Hatutan.com, (06 Janeiru 2026), Díli-Kazu membru Polísia Nasionál Timor-Leste (PNTL) na’in-tolu ne’ebé sofre kanek tanba hetan tiru husi arma branka iha Munisípiu Ainaro, foin lalais ne’e,  na’in-ida sei kontinua halo operasuan faze segundu tanba kilat-musan husi kilat-anin sei iha nia ulun laran.

Lee Mós: 31 Dezembru 2025-01 Janeiru 2026, PNTL Detein Ema Na’in-18 no Prende Motór 31

Membru PNTL ida husi sira na’in-tolu ne’ebé hetan tiru ho kilat-anin iha Munisípiu Ainaro, foin lalais ne’e. Foto/Média PNTL

“Ita hatene iha situasaun tinan foun nnian iha munisípiu balun hanesan Ainaro, ita-nia membru polísia balun hetan kanek tanba ema balun tiru ho kilat-anin, mas Servisu Investigasaun Kriminál Nasionál halo ona prosesu aprezenta ba iha Mínisteriu Públiku (MP),” Komadante Jerál PNTL Komisáriu Jerál Polísia Henrique da Costa ba jornalista sira iha Kuartel Jerál PNTL, Caicoli, Tersa (06/01/2026).

Komadante Jerál PNTL ne’e, hateten membru  husi komandu PNTL Munisípiu Ainaro na’in-tolu  mak kanek  tanba hetan tiru husi ema ho kilat-anin.

“Membru sira ne’ebé hetan tiru ne’e agora dadauk baixa hela iha HNGV hodi hala’o hela operasaun primeiru ba sira-nia kanek, tuir informasaun ha’u rona katak remata ona no hein operasaun segundu mak halo operasaun ba kilat-musan husi kilat-anin ne’ebé iha membru polísia ida nia ulun,” Komisáriu Jerál Polísia Henrique da Costa hateten.

Jornalista: Juvinal Cabral dos Santos