Connect with us
Pakote Ahi

Polítika

Militante KHUNTO Na’in-Haat Kanek, Polísia Prende Motór-Karreta 192 Iha Díli

Published

on

Hatutan.com, (13 Maiu 2023), Díli—Militante na’in-haat (4) hosi partidu Kmanek Haburas Unidade Nasionál Timor Oan (KHUNTO) hetan kanek, tanba deskonfia tuda hosi ema deskoñesidu, no Polísia Nasionál Timor-Leste (PNTL) halo apreensaun bá motorizada no karreta 192.

Prezidente Partidu KHUNTO, Armanda Berta dos Santos ho Konsilleiru másimu, José dos Santos Naimor Bucar vizita militante na’in-haat (4) ne’ebé hala’o hela tratamentu saúde iha Sentru Saúde Vera-Cruz, tanba hetan tuda hosi ema deskonfia no kanek, hafoin fila hosi kampaña ikus iha Tasi-tolu, Sesta (12/05/2023). Foto/KHUNTO.

Insidente ne’ebé rezulta militante KHUNTO nian hetan tuda ne’e, bainhira fila hosi komísiu ne’ebé hala’o iha kampu Tasi-tolu, Dili, Sesta (12/05/2023).

Lee Mós: Kampaña Ikus KHUNTO, Naimori Husu Deskulpa Bá Líder Nasionál Sira, Parpól no Públiku

Militante sira ne’e fila, konvoi ho sira-nia motór no karreta, balun hakilar tutuir dalan bá ida-idak nia hela fatin. Infelizmente, hale’u tuku 20:15 kalan Otl, hetan tuda hosi ema no grupu deskoñesidu balun iha área Merkadu Comoro, iha estrada ibun, eskola 30 Agostu nia oin.

Advertisement

Komandante PNTL Munisípiu Díli, Superintendente Xefe Polísia Natércia Eufrásia Soares Martins hateten, iha Sesta kalan, maizumenus tuku 20:30, kalan, PNTL liuhosi Komandu Munusipiu Dili, simu duni informasaun kona-bá kazu insidente ne’e, tanba vítima sira iha ona klínika no halo tratamentu bá sira-ninia kanek.

“Tuir informasaun ita simu no ekipa tun bá iha terrenu, halo verifikasaun, iha sira na’in-haat. Na’in-tolu kanek kamán alta tiha ona no ida mak sei halo hela tratamentu,” Superintendente Xefe Polísia Natércia Eufrásia Soares Martins hateten iha salaun konferénsia Komandu Jerál Caicoli, Sábadu (13/05/2023).

Komandante PNTL Munisipiu Dili ne’e dehan, informasaun ne’ebé mak polísia simu hosi vítima sira ninia maluk sira katak, kazu ema tuda sira ne’e iha área Comoro, besik loos Eskola 30 de Agosto ninia oin.

Maibé, iha altura ne’ebá, komandante Natércia rasik iha terrenu no nia akompaña membru sira-nia servisu, sira seidauk dada hosi sira-nia fatin kolokasaun. Signifika, hahú hosi sede FRETILIN ninian bá to’o iha Eskola 30 de Agosto ne’e, ninia membru sira sei mantein iha fatin kolokasaun.

Bainhira membru PNTL sira to’o iha fatin ne’ebé deskonfia insidente ne’e mosu, laiha ema ruma mak halo movimentu iha área ne’e. Tanba ne’e, Polísia simu informasaun hotu no ekipa buka hela, agora daudaun sira halo hela investigasaun, buka informasaun, rekolla informasaun atu hatene, loos duni, akontese iha Eskola 30 de Agosto ka la’e.

Advertisement

“Tanba depois ita simu informasaun, primeiru ita konfirma ita-nia ema sira iha hela terrenu, sira la haree buat ida akontese iha ne’ebá. Segundu, ita-ninia patrulla to’o kedan iha fatin hodi husu tuir informasaun, maibé laiha ema halo movimentu,” Komandante Natércia hateten.

Alende ne’e, PNTL liuhosi ekipa Forsa Rezerva mós halo vizilánsia bá to’o iha ne’ebá. Ida-ne’e tuir informasaun hirak ne’ebé polísia hetan depois vítima sira iha ona Ospitál.

Maski to’o agora Polísia seidauk hetan autór ruma maibé, PNTL sei halo nafatin ninia servisu, hodi rekolla informasaun iha terrenu atu konfirma loloos akontesimentu  ne’e.

Apreensaun Bá Motorizada 192

Komandante Natércia informa mós katak, durante loron sorin kampaña ikus KHUNTO nian iha Dili, PNTL halo mós apreensaun bá evidénsia motorizada ho karreta 192 hosi militante KHUNTO tanba viola Lei Kódigu estrada.

Advertisement

“Ita kompara ho esperiénsia sira iha kotuk, horkalan ita prende motorizada barak liu ho totál 192 inklui karreta ida (1),” Komandante Natércia Soares informa.

Infratór sira ne’e laiha assesóres motór nian, laiha kapasete, xapa matríkula, laiha espellu no kanu resin tanba ne’e maka polísia halo apreensaun.

PNTL sei aplika sansaun administrativa bá infratór sira liu hosi simu nota infrasaun, lori bá selu iha BNCTL, hafoin entrega fila evidénsia sira ne’e bá na’in.

Komandu Munisípiu Díli mós sei kontinua hala’o passa revista no fó hanoin nafatin ba líder partidu polítiku sira atu fó-atensaun nafatin ba simpatizante no militante sira hodi kumpre nafatin Lei Kódigu estrada.

Jornalista: Rogério Pereira Cárceres

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Polítika

Bankada KHUNTO Husu Labele Limita Mídia Nia Knaar

Published

on

Hatutan.com, (03 Maiu 2024), Díli– Membru Parlamentu Nasionál hosi Bankada KHUNTO, Luis Roberto husu entidade hotu atu respeita jornalista no mídia nia knaar no la bele iha intervensaun podér polítika iha independénsia mídia sira-nian.

(more…)

Kontinua Le'e

Polítika

Governu Presiza Halo Uluk Estudu Viabilidade Ekonómiku Molok Hasa’e Saláriu Mínimu bá $150

Published

on

Hatutan.com, (01 Maiu 2024), DíliXefe bankada PLP iha Parlamentu Nasionál (PN), deputada Maria Angelina Sarmento husu bá IX Governu Konstitusionál atu halo ulu estudu vibilidade ekonómiku molok foti desizaun hodi hasa’e saláriu mínimu bá traballadór sira iha Timor-Leste hosi $115 bá $150 nune’e labele hatodan no lori impaktu bá fundu petrolíferu iha futuru.

(more…)

Kontinua Le'e

Polítika

FRETILIN Rekomenda Transforma Espasu Públiku Ne’ebé SEATOU Halo Evikasaun Hodi Kontribui Bá Reseita Estadu

Published

on

Hatutan.com, (29 Abríl 2024), Díli– Membru Parlamentu Nasionál (PN) hosi Bankada FRETILIN, Cristina Yuri Rebelo husu Governu atu labele uza espasu públiku ne’ebé  Sekretáriu Estadu Asuntu Toponímia no Organisazaun Urbana (SEATOU) halo eviksaun  bá  de’it jardín, maibé tenke  kriá prioridade iha rai-laran ne’ebé bele kontribui mós bá rendimentu ka reseita  bá kofre Estadu.

(more…)

Kontinua Le'e
Advertisement

Trending