Connect with us

Aileu

Eleisaun Prezidensiál iha Aileu La’o ho Di’ak

Published

on

Hatutan.com, (19 Marsu 2022), Aileu-Eleisaun Prezidensiál, 19 fulan-Marsu ne’e, la’o ho di’ak iha Munisípiu Aileu. Maioria povu ka eleitór sira ho konsiénsia ba vota ho hakmatek iha Sentru Votasaun  no Estasaun Votu hamutuk 153 ne’ebé estabelese iha Postu Administrativu haat no suku 33 iha Munisípiu Aileu.

Notísia iha Relasaun: Eleitór 4,000 iha Maubesse Vota ho Pás

Abitante ida husi Aileu hatudu nia liman-fuan ne’ebé vota tiha ona iha eleisaun Prezidensiál, 19 Marsu 2022. Foto/Hatutan.com

Komandante Polísia Nasional Timor-Leste (PNTL) Munisípiu Aileu, Superintendente, Jorge Monteiro hateten,  membru PNTL ne’ebé hetan apoiu husi FALINTIL-Forsa Defeza Timor Leste (PNTL) kolokadu hotu iha Sentru Votasaun no Estasaun Votu sira hodi garante atu povu ka eleitór sira vota ho hakmatek no vota ho konsiénsia.

“Situasaun seguransa jerál iha Munisípiu Aileu hahú iha eleisaun to’o remata kontajen votu iha sentru votasaun sira lao di’ak, kalma  no hakmatek,” Superintendente Polísia Jorge Monteiro hateten ba jornalista sira iha Aileu, Sábadu (19/03/2022).

Nia esplika, komandu PNTL Munisípiu Aileu  koloka membru Polísia iha terrenu hodi garante seguransa iha eleisaun prezidensiál hamutuk na’in-155 inklui apoiu husi F-FDTL na’in-20 husi Unidade Apoiu Servisu.

PNTL  ho Korpu bombeiru Seidauk Hetan Vítima Alberto

Komandu PNTL  Munisípiu Aileu ho ekipa korpu Bombeiru seidauk hetan vítima, Alberto Pereira (52) ne’ebé mota lori iha  Manufoni, Aldeia Bercati, Suku Aissirimou, Postu Administrativu Aileu Vila, Munisipiu Aileu.

Superintendente Polísia, Jorge Monteiro, hateten, insidente mota Manufoni lori vítima Alberto Pereira, tanba ho família sira husi aldeia Bercati hakarak toba iha suku Aissirimou hodi prepara partisipa iha eleisaun prezidensiál, 19 Marsu ne’e.

“Iha loron 18 fulan-Marsu ne’e, tuku 19: 00 Otl, udan-boot akontese insidente ida mota lori ita nia abitante ida ho naran, Alberto Pereira (52) husi bairru Uahou, Aldeia Bercati, Suku Aissirimou, tanba ne’e iha kalan ne’e kedas ita ho Bombeiru inklui família buka to’o agora seidauk hetan,” Jorge  Monteiro informa.

Komandu PNTL ho Bombeiru husu ona ajuda ba kompañia balun iha Munisípiu Aileu ne’ebé iha ekipamentu pezadu hodi bele ajuda ke’e rai-henek sira iha mota laran.

Tuir kronolojia katak  iha loron 18 fulan-Marsu, vítima hamutuk ho nia kaben no oan inklui sobriñu rasik iha Aldeia Bercati atu mai toba iha família sira-nia uma  iha suku Aissirimou, atu toba besik iha sentru votasaun, nune’e sira bele ezerse sira-nia direitu votu hodi hili Prezidente Repúblika foun, maibé to’o ida dalan-klaran, Alberto Pereira tenke lakon to’o agora seidauk hetan.

Iha parte seluk vítima nia sobriñu, Ezaquel de Deus, hateten, insidente ne’e akontese bainhira udan-boot no mota tun mak derrepente mota nia korrente boot rezulta vítima monu no to’o agora buka seidauk hetan.

“Ami to’o iha mota Manufoni, derrepente mota-boot tun lori tiha apa. Ha’u salva hela alin, husik tiha iha rai-maran, ha’u halai tuir buka mós la hetan, tanba kalan ona,” Izaquel tenik.

Jornalista: Elio dos Santos da Costa

Kontinua Le'e
Hakarak Hato'o Komentariu?

Husik Hela Komentariu

Your email address will not be published.

Aileu

Constâncio Pinto Lori Avó Xavier Hetan De’it Votu 166 Iha Aileu

Published

on

Hatutan.com, (20 Marsu 2022), Aileu-Kandidatu Prezidente Repúblika 2022-2027 ho númeru sorteiu 11, Constâncio  da Conceição Pinto “Terus” hetan de’it votu 166 iha Munisípiu Aileu mezmu lori ho Saudozu Proklamadór RDTL, Francisco Xavier do Amaral nia fotografia.

(more…)

Kontinua Le'e

Aileu

PNTL Aileu Grante Seguransa iha Kampaña Prezidensiál To’o Aporamentu Nasionál

Published

on

Hatutan.com, (09 Marsu 2022), Aileu- Polísia Nasionál Timor Leste (PNTL) Munisípiu Aileu garante  asegura seguransa  iha ámbitu kampaña to’o eleisaun prezidensiál períodu 2022-2027.

(more…)

Kontinua Le'e

Trending