Hatutan.com, (26 Setembru 2025), Oé-Cusse-Grupu agrikultor sira iha Rejiaun Administrativu Espesiál Oé-Cusse Ambenu (RAEOA) halerik  tanba produtu lokál la folin iha merkadu.

Lee Mós: Espozisaun Setór Produtivu iha RAEOA, Oportunidade Ba Foin-sa’e sira Atu Aprende

Grupu Nekaf Mese fa’an produtu lokál iha espozisaun ne’ebé hala’o iha Palaban, Pante Makasar, RAEOA. Foto/Juvinal Cabral dos Santos

Xefe Grupu Nekaf Mese, Luiza Kif hateten, durante espozisaun ne’e grupu Nekaf Mese fa’an produtu lokal, koto moruk, kumbili, fehuk, talas, ai-fariña, hudi, batarfFai, aidila tasak, ai-manas, Lis-mean no mutin, fore, fore-rai, tomante, foos-rai folin tebes.

“Espozisaun iha loron hirak ne’e ami faan ami nia produtu lokal ne’e folin tebes kompara ho loron bain-leet ami la hetan rendimentu ne’ebé di’ak, tanba ema sosa ami nia sasan laiha,” Luiza Kif ba jornalista iha Palaban, Pante Makasar RAEOA, Kuarta (24/09/2025).

Nia esplika durante grupu Nekaf Mese halibur malu hodi faan produtu local, maibé bainhira loron bailet dalaruma la folin kompara ho espozisaun ne’e.

“Ami nia grupo ami hari foin tinan ida ho objetivu atu fa’an produtu lokal de’it no ami nia grupu hamutuk na’in-50 kompostu husi mane 20 no feto 30 bainhira ami fa’an sasan ami hetan osan kada loron nia ami sei tau hamutuk tinan ida mak ami foin fahe  hodi haree ba ami nia oan sira nia eskola no balun ami uza ba ami nia nesésidade uma laran nian,” Luiza Kif haktuir.

Durante Grupu Nekaf Mese ne’e harii sira hetan dezafiu barak, maibé sira nafatin konsiente atu fa’an produtu lokal hodi hetan osan atu haree nia oan sira nia eskola no nesesidade uma-laran.

Jornalista : Juvinal Cabral dos Santos