Connect with us
Pakote Ahi

Desportu

Aitana FC Rekolla Vitória Dahuluk Kontra As Ponta Leste 2:1

Published

on

Hatutan.com, (11 Dezembru 2021), Dili—Aitana FC rekolla vitória dahuluk iha Liga Futeból Timor Leste (LFTL) époka ne’e iha jornada dalimak hafoin halakon As Ponta Leste FC ho skore 2-1.

Jogu entre ekipa Aitana FC Kontra As Ponta Leste FC. Foto/LFTL.

Jogadór avansadu Aitana FC Francyatma Ima Kefi (21) marka golu rua hodi lori vitória dahuluk ba nia ekipa, no ho vitória ne’e Aitana FC rekolla pontu haat hodi hadook an hosi nia adversáriu DIT FC ne’ebé iha zona mean ho pontu zero.

Notísia iha Relasaun:Assalam FC ho AD SLB Laulara “Forsa-Hanesan” iha Jornada Dalimak

As Ponta Leste FC ne’ebé iha ambisaun atu rekolla titulu kampiaun LFTL époka ne’e konsege domina jogu hodi halo ameasa barak ba iha adversáriu maibé jogadór avansadu sira falla iha kolaborasaun no la iha skill individu ne’ebé di’ak nune’e ikus mai tenke rende iha Armada Aitana FC nia liman.

Advertisement

Aitana FC iha ambisaun atu sai hosi zona mean nune’e halo kedan esforsu hodi lansa ameasa ida ba adversáriu As Ponta Leste FC iha minutu dahuluk jogu hahu liu hosi Edit Savio (9) maibé falla tanba bola kona iha baliza nia rin parte leten.

Ekipa rua sei mantein ritmu jogu no hasa’e tensi jogu hodi hatudu sira nia ofensidade atu buka oportunidade hodi lidera uluk iha jogu ne’e.

Aitana nafatin iha motivasaun as atu manán jogu ne’e maske falla iha  liña  kotuk ho nune’e ekipa adversáriu tenta halo jogu hodi lansa ameasa liu hosi avansadu Silverio Garcia (27) no Marito dos Santos (9) maibé sei falla.

Tama ba minutu 22 As Ponta Leste FC marka uluk golu ida liu hosi Marito dos Santos (9) hodi muda skore ba 1-0.

Liu de’it minutu balun, As Ponta Leste FC lansa hikas ameasa ida liu hosi Jogadór Expedito da Conceição (10)  maibé baliza sei antesipa ho di’ak.

Advertisement

As Ponta Leste nafatin halo atake maibé Aitana FC konsege asegura hodi halo hikas kontra atake maibé defeza adversáriu iha disiplina  di’ak nune’e asegura ho di’ak.

Aitana FC nafatin halo esforsu no ikus mai responde golu ida liu hosi Jogadór Francyatma Ima Kefi (21) liu hosi bola falta ne’ebé ho distansia kuaze metru 40 Hodi muda skore ba 1-1 iha minutu 28.

Hafoin golu ne’e ekipa rua iha balansu ba jogu nune’e halo hikas esforsu atu buka oportunidade hodi bele hatama golu atu bele lidera jogu ne’e.

Jogu entre ekipa Aitana FC Kontra As Ponta Leste FC. Foto/LFTL.

Jogadór avansadu direita As Ponta Leste FC Expedito da Conceição (10) sempre halo ameasa liu hosi individu ne’ebé iha maibé sei falla tanba baliza Aitana FC Yusak Redjauw (39) sei antesipa ho di’ak.

Ekipa rua la iha ida mak manan iha primeira parte nune’e obrigadu tenke fahe pontus hodi hein jogu kontinuasaun segunda parte nian.

Iha segunda parte ekipa rua la halo mudansa ba iha Jogadór nune’e mantein ho taktika jogu hodi buka oportunidade.

Advertisement

Aitana FC liu hosi Jogadór Francyatma Ima Kefi (21) konsege marka golu ida maibé arbitu anula golu ne’e tanba Jogadór refere iha pozisaun outside. As Ponta Leste FC tenta halo ameasa liu hosi avansadu Marito dos Santos (9) maibé falla.

Tama ba minutu 53 Aitana FC halo substituisaun hodi hasai avansadu Edit Savio (9) no hatama Miguel Ximenez (19).

Aitana FC kontinua reziste atu bele konkista vitória iha jogu ne’e. As Ponta Leste FC nia baliza sofre aleiza nune’e obriga treinadór tenke halo substituisaun hodi hatama  Albino Ximenes (95) no hasai Francelino Gusmão (1) iha minutu 56.

Silverio Garcia (27) Jogadór As Ponta Leste FC simu kartaun kinur hafoin tahan bola ho liman iha área grandeal adversáriu nian iha minutu 58.

Jogadór As Ponta Leste FC Domingos de Araújo (13) sai no Isaac dos Santos (19) tama iha minutu 58. Aitana FC marka tan golu ida liu hosi avansadu Francyatma Ima Kefi (21) iha minutu hodi muda skore ba 2-1.

Advertisement

Ho golu ne’e obriga As Ponta Leste FC tenke halo mudansa ba Jogadór nune’e hasai Nelson Antonio (3) no hatama Ricardo Bianco (6) iha minutu 64.

Ho substituisaun ne’e As Ponta Leste FC hahú lansa atake barak ba iha nia adversáriu maibé falla halo golu. As Ponta Leste FC halo tan substituisaun hodi hasai José de Oliveira (4) no hatama João Halle (17).

As Ponta Leste FC iha oportunidade atu halo impata liu hosi atake sira ne’ebé iha maibé avansadu sira falla aproveita oportunidade no tama ba minutu 72 As Ponta Leste FC hasai tan Jacinto Soares (24) no hatama Ejivanio da Costa (7).

Substituisaun ne’e la lori mudansa ba iha ekipa As Ponta Leste FC no Aitana FC hahu halo substituisaun hodi hasai Francelino Belo (22) no hatama Emiliano Parada (5) hodi asegura vitória ne’e.

As Ponta Leste FC nafatin halo esforsu maibé falla nune’e too tempu termina vitória ba Aitana FC no As Ponta Leste FC obrigadu tenke simu derota dahuluk iha LFTL époka ne’e.

Advertisement

Treinadór Aitana FC Octavio da Costa espresa sentiment kontente tamba jogu hasoru As Ponta Leste iha duni ambisaun atu manan, nune’e agradese ba esforsu Jogadór sira nian tanba bele rekolla vitória.

“Antes ne’e ha’u hateten ona katak jogu ida ne’e finál. Nune’e ami tenke manan. Ha’u agradese tanba ha’u nia Jogadór Francyatma Ima Kefi bele marka golu 2 no lori vitória ba ami,” Octavio da Costa hateten.

Francyatma Ima Kefi mós kontente bele marka golu rua importante ba ekipa no sei hadi’a performance iha jogu sira tuir mai atu bele lori vitória ba ekipa.

Treinadór As Ponta Leste FC hateten nia ekipa konsege domina jogu maibé falla marka golu nune’e ikus mai tenke simu derrota.

Jornalista: Vito Salvadór

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Desportu

AD SLB Laulara Okupa III Lugar iha Timor Cup 2023, Kay Olok Mellór Markadór

Published

on

Hatutan.com, (15 Janeiru 2024), DíliKlube Futeból Timor-Leste AD SLB Laulara sai hanesan man’an na’in terseiru (III) lugar iha finál taxa Timor Cup 2023 no Jogadór estrela Kay Olok Gusmão sai hanesan mellór markadór ho golu neen.

(more…)

Kontinua Le'e

Desportu

Timor Cup 2023, AD SLB Laulara Derrota Hasoru Northern Crocs

Published

on

Hatutan.com, (11 Janeiru 2024), Díli—Klube Futeból Timor-Leste AD SLB Laulara derrota 2-0 hasoru klube Northern Crocs iha jogu kontinuasaun Taxa Timor Cup 2023 ne’ebé hala’o iha kampu futeból Melbourne Austrália.

(more…)

Kontinua Le'e

Desportu

Kongresu FFTL Falla, Komité Eleitorál La Prudente no Inkapasidade

Published

on

Hatutan.com, (10 Janeiru 2024), Díli- Kongresu Estraordináriu Federasaun Futeból Timor-Leste (FFTL) bá da-IX, Kuarta (10/01/2024), ne’ebé hala’o iha Otél Timor, Díli, falla tanba parte sira kongresista  konsidera Komité Eleitorál inkapasidade no la prudente iha foti  desizaun.

(more…)

Kontinua Le'e

Trending