Hatutan.com, (01 Jullu 2024), Díli– Bankada CNRT, Deputadu  Natalino dos Santos husu bá Ministériu Interior (MI) liuhusi Diresaun Jerál Servisu Migrasaun atu tau-matan bá sidadaun estranjeiru sira ne’ebé tama mai Timor-Leste ho vistu turista, maibé hala’o servisu iha empreza sira ne’ebé eziste iha Timor-Leste.

Lee Mós: Serbisu Migrasaun Asegura Sidadaun Estranjeiru Na’in-Ualu Iha Maliana

Forsa Traballu Diresaun Jerál Servisu Migrasaun Timor-Leste. Foto/Servisu Migrasaun

“Husu bá autoridade kompetenti no mós husu Ministériu Interior (MI), Polísia Nasionál Timor-Leste (PNTL) atu tau atensaun no kontrola situasaun sira hanesan ne’e, tanba sira kontra lei, segundu sira ne’ebé mak mai ho vistu turista sira mós taka dalan bá Timoroan ne’ebé mak atu hala’o knaar iha nia nasaun rasik,” Deputadu Natalino dos Santos hateten iha PN, Kinta (01/08/2024).

Tuir nia,  katák ema ne’ebé mai ho vistu turista ne’e atu mai pasiar la’ós mai halo fali servisu, nune’e husu parte kompetenti sira tenke kontrola ema sira ne’e no tenke fó sansaun fó deportasaun no bandu sira labele tama fali mai.

“Presiza bolu atensaun bá kompñia sira ne’ebé mak utiliza ema ho vistu turista hodi fó servisu bá ema hodi fó sansaun bá tantu kompañia privadu no empreza públiku,” Nia afirma.

Jornalista Estajiária: Zita Menezes