Nasionál
Dezeñu Ponte Foun Becusse Konkluídu no Entrega Ona bá ADN
Hatutan.com, (11 Janeiru 2023), Díli—Ministériu Obras Públikas (MOP), liuhosi tékniku sira konklui ona dezeñu kona-bá konstrusaun ponte foun Becusse ne’ebé oras-ne’e entrega ona bá Ajénsia Dezenvolvimentu Nasionál (ADN) atu halo verifikasaun hodi hein de’it prosesu tenderizasaun.
Ponte temporáriu iha Becusse, Díli, Sábadu (30/07/2022). Foto/Espesiál
“Ponte Becusse, ami simu ona 100% dezeñu hosi kompañia. Agora iha ona ADN atu halo verifikasaun,” Ministru Obras Públikas (MOP), Abel Pires hateten hafoin sorumutu Konsellu Ministru ordináriu iha Palásiu Governu, Díli, Kuarta (11/01/2023).
Lee Mós: Kompañia Hahú Monta Ponte Temporáriu Becusse
Iha prosesu sira verifikasaun hosi ADN ne’e, sei haree kona-bá kustu orsamentu ne’ebé atu gasta bá projetu ne’e no espesifikasaun materiál sira ne’ebé kontratór sira sei uza, hanesan besi ho sira seluk tán.
Bainhira kustu totál orsamentu bá obra ne’e la to’o millaun $5 maka, Conselho Administração do Fundo das Infra-estruturas (CAFI) no ministériu bele halo ona aprovasaun bá tender.
“Ita hein de’it verifikasaun hosi ADN, ida ne’e hotu, ita bá tender,” ministru Abel Pires hateten tán.
Kona-bá estimasaun provizóriu MOP nian rasik liuliu liga ho kustu orsamentu bá ponte foun Becusse ne’e, Abel Pires dehan hein de’it ADN mak iha kompeténsia atu halo estimasaun tuir Lei.
Tenderiza Estrada Kasnafar
Prosesu kee no aterru mota Kasnafar.
Iha okaziaun ne’e, ministru Abel Pires informa mós katak, oras-ne’e dadaun CAFI anunsia ona tenderizasaun bá kompañia sira atu submete dokumentu hanesan profile nune’e CAFI bele halo verfikasaun.
Ida ne’ebé mak manán, nia mak sei sai kontratór bá projetu rehabilitasaun estrada Kasnafar-Manleuana, morru protesaun, inklui instala ponte hodi liga konektividade entre Dili ho Aileu.
“Tender la’o ona, mota Kasnafar ninian ponte ne’e ninia kustu purvolta millaun $9. Ne’e tender la’o hela,” Abel Pires hateten tán.
Observasaun Hatutan.com iha terrenu, oras-ne’e daudaun kontratór SHABRYCA CONSTRUCTION UNIPESOSOAL L,DA, ezekuta hela nia serbisu hodi aterru no kee hela, molok konstrui morru protesaun.
Projetu ne’e ho naran “LOT 2 Emergency Project for Construction of Retaining Wall Projection of Comoro Lisbutak River (Package III) STA. 0+000 – STA. 0+323.9”, Tipu projetu ne’e ho durasaun fulan-hitu.
Jornalista: Rogério Pereira Cárceres
PDHJ Kondena Pesoál Servisu Sekreta Tiru Joven iha Salele
Prezidente Repúblika La Konkorda SEKOMS Intervein Redasaun RTTL,E.P
Bankada KHUNTO Husu Labele Limita Mídia Nia Knaar
Liberdade Imprensa iha TL “SIM”, Maibé Kualidade Notísia “NĀO”
Conselho Imprensa La Tolera Intervensaun Podér Polítika iha Independénsia Editoriál
DIT Hahú Introdús ba Estudante Sira Kona bá Seguransa ba Dadus Importante
MAPKOMS “Duvida” ho Sustentabilidade Institutu Formasaun Komunikasaun Sosiál no Multimedia
Nomeasaun Xefe Kaza Militar Foun Hein Konkordánsia Prezidente Repúblika
“The new forms of cultural colonization”, “The illusion of communication”: Husi Amo Daschback, SVD ba Amo Abito Brites to’o Amo Belo, SDB
Amora Lemos Dikontrak Sony Music, Resmi Jadi Penyanyi Profesional
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Dili1 week agoEspasu Ne’ebé SEATOU Sobu Sei Halo Jardín
-
Nasionál1 week agoSei Foti Hotu Veíkulu Estadu Ne’ebé Estasiona iha Kargu Xefia Sira-Nia Uma
-
Defeza & Seguransa3 days agoTenente Jenerál Falur Mak Orienta Polísia Militár Asegura SEATOU iha Terrenu
-
Dili5 days agoEleisaun Órgaun Suku iha Madohi ho Bebonuk Hakat Bá Segunda Volta
-
Polítika1 week agoSEATOU Halo Evikasaun Tanba Simu Orden
-
Dili1 week agoAPC Sei Instala Postu Bombeiru Hitu iha Área Protejida Sira no Rekruta Kadete Na’in-146
-
Dili1 week agoUma-Kain 40 iha Bidau Santa-Ana Ne’ebé Hetan Evikasaun Seidauk Simu Indenizasaun
-
Opiniaun3 days agoANALIZA KONABA EVIKSAUN HOSI ASPEKTU FILOSOFIA HUMANU