Connect with us
Pakote Ahi

Baucau

Koléjiu Konsultores Baucau Hili Padre Alípio Gusmão Nu’udár Administradór Diosezanu

Published

on

Hatutan.com, (04 Novembru 2021), Dili—Koléjiu Konsultores Diosezanu, hili atuál Pároku Parókia Santo António Manatuto, Padre Alípio Pinto Gusmão, nu’udár Administradór Diosezanu, to’o Bispu foun iha.

Padre Alípio Pinto Gusmão, bainhira simu pose nu’udár Pároco Paróquia Santo António, Manatuto. Foto/Facebook.

Administradór Diosezanu ne’e hili bazeia ba dekretu Kanónika númeru 421/1 no tuir estatutu Koléjiu Konsultores númeru 7 ne’ebé fó kompeténsia atu Koléjiu ne’e bele konvoka reuniaun no halo eleisaun liu hosi votu segredu, tuir prosedura tomak, norma reskrisaun nian ne’ebé prevee iha Lei Kanónika númeru 164 to’o 179. 

Notísia iha Relasaun:Dom Basílio Husik-iis Tanba Moras Fuan iha Suai

Nune’e, Iha loron Domigu (31/10/2021) oras 22:30 otl, Koléjiu Konsultores Dioseze Baucau konvoka kedan reuniaun extraordináriu, hodi hili Padre ida hosi kleru Dioseze nian atu assume knaar Administradór Diosezanu, tanba ‘Sede Vacante’.

Advertisement

Padre Alípio Pinto Gusmão sei administra Dioseze Baucau, hodi hein nomeasaun ba Bispu foun, tuir dekretu Kanóniku ne’ebé iha.

Nomeasaun ne’e hetan aseitasaun hosi Sekretáriu Koléjiu Konsultores Dioseze Baucau, iha Kinta (04/11/21) iha ámbitu selebrasaun misa defuntus ba maktoban Dom Basílio do Nasimento.  

“Padre Alípio Pinto Gusmão rasik ho omiliasaun no obediénsia aseita votus hodi nomeia  nu’udár Administradór Diosezanu, hodi Governa no Administra Dioseze Baucau atu hein Bispu foun,” Komunikadu ne’ebé fó-sai molok misa funebre ba maktoban Bispu Basílio do Nascimento iha Igreja Katedrál Santo António Baucau.

Membru Koléjiu Konsultores Dioseze Baucau kompostu hosi Padre Manuel da Silva, SDB (Prezidente), Padre Evaristo António da Costa, Padre José Gonzaga, Padre Tomas de Aquino Lopes da Cruz no Padre Benedictus Randum.

Tuir lei Kanônika, Santo Padre bele nomeia Administrador Apostoliku ida. Maibe, kleru Diosezanu Baucau bele hili Administrador Diosezanu ida. Ida ne’e atu hatudu korajen no maturidade hosi kleru atu hulan todan ne’e hamutuk no Santu Padre sei aseita hodi fo tulun tomak ba governasaun dioseze ne’e. 

Advertisement

Iha fatin hanesan, Reprezentante Santa-Sé iha Timor-Leste, Mgr Marco Sprizzi, hateten, Dioseze Baucau mós iha ona Administradór Diosezanu ne’ebé hili hosi koléjiu konsultores, nu’udár prova maturiodade Igreja lokál nian.

Tanba ne’e, lori Santu Padre nia naran Mgr Marco Sprizzi enkoraza atu Padre no Madre sira hamutuk ho sarani tomak apoia servisu ne’ebé oras ne’e tula hela ba Padre Alípio Pinto Gusmão, hodi hein nomeasaun no instalasaun ba Bispu foun.

“Momentu sira hanesan ne’e, tenke sai hanesan momentu unidade, kolaborasaun no rekonsiliasaun ba esforsu-sira ba di’ak povu sarani nian, nu’udár testamuña Evanjelizasaun ohin loron nian,” Mgr Marco Sprizzi, enkoraza.

Padre Alípio Pinto Gusmão, hosi Uatolari, moris iha 10 Maiu 1978, filiasaun hosi Alfredo Sarmento (matebian) n Helena Sarmento (matebian) no nia mak oan mane ikun hosi maun alin na’in-hitu (70)

Simu sakramentu Batizmu iha Igreja Uatulari, 17 Dezembru 1980 hosi Padre Carlos Pereira no halo primeira komunñaun iha Igreja Uatolari, 15 Agostu 1989.

Advertisement

Simu sakramentu konfirmasaun iha Igreja Uatolari, iha 21 Setembru 1991 hosi Bispu Dom Carlos Filipe Ximenes Belo, SDB.

Hala’o nia formasaun primária iha Uatolari hosi tinan 1987-1992 no pré-sekundária iha Uatolari hosi 1992-1995.

Remata nia eskola sekundária iha Colégio de São José no Seminário Menor Nossa Senhora de Fátima Balide Dili iha tinan1998 no hala’o formasaun anu preparatóriu hosi tinan 1998-1999. Hakle’an ninia formasaun espirituál iha Seminário Ano Espiritualidade iha Dare hosi 1999-2000.

Formasaun Filozofia no Teolojia iha Seminário Maior de São Pedro e São Paulo Fatumeta Dili Timor-Leste iha tinan 2006. Halo esperiênsia pastorál iha Kuase Paróquia Cristo Rei, Lautem hosi 2004-2005.

Lisenciadu iha área Teologia Dogmática hosi Universidade Gregoriana Roma iha tinan 2014. Halo mós curso dos formadores dos sacerdotes e da vida consagrada iha Centro Favre, hosi Universidade Gregoriana hosi tinan 2014-2015 (diploma).

Advertisement

Simu ordem menores ba Leitorado iha 30 Juñu  2004 hosi Bispu Dom Basílio do Nascimento no Acolitado 29 Juñu 2005 hosi Bispu Dom Alberto Ricardo da Silva.

Simu ordenasaun  diakonadu iha Paróquia Laclubar, 30 Novembro 2007 no ordenasaun Sacerdotal iha Paróquia Viqueque, 15 Agosto 2008.

Iha tinan 2007-2010 serbisu nu’udár Staff  Comissão da Justiça e Paz Dioseze Baucau.

Hala’o ofísiu nu’udár Vise-Chanceler Diocese Baucau hosi 2010-2012. Nomeado nu’udár Vigário kooperadór Paróquia Nossa Senhora da Graça Vemasse hosi Janeiro-Agosto 2012.

Simu provizaun nu’udár Vigário paroquial  Paróquia Nossa Senhora da Graça de Vemasse. Actualmente nu’udár Professór da Teolojia Dogmática iha Instituto da Filozofia no Teolojia Fatumeta-Dili no nu’udár Pároco Paróquia Santo António, Manatuto.

Advertisement

Jornalista: Vito Salvadór

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Baucau

Komunidade Uma-Kain 60 iha Uma-Ana-Iku Triste ho Atitude Autoridade BTL,E.P Baucau Tesi-Kotu Kanu Distribuisaun Bee-Moos bá Sira

Published

on

Hatutan.com, (23 Janeiru 2024), Baucau-Komunidade uma-kain 60 ne’ebé horik iha área Uma-Ana-Iku, Suku Bahu, Postu Administrativu Baucau Vila, Munisípiu Baucau, lamenta no triste ho atitude Diretora Bee Timor-Leste, Empreza Publika (BTL,E.P) Munisípiu Baucau, ne’ebé ho ‘arrogánsia’ tesi-kotu kanu distribuisaun bee-moos bá sira-nia horik fatin, Segunda (22/01/2024).

(more…)

Kontinua Le'e

Baucau

MS Kontinua Implementa Servisu Integradu Saúde Iha Baucau

Published

on

Hatutan.com (24 Novembru 2023), Baucau—Ministeriu Saúde (MS) liu hosi programa servisu integradu saúde kontinua koordena ho liña sektorais iha sentru saúde sia (9)  iha munisipu Baucau.

(more…)

Kontinua Le'e

Baucau

Sentru Saúde Quelicai Enfrenta Problema Barak-liu

Published

on

Hatutan.com (24 Novembru 2023), Baucau— Sentru Saúde iha Postu Admistrativu Quelicai, munisípiu Baucau enfrenta problema barak liu.

(more…)

Kontinua Le'e

Trending