Polítika
Enkontru Semi-Formál Ho Xefe Estadu, CNRT-PD Aseita Kalendáriu Sesaun VI Lejislatura Iha 22 Juñu
Hatutan.com, (09 Juñu 2023), Díli—Enkontru semi-formál entre Xefe Estadu, José Ramos-Horta ho Líder másimu hosi Partidu Congresso Nasionál Reconstrução Timorense (CNRT) inklui Partidu Demokrátiku (PD), iha ona konkordánsia atu bá kelendáriu sesaun VI lejislatura iha loron 22 fulan Juñu tinan 2023.
Enkontru semi-formál entre Xefe Estadu, José Ramos-Horta ho Líder másimu hosi Partidu Congresso Nasionál Reconstrução Timorense (CNRT) inklui Partidu Demokrátiku (PD), iha ona konkordánsia atu bá kelendáriu sesaun VI lejislatura iha loron 22 fulan Juñu tinan 2023. Enkontru ne’e hala’o iha Palásiu Prezidensiál, Bairru-Pité (09/06/2023). Foto/Elio dos Santos da Costa.
Prezidente Partidu CNRT, Kay Rala Xanana Gusmão hateten, antes ne’e partidu CNRT no PD ida-idak mai hala’o enkontru informál ho Xefe Estadu atu koñese malu no rona ideia inklui planu hosi kada partidu.
Lee Mós: Enkontru Informál ho Xefe Estadu, Fixu CNRT-PD Forma Governu no 22 Juñu Posse Membru PN Foun
“Ohin ita bele temi ona semi-formál, seidauk formál ne’ebé ami mai hamutuk ko’alia kona-bá kalendáriu. Partidu rua dehan bá Xefe Estadu katak ami aseita iha 22 fulan Juñu Parlamentu Nasionál komesa primeira sesaun lejislatura foun,” Kay Rala Xanana Gusmão, hateten iha Palásiu Prezidensiál, Bairru-Pité (09/06/2023).
Prezidente Partidu CNRT ne’e hatutan, Xefe Estadu mós iha ninia obrigasaun internasionál sei halo viajen Estadu bá rai liur iha dia 20 fulan Juñu ba Fransa no Alemaña no sei fila mai Timor iha loron 28 fulan Juñu nia rohan.
Prezidente Repúblika sei bolu Primeiru Ministru indijitadu mai aprezenta an iha loron 29 fulan Juñu no entrega karta kona-bá formasaun Governu, ne’ebé sei fo-sai Dekretu Prezidensia Repúblika iha loron 30 fulan Juñu atu fó posse ba governu foun tuir kalendáriu ne’ebé konkorda hamutuk ona.
“Durante Prezidente Repúblika bá vizita Estadu iha estranjeiru, ami tuir sesaun iha Parlamentu Nasionál tanba povu hili ami hanesan deputadu la’ós hili hanesan Primeiru Ministru, Ministru. Ami sei ba iha ne’ebá haree tuir. Ne’e duni, ohin ko’alia kona-bá ida ne’e de’it,” Xanana subliña.
Xanana Gusmão mós deklara prontu simu relatóriu hosi VIII Governu Konstituisionál ne’ebé lidera hosi Taur Matan Ruak.
Jornalista: Vito Salvadór
Kontinuasaun Kazu Droga, Tribunál Aplika Tan Prizaun Preventiva Bá Arguidu IP no Medida Koasaun Ekonómika Bá Arguidu Na’in-tolu Seluk
Arguidu sira Ba Kazu Jogu Online Na’in-11 Tenta Halai Husi Teritóriu Timor-Leste
Kazu Droga Sabu-Sabu, Tribunál Aplika Prizaun Preventiva Bá Arguidu CF
Autoridade Indonézia ho Konsuladu Timor-Leste iha Bali Repatria Estudante Timoroan Nicodemos da Costa
Politizasaun, Profisionalizmu no Meritokrasia: Reforma Timor-Leste nia Instituisaun Seguransa hodi Promove Paz, Estabilidade no Dezenvolvimentu
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Nasionál1 week agoSEKOMS Expedito La Akompaña Ona PM Xanana Ba Singapura, Iha Malázia Deskonfia Xanana “Duni” Expedito
-
Defeza & Seguransa6 days agoPNTL Detein Suspitu Na’in-Lima Ba Kazu Droga
-
Justisa & Krime5 days agoPNTL Detein Suspeita Falsifika Dokumentu Hodi Sai Veterana
-
Defeza & Seguransa3 days agoArguidu sira Ba Kazu Jogu Online Na’in-11 Tenta Halai Husi Teritóriu Timor-Leste
-
Ainaro1 week agoBalada Unip.Lda Abandona Projetu Estrada ho Kustu US$333,759.84 iha Aldeia Rita-Maubisse
-
Opiniaun1 week agoLiberdade Imprensa iha Risku: Klarifikasaun ka Presaun Polítika? (Disputa entre individu balun ho Mídia online Hatutan)
-
Polítika7 days agoSEKOMS Nia Knaar La’ós Tenke Tuituir PM Xanana Nia Viajen Sira
-
Nasionál4 days agoÍndise Liberdade Imprensa 2026, Timor-Leste Okupa Pozisaun 30 husi Nasaun 180 no Sei iha Dezafiu Kona-bá Independénsia Editoriál