Hatutan.com, (21 Fevereiru 2024), Díli– Embaixadór Repúblika Ejitu rezidénsia iha Jakarta-Indonézia no akreditadu mós mai Timor-Leste, Yasser Elshemy, afirma Governu Ejitu nia  hakarak  apoia dezenvolve Timor-Leste iha  setór importante haat.

Lee Mós: Brunei Darussalam Hakarak Servisu Hamutuk iha Área Haat

Embaixadór Repúblika Ejitu rezidénsia iha Jakarta-Indonézia no akreditadu mós mai Timor-Leste, Yasser Elshemy hasoru malu ho Primeiru-Ministru Xanana Gusmão iha Pálasiu Governu, Kuarta (21/02/2024). Foto/Mídia G-PM

Embaixadór Yasser hato’o asuntu ne’e, hafoin hasoru malu no diskute ho Primeiru-Ministru, Kay Rala Xanana Gusmão iha Palásiu Governu, Díli, Kuarta (21/02/2024). Durante surumutu ne’e, ko’alia liu asuntu pioridade haat ne’ebé sira indentifika presiza dezenvolve iha Timor-Leste, hanesan, edukasaun, agrikultura, saúde no ekonómia.

Embiaxadór Ejitu ne’e esplika, iha setór edukasaun, presiza formasaun bá diplomátiku sira hodi prepara rekursu umanu Timor, agrikultura nian, atu hasa’e produsaun ai-han rai-laran, saúde hodi kuidadu ema hotu nia saùde moris saudável no dezenvolve ekonómia báziku to’o ekonómia boot.

“Ha’u enkontru ho Primeiru-Ministru Xanana Gusmão, ami halo revizaun bá ami nia relasaun bilaterál entre teknolójia no rai-Ejitu. Ejitu prontu atu ajuda ema hanesan amijável iha Timor-Leste liu-liu kona-bá kapasitasaun iha edukasaun fó apoiu formasaun ne’ebé asesível.” Hatutan.com sita komunikadu hosi Gabinéte Média Primeiru-Ministru.

Iha sorumutu amijável ne’e, PM Xanana husu mós bá embaixadór Ejitu ne’e, hodi halo revizaun hamutuk bá asuntu prioridade haat ne’e, bazeia bá Timor-Leste nia nesesidade, iha kapasitasaun nian hanesan iha edukasaun maka kursu formasaun diplomátika, agrikultura, saúde bele hasa’e liu setór ekonómia.

Rohan bá enkontru ne’e, parte rua entrega prende bá malu nu’udár simbólu hametin unidade no kooperasaun Timor-Leste ho Repúblika Ejitu  bá futuru.

Jornalista: Rogério Pereira Cárceres