Hatutan.com, (18 Marsu 2025), Díli – Komisaun Anti-Korrupsaun (CAC, sigla portugés), Tersa (18/03/2025),  realiza sorumutuk ida ho pontu fokál sira husi Organizasaun La’ós Governu nian (ONG), konfisoins relijioza, komunidade akadémiku no média inklui parseiru sira seluk hodi ko’alia kona-bá oinsá atu prevene  no kombate korrupsaun iha Timor – Leste.

Lee Mós: CAC Bolu Obrigatóriu Dirijente SERVE, I.P Na’in-Ualu Hodi Presta Deklarasaun

CAC realiza sorumutuk ho parseiru sira, Tersa (18/3/2025). Foto/Tome da Silva

Iha sorumutuk ne’e mós atu prepara ba avaliasaun hosi nasaun rua Bulgaria ho Marshall Island ne’ebe mak se hala’o iha loron 25 ate 30 maiu 2025 Kona ba Nasaun Unidas Kontra Korrupsaun (UNCAC) ninian mai Timor-Leste.

Objetivu prinsipál ba sorumutuk ne’e UNCAC partilla informasaun sira ba parseiru sira liuliu sosiedade sivíl, akademia, média no sira seluk atu iha entendimentu ida katak prevene no kombate korrupsaun ne’e la’ós instituisaun CAC mesak maibé CAC nia matan, tilun mai hosi média, sosiedade sivíl no seluk tan tanba kazu korrupsaun ne’e kazu ida extra-ordináriu.

Komisáriu CAC, Rui Pereira hateten iha sorumutuk ida-ne’e sorumutuk kontinuasaun entre CAC ho parseiru importante sira ne’ebé hola parte iha UNCAC nian tanba dokumentu avaliasaun nian ne’e hala’o tiha ona iha tinan hirak liubá  mak agora kontinua.

“Parese iha loron 25 to’o iha loron 30 Maiu,  tinan ne’e, ekipa UNCAC sei hamutuk ho nasaun rua mak Bulgaria ho Marshall Island tanba ne’e atividade sei konsulta mai iha Timor-Leste liuliu CAC atu oinsá prodús dokumentu kona-bá estratéjia nasional CAC nian, nasaun rua sei halo avaliasaun mai ita Timor-Leste hamutuk ho ekipa UNCAC,” Komisáriu CAC, Rui Pereira dos Santos hateten ba jornalista sira.

UNCAC halo avaliasaun ne’e halo country visit ne’e iha loron 27 to’o 29 fulan-Maiu, tinan ne’e, enkuantu Timor – Leste nu’udár Estadu parte ba UNCAC tanba ne’e CAC hanesan pontu vogál maibé CAC la bele halo servisu mesak no ba ida-ne’e pontu vogál nia servisu mak atu organiza atividade eventu boot sira Timor-Leste nian ligadu ho konvensaun UNCAC nian.

Jornalista Estajiáriu : Lazaro Pereira Quefi