Hatutan.com, (19 Juñu 2023), Díli—Parlamentu Nasionál (PN), iha Tersa 19 Juñu 2023 autoriza Prezidente Repúblika (PR) Ramos-Horta, atu bele hala’o vizita Estadu bá Repúblika Fransa no Repúblika Alemaña ho votus a-favór 40, kontra no abstensaun 0.

Proposta Orsamentu Jerál Estadu (OJE) tinan 2023 hetan ona aprovasaun hosi Parlamentu Nasionál (PN) iha jeneralidade ho votus a favór 40, abstensaun 24 no laiha votu kontra, Kinta (09/11/2022).

“Ho ida-ne’e, exelénsia Prezidente Repúblika hetan ona asentimentu atu bá vizita de traballu bá Fransa no Alemaña,” Prezidente Parlamentu Nasionál, Aniceto Longinhos Guterres Lopes, deklara rezultadu votasaun iha plenária, Segunda (19/06/2023).

Lee Mós: Vizita Singapura-Malázia, Ramos-Horta Lori Xefe Aldeia Fatukama ho Joven Ida Hosi Lequidoe Inklui Seguransa Sivíl

Tuir oráriu, iha Tersa (20/06) Ramos-Horta ho delegasaun hala’o viájen bá estranjeiru. Nune’e, PPN Aniceto halo ona orientasaun bá tékniku sira iha PN atu publika imediata rezolusaun Asensimentu ne’e, iha Segunda (19/06/2023).

“Husu bá tékniku sira. Rezolusaun ida asentimentu ne’e tenke públika ohin tanba viájen realiza aban. Rezolve kedan rezolusaun ne’e no ohin kedan, tenke envia bá publikasaun ho urjénsia. Favór, tékniku sira rejísta,” Aniceto Guterres hateten.

Iha Kinta (02/06/2023), Ramos-Horta haruka uluk ona ofísiu ka mensajen ida bá PPN Aniceto Guterres, ho assuntu kona-bá ninia vizita traballu bá nasaun París no Fransa, inklui sei halo vizita ofisiál bá Berlin Repúblika Federal Alemaña, durante semana ida hosi 20 to’o 28 juñu 2023 no sei fila hikas mai Timor-Leste.

Tuir ajenda, Ramos-Horta nian, loron 21 to’o 24 fulan-Juñu sei bá París no Fransa, hodi partisipa ho kualidade nu’udár Laureadu Nobel bá Pás, no Xefe Estadu iha simeira internasionál ida ho tema “The New Global Finance Impact”.

Partisipasaun iha Simeira internasionál ne’e, tanba Ramos-Horta rasik mak simu konvite direta hosi Xefe Estadu Fransa nian Emmanuel Macron.

Iha loron 24 to’o 26 fulan-Juñu, Ramos-Horta ho delegasaun sei realiza vizita ofisiál ida bá Berlin Repúblika Federal Alemaña no sei fila mai Dili iha 28 Juñu.

Jornalista: Rogério Pereira Cárceres