiu Governu hafoin partisipa reuniaun Konsellu Ministru.

Pesoál tenniku sira husi MTK, MNEK, AACTL ho ANATL prepara atu enkontru ho PR Ramos-Horta iha Palásiu Prezidénsial.

MTK haktuir, durante sorumutuk ho PR ne’e sira iha diskusaun lubuk ida iha asuntu seluk, mais  kona-ba Jet Privadu ida-ne’e mós parte ida husi diskusaun ne’e.

“Hanesan ohin ha’u hateten asuntu lubuk ida mak ami halo diskusaun, kona-bá ida ne’e mós ha’u hateten katak parte governu hadia koorespondénsia, koordenasaun ne’e iha mais koorespondente ne’e mak problema ne’e. Tanba ne’e mak ami ho Ministériu Negósiu Estranjeiru no Kooperasaun (MNEK) tanba pedidu hotu mai iha MNEK la’ós liu ba MTK kedas ne’e lae,” Miguel Manetelu hateten.

Nia hatutan, pedidu sira kona-bá aviaun atu aterra ka atu semo liu iha lalehan ne’e sempre haruka ba iha MNEK.

“Depois MNEK haruka nota verbal ba MTK depois ha’u hasai despaixu ba AACTL, prosesu ida-ne’e tenke hadia. ” Ministru Miguel Manetelu informa.

Jornalista: Juvinal Cabral dos Santos