Connect with us
Pakote Ahi

Liquiça

Bee moos ho Eletrisidade Kontinua Sai Preokupasaun Povu Liquiça

Published

on

Hatutan.com (17 Dezembru 2021) Liquiça —Komunidade Liquiça kontinua preokupa ho problema bee moos no eletrisidade ne’ebé barak seidauk asesu.

Veterana ‘Kasian’ hato’o preokupasaun kona-bá bee moos no eletrisidade durante diálogu ho Prezidente Repúblika, Francisco Guterres Lu Olo, iha Liquiça, Sesta (17/12/2021). Foto/Média PR.

Kona-bá problema bee moos, iha Liquiça komunidade kada loron tenke sosa atu uza ba nesesidade tanba irrigasaun bee moos la funsiona.

Notísia iha Relasaun:Liquiça Presija Infraestrutura iha Seitór Turizmu

Graciana da Silva reprezentante Asoaiasaun Feto Munisípiu Liquiça ko’alia sai situasaun ne’e ba Prezidente Republika (PR), Francisco Guterres Lú Olo, durante diálogu ne’ebé hala’o iha salaun Toko Dede Centre Sesta (17/12/2021).

Advertisement

“Ami fulan ida ona sosa bee moos. Iha maluk barak ne’ebé kbiit laek labele hola,” Graciana da Silva hateten ho triste.

Iha aldeia Kamalehou Suku Lauhata mós enfrenta situasaun hanesan tanba perfurasaun ba bee moos ne’ebé antes ne’e parte saneameantu munisipiu Liquiça halo oras ne’e aat ona.

“Ami husu atu fura fali bee moos ba ami nia komunidade, tanba iha nee bee susar loos,” Xefe aldeia Faustino Xavier, husu.

Iha parte aldeia Turlala suku Ulmera, komunidade tenke halo esforsu hodi la’o ho distánsia kilómetru rua hodi bele asesu ba bee moos. Situasaun ne’e halo komunidade sente preokupadu no vulnerável tebes tanba nesesidade lorloron obriga.

“Ami terus ho bee moos desde ukun aan to’o ohin loron,” Komunidade Fernando Santos Amaral, hateten.

Advertisement

Alende ne’e, Veterana Madalena Bidau Soares ‘Kasian’ ezije mós ba Governu tenke resolve problema ne’e tanba espresaun komunidade ne’e sériu tebes.

Hatán ba kestaun ne’e Vise Ministru Administrasaun Estatal, Lino de Jesus Torezão rekoñese bee moos nu’udár nesesidade bázika komunidade, tanba ne’e Governu liu husi MAE liu hosi Programa Nasional  Dezenvolvimentu Suku  (PNDS) tau mos prioridade ba bee mos.

“Iha programa PNDS ita tau osan serka rihun $35-50 ba kada suku atu iha jestaun rasik hodi dada bee moos ba komunidade,” Lino de Jesus Torezão, promete.

Governante ne’e salienta ba tinan oin 2022 MAE liu husi programa PNDS aloka orsamentu hamutuk Millaun $6 atu rezolve komunidade sira nia preokupasaun liga ho bee moos.

Vise Ministru Obras Publika Nicolau Lino Freitas hateten, kona-bá bee no saneamentu iha munisipiu Liquiça oras ne’e MOP halo hela programa rehabilitasaun bee moos ba iha aldeia Pandemu no Maulau suku sediku postu Maubara ho kustu orsamentu rihun $359 no ida seluk maka rehabilitasaun tanki rezervatóriu iha suku Dato  Postu administrativu Liquiça Vila ho luan 4000 m² no totál orsamentu hamutuk rihun $200.

Advertisement

MOP Promete Rezolve Eletrisidade

Vise Ministru Obras Públika, Nicolau Lino Freitas promete katak, Governu liu hosi MOP prevee ona osan iha Orsamentu Jerál Estadu (OJE) 2022 hamutuk millaun $1,4 atu  rezolve eletrisidade iha munisípiu Liquiça hodi dada ba suku Fahi-lebu no Asu-manu inklui aldeia balun ne’ebé oras ne’e seidauk asesu.

“Ita iha dadus totál komunidade 87% mak asesu ona eletrisidade no hela de’it 13%. Tanba ne’e, ho orsamentu ne’ebé ita prevee iha 2022 sei bele rezolve,” nia hateten.

Preokupasaun ba eletrisidade ne’e mai husi Koordenadór Rede Sosiedade Sivil (RSS) munisípiu Liquiça, Paulino Francisco tanba suku Fahilebu, sai vitima ba veteranu sira nia hahalok ida hada’u-malu projetu ne’e.

“Ita hare ba munisipiu ermera postu Railaku ahi lakan, iha Bazartete ahi lakan, Ulmera ahi lakan, maibé suku Fahilebu rasik komunidade sei uza lampada no sunu lilin tanba veteranu sira sei hadau malu projetu,” nia hateten.

Advertisement

Alende ne’e, Reprezentante Asosiasaun Feto munisípiu Liquiça, Graçiana da Silva relata katak, problema eletrisidade lori mos difikuldade ba pessoal saúde sira nia servisu tanba postu saúde iha suku balun to’o oras ne’e seidauk asesu.

“Iha postu saúde suku Asumanu laiha eletrisidade, postu saúde Hatukesi no mós iha postu saúde Fahilebu rasik to’o agora la asesu ba eletrisidade inklui suku Leotela,” Graciana da Silva, kestiona.

Jornalista: Vito Salvadór

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Liquiça

Governu Gasta Millaun $3,5 bá Projetu Instalasaun Transformadór 20 MVA iha Liquiça

Published

on

Hatutan.com (08 Dezembru 2023), Liquiça—Governu liu-husi Ministériu Obras Públika (MOP) ho Eletrisidade Timor-Leste, Empreza Públika (EDTL,E.P) lansa primeira pedra bá projetu instalasaun transformadór 20 Mega Volt Amper (MVA) iha sub-estasaun Liquiça, hodi nune’e bele aumenta tán enerjia atu fasilita kliente sira ho di’ak liu tán.

(more…)

Kontinua Le'e

Liquiça

Lú Olo Agradese Ba Liquiça-oan Sira

Published

on

Hatutan.com, (12 Abríl 2022), Liquiça– Kandidatu Prezidente Repúblika (PR) segunda volta  ho númeru sorteiu rua (2), Francisco Guterres “Lú Olo”, hato’o agradese ba Liquiça-oan sira tanba iha eleisaun primeira volta, 19 fulan-Marsu liubá, fó ona votu ba nia, hodi konsege hakat to’o iha segunda volta eleisaun prezidensiál ne’e.

(more…)

Kontinua Le'e

Liquiça

Alkatiri dan FRETILIN Yakin Lú Olo tak Gentar Hadapi Tekanan Politik

Published

on

Hatutan.com, (04 Maret 2022), Liquiça– Sekretaris Jenderal (Sekjen) partai FRETILIN, Mari Bin Amude Alkatiri dan kadarnya mendukung penuh pencalonan kembali Francisco Guterres “Lú Olo” dalam pemilihan presiden 2022-2027 karena mereka yakin bahwa Lú Olo konsisten dan tak gentar mengahadapi tekanan politik dari kekuasaan politik manapun, termasuk konsisten membasmi korupsi.  

(more…)

Kontinua Le'e
Advertisement

Trending