Connect with us

Cova Lima

Lú Olo Husu Covalima ho Ainaro-Oan sira Lori Tan Nia Ba Palásiu PR

Published

on

Hatutan.com, (07 Marsu 2022), Covalima- Kandidatu Prezidente Repúblika Francisco Guterres “Lú Olo”, husu ba Covalima oan ho Ainaro oan sira atu hamutuk ho nia liuhusi vota ba nia hodi lori tan nia ba Palásiu Prezidensiál Aitarak Lara, Dili nudá Prezidente Repúblika períodu 2022-2027.

Notísia iha Relasaun: Alkatiri ho Lú Olo Promete Atu Lori Libertasaun Foun Mai Timor

Kampaña kandidatu PR Lú Olo iha Munisípiu Covalima, 07 Marsu 2022. Foto/Hatutan.com

Liuhosi kampaña kandidatu PR ho numéru sorteiu 6 iha Munisípiu Covalima, Segunda (07/03/2022), hetan partisipasaun másimu husi militante ho simpatizante partidu FRETILIN nian purvolta ema 6,100  ne’e, lori epseransa boot ba Lú Olo ho nia kometiva husi Dili ne’ebé lidera husi Sekretáriu Jerál partidu FRETILIN, Mari Bin Amude Alkatiri, katak Lú Olo sei manan iha primeira ronde eleisaun prezidensiál ne’ebé sei realiza iha loron 19 fulan-Marsu ne’e.   

Francisco Guterres Lú Olo, ba militante no simpatizante sira,  hato’o  obrigadu ba Suai oan sira-nia konfiansa ne’ebé fó  ba imi nia konfiansa hodi kandidata no hili tan hau ba periodu ida atu sai prezidente ba povu tomak,  tan ne’e imi tenke vota ba hau hodi kontinua garante funsionamentu orgaun estadu no tau hun ba konstituisaun nudar estatutu politiku juridiku Timor Leste nian.

“Covalima oan sira, prontu ka lae, hamriik metin ho ha’u, atu hakat dala ida tán ba prezidente repúblika 2022-2027,” Francisco Guterres Lú Olo hateten.

Lú Olo afirma, konstituisaun mak hun no abut hodi halo Timor Leste sai nasaun soberanu. PR sei hakruk deit ba konstituisaun no la’ós ba vontade ema ida nian ka grupu ida, rua nian tamba konstituisaun mak reprezenta vontade povu maioria nian.

Lú Olo nia Promesa iha Ainaro

Iha loron hanesan ba militante no apoiante sira iha Munisípiu Ainaro, Lú Olo hateten, PR nudár mós komandante supremu defeza, nune’e sei fó atensaun masímu atu hadia funsionamentu instituisaun defeza siguransa hodi garante instabilidade nasionál no promove pás no dezenvolvimentu nasionál.

“Hanesan komandante supremu, ha’u sei tau matan ba instituisaun defeza hodi garante estabilidade atu dezenvolvimentu iha pais ne’e lao ba oin,” Francisco Guterres Lú Olo hateten.

Lú Olo mós promete atu garante komunikasaun di’ak no respeita interdependensia órgaun soberanu sira nian hodi hametin dezenvolvimentu no garante moris di’ak povu maubere nian.

Iha kampanha aberta ne’e hetan mós apoiu husi partidu politiku sira, hanesan Partidu Unidade Dezenvolvimentu Demokratiku (PUDD), liu husi nia komisariu politiku nasional ho kuadrus no militante tomak Munisipiu Covalima ho Ainaro no mós reprezentante husu Partidu Libertasaun Popular (PLP) munisipiu Ainaro no Covalima.

Jornalista: Vito Salvador

Cova Lima

Inundasaun, Prizioneiru 118 Okupa Provizóriu Aeroportu Suai

Published

on

Hatutan.com, (30 Juñu 2022), Díli—Prizioneiru na’in 118 hamutuk ho Guadra prizionál na’in 38 iha estabelesimentu Prizionál Suai, muda ka evakua ona ba Hangar Aeroporto Suai atu salva aan hosi inundasaun.

(more…)

Kontinua Le'e

Cova Lima

Citizen Journalism: Karreta Tula Materiál Konstrusaun UKL Monu

Published

on

Hatutan.com, (11 Outubru 2021), Covalima— Karreta baskulante ida hos númeru matrikula 50857 monu iha área Aldeia Loro Kida, Suku Fohoem Vila, Postu Administrativu Fohorem, Munisípiu Covalima.

(more…)

Kontinua Le'e

Cova Lima

Komunidade Iha Área Fronteira Fatumea Hahú Trauma

Published

on

By

Vitíma João Amaral hala’o tratamentu iha ospitál. Imajen/Espesiál

Hatutan.com, (16 Agostu 2021), Covalima-Komunidade iha área fronteira terrestre  Suku Fatumea, Postu Administrativu Fatumea, Munisípiu Covalima, oras ne’e, moris iha ‘trauma’ nia-laran tanba akontese beibeik ema deskoñesidu asalta sira bainhira sira ba haree sira-nia karau iha ai-laran Fatumea nian.  

João Amaral, tinan 23, domingu (15/08/2021), purvolta tuku 08:00 Oras Timor-Leste (Otl), hetan asaltu hosi ema deskoñesidu iha área  Loobetun, Suku Fatumea  bainhira nia ba haree nia karau.

Informasaun ne’ebé Hatutan.com sita hosi Radio Comunidade Cova Taroman (RCCT), segunda (16/08/2021), katak João Amaral nu’udar abitante Aldeia Belulik Kraik, hetan asaltu hodi rezulta nia isin loron balun kanek tanba ema sira asalta ne’e lori sasán kro’at hanesan diman, katana no sasán kro’at seluk tan.

Xefe Suku Belulik Leten, Quintino Jose Amaral, via komunikasaun WhatsApp informa katak, vítima haree rasik ho matan, ema hirak ne’e deskonfia mai hosi área Has Metan, Lamak Neen, Indonézia.

 “Ha’u nia komunidade ne’e ba haree nia karau depois hetan asaltu hosi komunidade ne’ebé deskonfia hosi Indonézia nian hosi parte Lamak Neen. Ema sira ne’e tama mai ita nia área kilo metru 10 hanesan ne’e. Ha’u nia komunidade ne’e kanek tanba ema sira-ne’e lori diman no taa hodi samurai,”  Xefe Suku Belulik Leten, Quintino Amaral haktuir.

Xefe Suku Quintino Amaral, fiar katak kazu ne’e iha relasaun forte ho kazu ida ne’ebé foin akontese  iha loron 28 Juñu 2021 , ne’ebé dehan ema balun iha Fatemua ba foti ema nia karau parte Atambua nian.

Ho akontesimentu ne’e, Xefe Suku Quintino Amaral, informa kedas ba autoridade polísia atu bele toma medida, liuliu oinsá maka rezolve dezentendimentu entre komunidade parte rua iha liña fronteira ne’ebé deskonfia malu na’ok karau ba malu.

Komandante PNTL Munisípiu Covalima, Superintendente António Maria de Sá. Imajen/Espesiál

Bainhira konfirma insidente ne’e ba Komandante Polísia Nasionál Timor-Leste (PNTL) Covalima, Superintendente António Maria de Sá, lia tun dehan, bainhira nia parte simu informasaun ne’e halo komunikasaun kedas ho Unidade Patrullamentu Fronteira (UPF) hodi halo operasaun to’o fatin akontesimentu. 

 “Ita nia UPF halo ona atuasaun no ba kazu ne’e ita sei prosesu no ha’u he’in relatóriu hosi Komandante Polísia Eskuadra Fatumea,” Superintendente Polísia António Maria de Sá tenik.

Situasaun ikus iha área akontesimentu kontroladu ona hosi UPF ho Unidade Espesiál Polísia (UEP) no UPF rasik  kontinua    asegura seguransa iha liña fronteira atu evita atividade no movimentu ilegál sira. (RCCT/ico)

Kontinua Le'e

Trending