Defeza & Seguransa
PNTL Detein Sidadaun Estranjeiru 17 Ne’ebé Uza Vistu Turista Hala’o Negósiu
Hatutan.com, (05 Janeiru 2023), Díli—Polísia Nasionál Timor Leste (PNTL) Munisípiu Viqueque, entrega sidadaun estranjeiru na’in 17 ba Diresaun Jerál Servisu Migrasaun, hodi loke prosesu tanba sidadaun hirak ne’e utiliza vistu turista hodi hala’o atividade profisionál la ho autorizasaun iha Timor-Leste.
Polísia Nasionál Timor Leste (PNTL) Munisípiu Viqueque, entrega sidadaun estranjeiru na’in 17 ba Diresaun Jerál Servisu Migrasaun, hodi loke prosesu tanba sidadaun hirak ne’e utiliza vistu turista hodi hala’o atividade profisionál la ho autorizasaun iha Timor-Leste, Kinta (05/01/2023). Foto/PNTL.
Xefe Seitór Operasaun Servisu Migrasaun, Inspetór Polísia Ernesto Maia hateten, sidadaun estranjeiru hirak ne’e PNTL kaptura tanba viola ona Lei Migrasaun no Azilu.
Lee Mós: Serbisu Migrasaun Asegura Sidadaun Estranjeiru Na’in-Ualu Iha Maliana
“Sidadaun estranjeiru na’in 17 ne’e hetan prende hosi Forsa Rezerva hamutuk ho Servisu Informasaun Polisia (SIP) Komandu PNTL Viqueque, iha área Suku Carau Balu, Postu Administrativu Viqueque Vila, Munisipiu Viqueque. Sira uza fali vistu turista hodi hala’o fali servisu,” Hatutan.com sita esplikasaun Komandante Ernesto iha komunikadu, Kinta (05/01/2023).
Bainhira Servisu Migrasaun hetan kontaktu, ekipa tun kedan bá Munisipiu Viqueque hodi foti sidadaun estranjeiru hirak ne’e mai iha sede Servisu Migrasaun Vila-Verde Dili hodi halo verifikasaun ba sira nia dokumentus no loke prosesu ba sira.
Kapturasaun ba sidadaun estranjeiru hirak ne’e uza vistu turista hodi fa’an fali sasan hirak hanesan roupa, osan-me’an no sasan eletróniku balun.
“Ohin ita halo verifikasaun no konsege detekta sidadaun estranjeirus nain 17 ne’e viola vistu, tanba uza sala vistu turista hodi fa’an fali sasan. Entaun, ita fó sansaun ba sira hodi selu multa no loke prosesu hodi aplika abandona voluntária haruka sira sai hosi territóriu nasionál,” subliña.
Vistu turista destina de’it ba estranjeiru sira ne’ebé mai hala’o viajen hodi vizita fatin turizmu sira iha territóriu nasionál, ba sidadaun estranjeiru sira ne’ebé ho vistu turista sei la autoriza hodi exerse kualkér atividade profesionál iha territóriu nasionál.
Sidadaun estranjeiru hirak ne’e sei haruka fila ba nasaun orijen Indonézia no sei bandu tama territóriu nasionál durante tinan rua nia laran.
Jornalista: Rogério Pereira Cárceres
Traballadór Sira Tenke Halo Servisu ho Responsabilidade no Domin
Hasa’e Saláriu Mínimu bá $150.00
Governu Sei Prodús Rezolusaun Ida Atu Halo Pagamentu Bá Projetu 62 Ne’ebé Laiha Formalizasaun Kontratu
Traballadór Sira Nu’udár Kabas bá Ekonomia no Dezenvolvimentu
Projetu 62 Laiha Formalizasaun Kontratu, Komisaun E Husu MOP Foti Prosesu Tuir Baze Legál
DIT Hahú Introdús ba Estudante Sira Kona bá Seguransa ba Dadus Importante
MAPKOMS “Duvida” ho Sustentabilidade Institutu Formasaun Komunikasaun Sosiál no Multimedia
Nomeasaun Xefe Kaza Militar Foun Hein Konkordánsia Prezidente Repúblika
“The new forms of cultural colonization”, “The illusion of communication”: Husi Amo Daschback, SVD ba Amo Abito Brites to’o Amo Belo, SDB
Amora Lemos Dikontrak Sony Music, Resmi Jadi Penyanyi Profesional
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Dili1 week agoEspasu Ne’ebé SEATOU Sobu Sei Halo Jardín
-
Nasionál6 days agoSei Foti Hotu Veíkulu Estadu Ne’ebé Estasiona iha Kargu Xefia Sira-Nia Uma
-
Dili3 days agoEleisaun Órgaun Suku iha Madohi ho Bebonuk Hakat Bá Segunda Volta
-
Defeza & Seguransa1 day agoTenente Jenerál Falur Mak Orienta Polísia Militár Asegura SEATOU iha Terrenu
-
Dili7 days agoAPC Sei Instala Postu Bombeiru Hitu iha Área Protejida Sira no Rekruta Kadete Na’in-146
-
Polítika6 days agoSEATOU Halo Evikasaun Tanba Simu Orden
-
Ekonomia1 week agoOé-Cuse Oan iha PN Husu Aero Dili Tulun Povu Oé-Cuse ho Presu Tikete $25
-
Dili7 days agoUma-Kain 40 iha Bidau Santa-Ana Ne’ebé Hetan Evikasaun Seidauk Simu Indenizasaun