Connect with us
Pakote Ahi

Justisa & Krime

Lemorai Nia Mate, OSF Ezije Kria Lei Própriu Asegura no Valoriza Veteranu Sira

Published

on

Hatutan.com, (18 Outubru 2021), Díli-Ho esperiénsia “moruk” ne’ebé akontese ba Veteranu FALINTIL, Saudozu Celestino Boavida “LEMORAI” ninia mate, Organizasaun Sagrada Família (OSF) liuhosi konferénsia imprensa, Segunda (18/10/2021), iha Sede OSF, Fatuhada, Díli, husu ba Estadu atu kria Lei própriu hodi asegura no valoriza veteranu sira husi violénsia.

Notísia iha Relasaun : Polísia Suspeita Ema Na’in-Tolu Oho ‘Lemorai’

Ba Saudozu Celestino Boavida “LEMORAI” nia mate, OSF husu atu órgaun judisiáriu iha TL halo investigasaun kle’an no halo julgamentu ida rigór hodi fo pena ba autór kriminozu sira tuir sira-nia aktu, atu nune’e, evita hahalok hanesan ne’e labele mosu tan ba veteranu seluk iha futuru.

Advertisement

Estrutura no membru Organizasaun Sagrada Família (OSF) halo konferénsia Imprensa iha Sede OSF, Fatuhada, Díli, Segunda (18/10/2021). Foto/Hatutan.com

Saudozu Celestino Boavida “LEMORAI”, mate iha Kinta (14/10/2021), liuhosi akontesimentu trájiku ne’ebé deskonfia autór na’in tolu maka halo asaltu ba Saudozu hodi taa no oho Saudozu iha Suku Namanei, Postu Administrativu Quelicai, Munisípiu Baucau.

OSF husu ba Órgaun Soberanu atu projeta lei spesifikku ida hodi próteze veteranu sira nu’udar meiu ida atu bele asegura no valoriza veteranu sira iha sosiedade nia leet.

“OSF konsidera se lei própriu atu asegura no valoriza veteranu laiha maka ba futuru ema sei halo nafatin violénsia hasoru veteranu no veterana sira,” membru ho estrutura  OSF sira  haktuir iha konferénsia imprensa.

OSF mós husu atu foin-sa’e no públiku tenke respeita no tane ás veteranu sira tamba ho sira-nia dedikasaun no sakrifisiu mak ohin loron TL hetan nia independente.

OSF konsidera veteranu no veterana sira la merese atu simu insulta hanesan tolok, baku no aat liu tenke mate iha kriminozu sira-nia liman hanesan kazu ne’ebé foin akontese ba veteranu Lemorai.

“Ami husu ba maun boot sira, komandante rejiaun hotu no lider nasional sira seluk atu tau atensaun sériu ba hahalok violénsia sira ne’ebé iha hasoru veteranu no veterana sira,”  OSF sira hateten.

Advertisement

OSF sei organiza asaun hasoru kriminozu sira uainhira órgaun soberanu sira iha TL la tau atensaun sériu ba aktu violasaun sira hasoru veteranu no veterana sira.

OSF mos husu atu FALINTIL no maluk rezisténsia seluk iha territóriu nasionál atu hametin liña koordenasaun no promove komunikasaun atu nune’e labele sai tan vítima.

Iha fatin hanesan Bernadinho de Cristo Fereira hateten patrimóniu sagradu no uniku liu iha Timor mak FALINTIL. Se kuandu FALINTIL nia dignidade monu signifika Estadu  direitu soberanu mos nia dignidade monu,” hateten Bernadino de Cristo Fereira.

OSF nafatin ho nia prinsípiu atu luta ba direitu no liberdade sidadaun hotu nian, liuliu eis gerrilleiru FALINTIL, veteranu no kombatente libertasaun nasional sira, ne’ebé luta ba liberdade rai ida ne’e nian.

Komandante FALINTIL Cornelio Gama “L7” atuál membru Parlamentu Nasionál, hateten OSF nia prinsípiu mak koopera ho FALINTIL atu hamutuk liberta nasaun  TL.

Advertisement

Preokupasaun ne’ebé OSF iha maka tanbasá too ukun an tiha, membru sira ne’ebé kontribui ba TL nia ukun an hetan violasaun oioin no ikus balun tenke lakon vida iha kriminozu sira liman.

“Ha’u nafatin apela ba membru sira no família atu ita buka solusaun ba problema no labele halo estrundu no provokasaun ruma hodi prejudika estabilidade iha rai-laran,” L7  hateten.

Jornalista : Vito Salvador

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Justisa & Krime

Kazu Taa iha Bebora, Tribunál Aplika Aprezentasaun Periódika Bá Arguido Na’in-rua

Published

on

Hatutan.com, (25 Fevereiru 2024), Díli -Tribunál Judisiál Primeira Instánsia Díli (TJPID), Domingu (25/02/2024), halo primeiru interrogatóriu bá arguido na’in-rua ho inisiál J no HM ne’ebé halo tentativa omisídiu hodi uza samurai taa sidadaun ida iha karreta Grand-Max laran iha área Bebora, Díli.

(more…)

Kontinua Le'e

Justisa & Krime

Kazu Farmásia Moris Foun, Tribunál Aplika Medida Koasaun 4 bá Arguido Sira no Husu Polísia Fó Fila Ai-moruk Item 150

Published

on

Hatutan.com, (24 Fevereiru 2024), Díli -Tribunál Judisiál Primeira Instánsia Dili (TJPID) liuhosi primeira interrogatóriu, Sábadu (24/02/2024), aplika medida koasaun haat (4) bá arguido na’in-tolu (3) nu’udár jerente bá Farmásia Moris Foun relasiona ho kazu hatama ai-moruk ilegál ho item 150.

(more…)

Kontinua Le'e

Justisa & Krime

Hatama Ai-moruk Ilegál Fó Prejuizu bá Estadu

Published

on

Hatutan.com, (23 Fevereiru 2024), Díli– Membru Parlamentu Nasionál hosi  Bankada CNRT, Patrocínio dos Reis Fernandes, husu bá autoridade polisiál, Ministériu Públiku no Tribunál atu prosesa kazu hatama ai-moruk ilegál tanba  fó prejuizu bá Estadu.

(more…)

Kontinua Le'e
Advertisement

Trending