Hatutan.com,  (23 Fevereiru 2026), Díli – Ministériu Públiku halo ona validadasaaun bá objetu sira ne’ebé ekipa konjunta Polísia Nasionál Timor-Leste (PNTL) halo buska no apreensaun husi Xinés na’in- 18 ne’ebé deskonfia atu halo instalasaun ba atividade jogu ilísitu online scamming.

Lee Mós: Advogadu Ba Xinés Na’in-18 Lamenta Atuasaun Polísia Laiha Mandadu Tribunál

MP ho PNTL, Segunda (23/02/2026), halo konifrmasaun no validasaun ba abjetu sira kazu jogu ilísitu ne’ebé deskonfia envolve husi Xinés na’in-18. Foto/Marcelino Tomae

Iha Sesta (20/02/2026), hale’u tuku 18:00 Otl, ekipa konjunta husi PNTL halo buska no apreensaun ba rezidénsia privadu ida iha Fomento, Díli, tanba deskonfia halo instalasaun ba atividade jogu ilísitu online scamming.

Iha buska ne’e, autoridade Polísia halo idenitifkasaun ba sidadaun estranjeiru ho nasionalidade Xina na’in-18, inklui halo apreensaun ba ekimpamentu sira hanesan ekipamentu safety Box (brankas tau osan 1), modem wireless  ida (1),  Komputador PC hamutuk 12, meza desktop rua (2), meja kik tolu  (3), kama andár 10, spring bed 20 ne’ebé tau iha kuartu neen (6) nia laran.

Iha  Segunda  (23/02l2036), hale’u tuku 09:30 dadeer Otl,  Polísia Nasionál Timor-Leste ho Nasionál Timor-Leste (PNTL),  Diresaun Investigasaun Kriminál Nasionál (DIKN),  ho karreta Hilux koor mutin, lori ona objetu  sira  bá Ministériu Públiku hodi halo validadasaaun

Informasaun preliminár  ne’ebé Hatutan.com rekolla  iha  resintu Ministériu  Públiku, Díli, katak validasaun inklui verifikasaun orijen objetu sira, nia ligasaun ho atividade jogu ilegál, no konformidade ho lei aplikável, katak etapa ne’e importante atu garante  bá prosesu investígasaun la halo erru no tuir prosedimentu ne’ebé transparénte

Prosesu validasaun bá objetu sira ne’ebé apreendidu husi kazu jogu online, ne’ebé agora   lori mai iha Ministériu PúblikuIha hodi halo verifikasaun dokumentu no konteúdu objetu, inklui verifika kondisaun fíziku no korespondénsia ho lista evidénsia.

Fonte sira iha Ministériu Públiku mós konfirma katak kooperasaun ho ajénsia estadu relevante sira sei kontinua, inklui parte seguransa no órgaun  reguladora, atu hametin kolekta evidénsia no halo klaridade ba kazu ne’e. Bainhira prosesu validasaun remata, rezultadu sei servi hanesan bazé ba desizaun legál seluk, inklui  halo akuzasaun.

Prosesu ne’e la’o ho atensaun no prosedimentu tékniku, ho partisipasaun ofisiál sira ne’ebé fó prioridade ba klaridade,  Objetu sira ne’ebé iha kartaun no kaixa aparente halo sai  evidénsia mak halo-inventáriu no prepara bá analizé tuirmai.

Fó hanoin fila katak Ekipa konjunta kompostu husi Polísia Nasionál Timor-Leste (PNTL)  Diresaun Investigasaun Kriminál Nasionál (DIKN),  Servisu Migrasaun no Forensik,  halo buska no apreensaun ba sidadaun estránjeiru ho nasionalidade Xina na’in-18 ne’ebé deskonfia prátika jogu  online Scamming iha área Fomento I, Suku Comoro, Postu Administrativu Dom Aleixo, Munisípiu Díli.

Jornalista: Marcelino Tomae