Hatutan.com, (30 Juñu 2026), Díli–Ministériu Públiku solizita ba Tribunál atu aplika medida koasaun US$10,000 no prizaun preventiva  bá arguidu ida no arguido na’in-60 seluk aplika aprezenta periódidika.

Lee Mós: Indonéziu Na’in-61 Argiudu Ba Kazu Scam Call Centre Maioria Profisaun Marketing no Telemarketing

Indonéziu na’in-61 ne’ebé sai argiudu ba kazu jogu online scam call centre iha Tibar partisipa iha juglamentu primeira interogatóriu iha TJPID, Tersa (30/06/2026). Foto/Marcelino Tomae

Iha kontinuasaun audénsia julgamentu primeiru Interogátoriu, Tersa (30/06/2026),  iha Tribunál Judisiál Primeira Instánsia Díli (TJPID), Prokuradór Matias Soares  reprezenta Ministériu Públiku husu bá Tribunál atu aplika medida koasaun ho montante US$10.000  no Prizaun Preventiva bá arguido ida nu’udár Menejer bá jogu online scam call centre no arguido sira seluk na’in-60 aplika aprezentasaun periódika.

Ministeriu Públiku husu atu aplika medida koasaun aprezentasaun periódika kada arguidu multa to’o US$2,000,   atu aprezenta an ba autoridade kompetente kada semana.

Advogadu privadu ne’ebé fó asisténsia legal ba arguidu na’in-61 ho nasionalidade Indonézia ne’e husu tribunál  atu aplika media kausaun aprezentasaun periódidika  de’it hodi  hodi fó espasu bá Ministériu Públiku halo investigasuna kle’an liután.

Iha Audiénsia Julgamentu Arguidu ho inisiál D, ne’ebé tuir akuzasaun husi Ministériu Públiku

Ministeriu Públiku akuza arguidu na’in-61 prátika jogu online scam call centre bá krime brankeamentu kapitál, asosiasaun kriminoza, jogu ilísitu no fraude fiskál,   violasaun bá vistu.

Rona tiha parte hotu-hotu Juíza Ercilia de Jesus deside  ádia  julgamentu Primeiru Interogátoriu ne’e  bá Kuarta (01/07/2026),  tuku  10:00 hodi hatun despaixu.

Iha loron 26 fulan-Juñu 2026, PNTL liu-husi ekipa Diresaun Servisu Investigasaun Kriminal (DSIK) halo operasaun  hodi detein  Indonéziu na’in-61 iha Tibar, Munisípiu Liquiça, tanba deskonfia halo atividade ilísitiu scam call center no jogu online.

Jornalista: Marcelino Tomae