Hatutan.com, (17 Abríl 2026), Díli– Kazu osan falsu ho montante millaun US$4-resin hanesan kazu krime sériu. Nune’e, tenke iha investigasaun ida kle’an.

Lee Mós: Osan Falsu Tama husi Portu Tibar, PM Xanana Kritika Servisu Alfándega

Osan falsu ne’ebé DSIK halo apreensaun iha armajen Y&W iha Bidau, Kuarta (15/04/2026). Foto/Juvinal Cabral dos Santos

Segundu Komandante Jerál PNTL, Komisaria Asistente Polísia Natercia Eufrazia Soares Martins, konfirma sirkulasaun osan falsu ho valor boot to’o millaun US$4-resin sai ameasa sériu ba komunidade, liu-liu iha área rural no sidadaun vulnerável sira ne’ebé seidauk iha  koñesimentu hodi halo diferensa bá osan falsu  ho orijinál.

Komisáriu Asistente Polísia Natercia Eufrazia Soares Martins,hateten  kazu  osan falsu, ne’e prosesu  investigasaun kriminál ne’ebé hala’o hela husi unidade investigasaun sira iha andamentu legál la’o tiha ona tuir mekanizmu justisa.

“Tanba ita haree husi númeru aas, ita nia populasaun,  bá ita nia komunidade sira ne’ebé  maka la hatene lee no hakerek,  no  iha kapasidade atu halo diferensia entre  osan falsu  no osan ne’ebé maka orijinál. Tanba osan falsu ne’e iha ne’ebá iha buat rua ona, iha ne’ebá sira bele utiliza difisiensia ne’ebé maka ita iha  hodi bosok ita nia komunidade, no nia evidénsia no faktu sira ho provoka maka  ita boot sira haree komentáriu husi ita nia  servisu investigasaun Kriminál, dehan katak osan sira ne’e sira uza ona iha antes   hodi sosa ona sasán,”  Komisáriu Asistente Polísia Natercia Eufrazia Soares Martins hateten ba jornalista sira bianhira ho Komandante Jerál Komisáriu Asistende Afonso dos Santos hasoru malu ho Prezidente Repúblika, Sesta (17/04/2026).

Komisária Asitetente  Polísia mós fó hanoin kona-bá seguransa, haktuir katak seguransa la depende de’it ba asaun baku malu ka insidente sira  maibé iha dimensaun boot liu ne’ebé inklui servisu interna no koordinasaun institusionál sira iha sistema seguransa laran tomak.

Nia dehan  osan ne’ebé  suspeitu  sira dehan halimar, kopia ne’e,  konsege sosa ona sasán  no hetan ona osan orijinál ne’e  bá sira nia bolsu,  ida-ne’e ne’e akontese iha Díli, maibé  oinsá  ho osan falsu sira ne’ebé distribui bá área rural nk remotas, ezemplu sira uza bá sosa rai,  uza bá hafolin feto,  tanba ita haree ita nia maluk feto barak mka8 vulneravel la halimar.

“Ho ida ne’e  maka ha’u dehan buat sira ne’e hotu ha’u la ko’alia klaru  iha ne’e,  tanba ne’e sei segredu Justisa, di’ak liu maka ne’e,  prosesu ne’e la’o lai, tanba buat ida  ke ita dehan osan tebes osan falsu, ka osan la halimar  ne’e buat katak ida, to’o iha tribunál maka desde katak osan ne’e mai halimar de’it,  osan ne’e atu halo atividade filme ruma  ne’e Tribunál nia kompetensia,” nia dehan.

Asitetente Komisária Polísia ne’e bolu atensaun  bá  Timoroan hotu tenke matan moris neon na’in,  tanba Timor ne’e  hothotu nia rain,  Timor presiza seguru  buat balu ne’ebé maka lori insiguransa bá rai ne’e.

“Tanba buat sira ne’e mai, ita nia matan gosta kan,  sei ita la domina ita nia aan,  ita   la domina ita ka espiritu atu hadomi rai ida-ne’e ho povu nia siguransa, dala barak  ne’e ita monu,” nia dehan.

Nia haktuir,   aspirasaun Públiku  liuhusi komentáriu média sosiál, Komisária  Natercia mós akompaña no lee hela, komentáriu dehan Kazu ne’e taka tiha. Maibé  Konsidera  ema matenek de’it fó sira nia komentáriu

 “Ne’ebé ne’e ami rona, hanesan ema matenek ita haree husi matenek ninian,  maibé ami nia servisu ne’e, oinsá atu salava  no asegura  bá ita ne’ebé mais vulneravel,  ida-ne’e Timoroan hotu ita tenke responsabilidade,” nia dehan.

Tanba ne’e nia rekomenda katak, kazu osan falsu ne’e, ekipa seguransa liu-husi PNTL ho diresaun hothotu halo esforsu tomak hodi tau tama bá kazu ne’e to’o hetan nia karidade loloos.

“Maibé la’ós ami de’it, ita hotu Timoroan tomak  ne’ebé hola parte iha laran  servisu hamutuk hodi sai matan tilun  bá autóridade  komponente   ne hanensan Polísia  ne’ebé eziste iha ita nia rai,  hodi tau matan bá ida-ne’e,” nia hateten

Jornalista:Marcelino Tomae