Hatutan.com, (13 Novembru 2023), Díli-Eleisaun  órgaun suku segunda volta iha Suku Bairru-Pité hatudu, kandidata xefe suku  ho númeru sorteiu 1, Juaninha Alves Pereira lidera  provizória ho votu 4,537 (26.43%)  

Lee Mós: Kandidatu João Baptista-Joaninha Alves, Lakon-Manán Servisu Hamutuk Dezenvolve Suku Bairru-Pité

Juaninha Alves Pereira. Foto/Leopoldinha Carvalho

Xefe Suku antigu ne’ebé re-kandidata an, João Baptista Belo ho númeru sorteiu 2 hela ho votu 5,047 (24.10%). Hosi prosesu kontájen to’o rezultadu finál total totál votus válidu iha Suku Bairru-Pité iha 10,584 (50.89%). Votus Nulu 62 (0.30%), Votus Branku iha 13 (0.06%). Eleitór iha Suku Bairru-Pité, ho totál 20,946, no eleitór sira ne’ebé mak la tuir vota ka la partisipa iha eleisaun Segunda volta ne’e,hamutuk 10,287 (49.11%).

Joaninha Alves nu’udár feto dahuluk ne’ebe lidera provizoriu iha eleisaun suku segundu ronde ne’e kontenti tanba hetan apresiasaun maka’as hosi maluk feto sira iha Suku Bairru-Pité nu’udar kandidatu úniku feto ida iha eleisaun suku.

“Sira hotu apresiia no kongratula katak tempo to’o ona feto mak lidera, hanesan feto ha’u kontenti lo’os” Joaninha koalia ho kontenti.

Joaninha konsiente katak nanan ne’e responsabilidade boot tanba Suku Bairru-Pité  la’ós suku ki’ik, tanba   aldeia 26 no  tanba ne’e servisu dahuluk ne’ebé presiza atinje mak halibur dadus foun kona-bá numeru populasaun Suku Bairr-Pite, vizita aldeia, akumula komunidade hotu inteletual, veteranu sira, ema rezistesia, organizasaun arte-marsiál no arte-rituál sira hodi servisu hamutuk.

Durante nia sosializasaun ho komunidade iha suku refere  identifika problema barak mak Suku Bairru-Pité enfrenta mak hanesan problema Estrada at hanesan iha bairu Ailok-laran, kompostu husi aldeia ualu mak hela iha ne’eba no problema bee-moos.

Jornalista : Rogério Pereira Cárceres/Leopoldina de Carvalho