Hatutan.com, (27 Marsu 2025), Díli– Konsellu Ministru sira-nian sei revoga Lei Organizasaun Judisiáriu (LOJ) hodi  fó biban tomak bá Prezidente Repúblika (PR), José Ramos-Horta atu halo nomeasaun bá Presidente Tribunál Rekursu (PTR) foun hodi troka  atuál Prezidente Tribunál Rekursu, Deonildo dos Santos.

Lee Mós: Deolindo dos Santos “Halerik” Tanba Juiz iha TR Na’in-34 De’it

Ministru Justisa (MJ) Sérgio de Jesus Fernandes da Costa Hornai. Foto/Elio dos Santos da Costa

Prezidente Tribunál Rekursu, Deolindo dos Santos sei termina nia mandatu iha loron 29 fulan-Abríl 2025. Nia hetan nomeasaun husi Prezidente Repúblika, Francisco Guterres “Lú-Olo” iha loron 28 fulan-Abríl 2021 tuir Dekretu Prezidente Repúblika Nú.23/2021, 28 Abríl.

Ministru Justisa  Sérgio da Costa Hornai, esplika  Lei Organizasaun Judisiáriu  uluk  nian  mak  Lei númeru 24/2002 ne’ebé  prova bá iha  Lei númeiru 25/2022, ne’ebé ko’alia kona-bá alargamentu  bá iha Tribunál Supremu nian.

‘‘Membru Governu hothotu  dehan katak, presiza halo alterasaun bá iha  Lei Organizasaun Judisáriu ninian, atu nune’e, bele fó biban iha Prezidente Repúblika  atu uza nia kompetensia polítika no  konstitusionál  ho baze ida ne’ebé define kona-bá nomeiasaun  kargu prezidente Tribunál Rekursu ka  Supremu  Tribunál Justisa (STJ) ne’ebé  atu halo kontinuasaun  bá iha mandatu, tanba PTR atuál nia mandatu sei hotu iha fulan-Abríl  2025, agora  ita  presiza  halo alterasaun ba ida-ne’e,”Ministru Justisa Sérgio da Costa Hornai, informa ba jornalista sira bainhira  partisipa  aniversáriu PNTL nian bá dala-XXV  iha Resintu Palásiu Governu Díli, Kinta (27/03/2025).

Ministru Sérgio Hornai hateten hanesan ekipa ne’ebé  iha  atu halo instalasaun bá iha  Supremu Tribunál Justisa agora Governu  haree katak  presiza haree fil- fali,  ho ida ne’e duni, iha Konsellu Ministru sei hamosu proposta ida atu bele halo alterasaun   no  hetan aprovasaun  hosi reuniaun Konsellu Ministru sira-nian.

Nia dehan, iha mandatu VIII Governu ninia programa  iha hanoin ida  mak atu introduz polítika  lejislativa ida ne’e nian, nune’e bele  hanoin dadauk ona estabelesimentu  tribunál sira hosi primeira instánsia, segundu instánsia no mós  bá iha Supremu Tribunál Juastisa.

‘‘Depois ita haree katak loos duni,  ita ninia tribunál rekursu ne’ebé agora  iha de’it juis, ita bele hateten katak la liu na’in-lima (5) ne’ebé. Sé  Governu  estabelese Supremu Tribunál Justisa signifika juis iha Tribunál Rekursu mak  dudu sa’e bá iha Supremu Tribunál Justisa, entaun    impaktu balun  bá iha  juis sira iha  segundu instánsia nó mós  iha primeiru instánsia ninian.

Nia haforsa  Prontu entaun  Governu  iha duni razaun  atu liu hosi  konsellu Ministru  halo tan revogasaun ba iha  lei ida ne’e atu bele hatuur nafatin,” nia hateten.

Kona bá figura sé mak bele troka Deolindo dos Santos,  Sérgio Hornai hateten, ne’e kompeténsia Prezidente Repúblika  nian no  Governu hanesan haree sira ne’ebé priense rekizitu mak bele promove.

Jornalista: Elio dos Santos da Costa