Hatutan.com, (14 Jullu 2025), Díli–Timor-Leste iha oportunidade atu promove setór turizmu ba mundu, liu husi atividade jogu desportivu nasaun sira ko’alia lian portugés (CPLP, sigla portugés) nian iha Díli.

Lee Mós: Governu Aprova Millaun $3.6 bá Eventu Multi-Desportiva CPLP Dala-XII iha Timor-Leste

Bandeira CPLP ho bandeira nasionál nasaun sira membru CPLP nian. Foto/Ofisiál CPLP

Membru Parlamentu Nasionál hosi Bankada  Fretilin, Oscar Lima, hateten iha jogu sira CPLP ne’e, nasaun sira membru CPLP sei partisipa hotu no partisipante sira ne’ebé hola parte iha eventu ida-ne’e iha Díli sei soe hela osan oituan iha Timor-Leste tanba sira nia matan sei monu ba buat ruma ne’ebé importante loos ba sira iha Timor-Leste.

Nia hatutan Timor-Leste mós presiza gasta osan bara, hodi akomoda ema sira mai ne’e ho di’ak, nune’e ema mós kontenti no konfortavel atu bela hela iha ne’e durante eventu jogu desportivu CPLP lao.

Antigu prezidente Kamara Komérsiu no Indústria Timor-Leste (CCI-TL) ne’e  fó hanoin  ba Ministeriu Turismu tenke halo ona nia papel  ida-ne’e/ hodi faan tais original husi Timor nian.

Biban ne’e membru komisaun G Parlamentu Nasionál ne’ebé trata Assuntu Edukasaun, Joventude, Kultura no mós Sidadania,  Deputadu Gabriel Soares hateten,

ko’alia kona-bá benefisiu iha ka lae iha ámbitu jogu CPLP ne’e mai Timor-Leste,   ne’e jogu ida tama ona iha nivel internasional,  kuandu sidadaun entranjeiru ida mak tama iha teritóriu nasionál Timor-Leste nian, senti orgullu tanba Timor-Leste bele organiza eventu internasionál iha rain rasik.

Deputadu ne’e argumenta,  liu husi eventu ne’e mós bele hametin liután amizade entre nasaun sira  membru CPLP. Abertura jogu desportivu CPLP  ba dala-XII ne’e hala’o iha Dili iha loron 19 fulan-Jullu 2025.

Jornalista : Zita Menezes