Connect with us

Defeza & Seguransa

Servisu Sekreta Detein Sidadaun Na’in-tolu Hatama “Surya 12” Ilegál

Published

on

Hatutan.com, (05 Juñu 2023), DíliPolísia Nasionál Timor-Leste (PNTL), liuhosi ekipa servisu sekreta hanesan, Makikit Oeste ho fontes informadór, kaptura ona sidadaun mane na’in-tolu, tanba hatama ilegál sigaru ho marka “Surya 12” ho kuantidade karton 20, hosi rai viziñu Repúblika Indonézia (RI).

Prosesu kapturasaun bá sidadaun na’in-tolu ne’ebé mak ho inisial JS, FB, MT ne’e iha Sábadu (03/06/2023), haleu tuku 05:00 dadeer madrugada, Otl, iha Tasi-ibun, área Kaitehu, Suku Tibar, Postu Administrativu Bazartete, Munisipiu Likisá.

Lee Mós: Sidadaun Indonézia Na’in-Lima Hatama Ai-Konstrusaun Ilegál Hosi Wetar

Advertisement

Tuir kronolójia, iha sadádu kalan ekipa sekreta simu informasaun hosi sidadaun balun, informa katak, iha ema balun ne’ebé deskonfia hatama sasán ilegál iha tempu kalan, iha área Tasi-ibun, Kaitehu.

Nune’e, iha kalan ne’e, ekipa sekreta halo kedan vizilánsia iha tasi-ibun área ne’ebá nian. Kalan ne’e, konsege hetan suspeitu sira, tenta hela atu hatuun sigaru hirak ne’e.

Maibé, tanba haree hetan ekipa servisu sekreta sira ne’ebé halo vizilánsia, nune’e, suspeitu la konsege hatun sasán hirak ne’e no deside ho bee-roo (uza motór Jonsong 25 PK), halai fila-fali bá tasi-klaran.

Biar nune’e, ekipa sekreta sira ne’e kontinua buka esforsu atu oinsá mak kaptura bele lalais sidadaun sira ne’e.

Ekipa kontinua monitoriza to’o iha tasi-ibun, besik uma-kultura (uma-adat), Tasi-tolu. Maibé, suspeitu sira deside hamate tiha bee-roo ne’e, atu nune’e autoridade sira labele hatene.

Advertisement

“Ho ida ne’e maka ekipa deskonfia no bá hein iha tasi ibun parte Tibar nian. Kuandu ekipa to’o iha fatin roo refere sira hamate duni ona mákina motor Jonsong 25 ne’e, no ekipa husu halo interogasaun, deskonfia suspeitu na’in-tolu ne’e, ida ho inisial JS, rekoñese katak, sira mak hatun duni sigaru Surya 12 Karton 20, iha parte tasi-ibun Tibar nian,” Hatutan.com sita informasaun ne’ebé hato’o hosi membru ekipa servisu sekreta, ohin. 

Suspeitu sira deklara katak, sira mak baibain hatama ilegál sasán hirak ne’e, nune’e ekipa servisu sekreta komunika kedan bá investigasaun Komandu Munisipiu Dili nian no lori suspeitu na’in-tolu, entegra bá komandu Munisipiu Liquiçá hodi prosesa kazu ne’e bá oin.

Jornalista: Rogério Pereira Cárceres

Advertisement
Continue Reading
Advertisement
Click to comment

Leave a Reply

Your email address will not be published. Required fields are marked *

Defeza & Seguransa

PNTL Kontinua Investiga Moeda Falsu Sentavu 200 Ne’ebé Sirkula Ona

Published

on

By

Hatutan.com, (05 Marsu 2026), Díli-Polísia Nasionál Timor-Leste (PNTL) kontinua halo investigasaun ba osan moeda falsu sentavu 200 ne’ebé sirkula ona iha teritóriu Timor-Leste.

(more…)

Continue Reading

Defeza & Seguransa

Ofisiál PNTL ho Idade Reforma Labele Kompete Vaga Komisáriu Jerál

Published

on

By

Hatutan.com, (02 Marsu 2026), Díli- Fundasaun Mahein (FM)  propoin atu nomeasaun ba kargu Komisáriu Jerál Polísia Nasionál Timor-Leste (PNTL) tenke respeita ba lejislasaun ne’ebé aplikabel. Ho nune’e, sira ne’ebé ho idade tinan 60 tenke tama reforma no la bele nomeia ba Komisáriu Jerál.

(more…)

Continue Reading

Defeza & Seguransa

PNTL Halo Apreensaun Ba Sigaru Ilísitu Marlboro Kaixa-50 iha Kasnafar

Published

on

By

Hatutan.com, (27 Fevereiru 2026), Díli-Polísia Nasionál Timor-Leste (PNTL)  liuhusi ekipa integradu husi Unidade Polísia Maritima (UPM), Diresaun Servisu Investigasaun Kriminál (DSIK)  no ekipa intelejensia halo apreensaun ba sigaru ilísiu Marlboro kaixa-50 iha área Kasnafar.

(more…)

Continue Reading

Trending