Hatutan.com, (29 Abríl 2025), Díli – Xefe Estadu José Ramos-Horta, hato’o agradese ba Deolindo dos Santos ba nia dedikasaun no  nia servisu durante asume knaar hanesan Prezidente Tribunál Rekursu.

Lee Mós: Troka PTR Deolindo dos Santos, Governu Sei Revoga Lei Organizasaun Judisiáriu

PR José Ramos-Horta fó pose ba Afonso Carmona nu’udár Prezidente Tribunál Rekursu, 29 Abríl 2025. Foto/Mídia GPR

“Ha’u agradese ba Prezidente Tribunal Rekursu   ho nia sakrifisiu no esforsu tinan sira ne’e nia laran, buka kaer mandatu ho independente, intregidade tuir nia intrepetasaun ba konstituisaun Lei,” Prezidente Repúblika (PR), José Ramos-Horta, ba jornalisa sira iha Aeroportu internasionál Prezidente Nicolau Lobato, Díli, Segunda (28/04/2025), hafoin fila husi vizita ofisial ba Bulgaria, Reinu Unidu  ho Roma.

Ramos-Horta dehan, hotu-hotu hakruk ba Lei la signifika sira infalita ona, dala ruma sira ho tendensia ba parte ruma iha motivasaun politiká balu, dala ruma sira nia intrepetasaun ba konstitisaun ba Lei sala.  Tanba ne’e mak akontese iha rai laran, dala barak ema ne’ebé matan delek mak inusente fali ka pena ne’e todan demais ba kazu ne’ebé nia halo julgamnetu, la signifika ema ba Prezidenti Tribunál Rekusu ka juis iha Lei nia leten no  la halo sala.

“Dala barak prezidenti rasik haree pena ne’e todan demais ba kazu ida ne’ebé, ne’e mandatu prezidenti nian para hanesan buka komplementa asaun juis nian oinsá para la bele aumneta pena bele hatun pena. Primeiru mandato to’o ohin kontinua nafatin la’ós atu halo foun fali ba pena justisa nian balu hatete ka ne’e aktus fraku, la’e buka foun umanidade balu iha konstituisaun foun,” Ramos-Horta hateten.

Deolindo dos Santos, simu posse hanesan Prezidente Tribunál Rekursu husi Prezidente Repúblika, Francisco Guterres “Lú Olo” iha loron 29 fulan-Abríl 2021 ho mandatu tinan-lima (5), 2021 to’o 2025 no nomeasaun ne’e baze ba Dekretu Prezidente Repúblika, nú.23/2021, 28 Abríl.

 Nomeia Afonso Carmona ba PTR

Iha loron 29 fulan-Abríl 2025,  Prezidente Repúblika (PR), José Ramos-Horta fó pose ba Afonso Carmona hodi asumi kargu nu’udár Prezidente Tribunál Rekursu (PTR) troka Deolindo dos Santos

Nomeasaun Afonso Carmona ba Prezidente Tribunál Rekursu hodi troka Deolindo dos Santos. Foto/Repro

Nomeasaun ba eis Juíz Administrador Tribunál Distritál Díli, Afonso Carmona ne’e ho baze dekretu Prezidensiál, Nú.35/2025 fulan-Abríl 2025.

Prezidente Repúblika José Ramos-Horta iha nia diskursu afirma nomeasaun ba Prezidente foun Tribunal Rekursu Timor-Leste nian reprezenta kompromisu ne’ebé firma hodi hametin Estadu Direitu.

Nia hateten Tribunál Rekursu okupa pozisaun úniku no vitál iha kontestu konstitusional RDTL. Nia sai nu’udár guardiaun fiel ba Konstituisaun, hodi garante katak Timor-Leste  nia lei sira interpreta ho justu no aplika hanesan ba sidadaun hotu-hotu.

Tuir nia, Tribunál Rekursu fornese kontrolu no ekilíbriu esensiál sira iha demokrasia nia laran, hodi proteje direitu no liberdade sira ne’ebé povu luta maka’as atu asegura nafatin nterese Estadu nian.

Prezidente Tribunál Rekursu Alfonso Carmona hatoo agradese bá Prezidente Repúblika ne’ebé fo ona komfiansa ba nia hodi asume kargu nu’udar Prezidente Tribunál Rekursu.

“Hau hakarak fo obrgado boot ba no hakruuk ba ita hotu ne’ebé fo komfiansa no bele akredita ha’u atu simu responsablidade boot hanesan PTR ba tempu oin. Ha’u simu responsablidade ida-ne’e ho korajen, umildade no determina atu fó kontribuisaun diak ba povu no nasaun,” Afonso Carmona tenik.

Jornalista: Tome da Silva