Hatutan.com, (17 Marsu 2022), Díli—Ekipa Operasaun no Inspesaun hosi Autoridade de Inspeção e Fiscalização da Atividade Económica Sanitária e Alimentar, Instituto Público (AIFAESA,I.P), hala’o destruisaun ba protudu espiradu no estragadu sira, inklui produtu elísitiu sira iha Postu Administrativu Lequidoe, hafoin ekipa realiza inspesaun.

Ekipa Operasaun no inspesaun AIFAESA,I.P, hala’o destruisaun ba protudu espiradu no estragadu sira, inklui produtu elísitiu sira iha Postu Administrativu Lequidoe, Kuarta (16/03/2022). Foto/AIFAESA.

Maski la temi detalla kona-bá produtu ne’ebé aat, maibé produtu destruindu hirak-ne’e, kompostu hosi apreensaun no simu hosi negosiante sira ho volontariamente iha operasaun inspetór sira nian, ne’ebé hala’o iha Postu Administrativu Aileu Villa no Lequidoe, Munisípiu Aileu.

Notisia iha Relasaun:Inspesaun ba Loja Tolu, AIFAESA La Detekta Sasán Folin Sa’e

“Ekipa inspesaun iha atividade ne’e identifika katak, maioria estabelesimentu keoske sira hala’o atividade negósiu laiha autorizasaun Komérsial legalizadu SERVE nian,” Hatutan.com sita komunikadu.

Advertisement

Inspetór sira fó atensaun ba operadór-sira bainhira hala’o negósiu tenki iha autorizasaun (lisensa) ne’ebé prodús hosi Servisu Rejistu no Verifikasaun Empresarial ho obrigatóriu tuir regulamentu ba atividade ekonómika.

Ekipa ne’ebé lideradu hosi Xefe Sesaun Komérsiu no indústria, Carlos Mateus Ximenes, agradese ba Autotidade Seguransa Munisípiu Aileu ne’ebé fó apiou másimu iha atividade ne’ebé hala’o iha Munisípiu ne’e.

Jornalista: Vito Salvadór

Advertisement