Hatutan.com, (13 Novembru 2025), Díli-Komandu Polísia Nasional Timor-Leste (PNTL) Munisipiu Baucau detensaun ba suspeitu na’in-lima (5) ne’ebé tenta transporta mina ba Indonézia ilegalmente.

Portavós interinu PNTL Superintendente Asistente Polísia Mouzinho T. Correia. Foto/Juvinal Cabral dos Santos

Portavós interinu PNTL Superintendente Asistente Polísia Mouzinho T. Correia, ba jornalista, Kinta (13/11/2025), informa iha loron 6 fulan-Novembru tinan 2025, PNTL Munisípiu Baucau  halo detensaun ba suspeitu na’in-lima (5) kompostu hosi Timoroan na’in-tolu (3) ho sidadaun estranjeiru ho nasionalidade Xina na’in-rua (2) tanba sira tula mina (gazulina no gazuel)n atu hatama ilegalmete ba Indonézia liu hosi Portu Caravela, Postu Administrativu Vemasse, Munisípiu Baucau.

Mina ne’ebe sira atu transporta ho ró ne’e kompostu husi gazulina tonelada lima (5) no gazuel tonaleda ualu (8).

Hafoin kumpre detesaun iha sela Polísia Baucau no submeter ba investigasaun no ideitifikasaun, loron tuir mai Polísia submete kedas ba primeiru interrogatóriu  ba Tribunál Judisiál Primieira Instánsia Baucau (TJPIB) h onia rezultadu Juiz prosesu  aplika medida koasan termu indentidade rezidénsia (TIR) ba Xineza na’in-rua (2) no aprezenta periódika ba Timoran na’in-tolu (3).

Kazu kontra bandu ne’e ne’e rejistu ho Númeru Úniku Krime (NUK) 0085/25.BCSIC ne’ebé iha relasuan ho atividade ilisítiu.

Jornalista: Juvinal Cabral dos Santos