Connect with us
Pakote Ahi

Aileu

Constâncio Pinto Lori Avó Xavier Hetan De’it Votu 166 Iha Aileu

Published

on

Hatutan.com, (20 Marsu 2022), Aileu-Kandidatu Prezidente Repúblika 2022-2027 ho númeru sorteiu 11, Constâncio  da Conceição Pinto “Terus” hetan de’it votu 166 iha Munisípiu Aileu mezmu lori ho Saudozu Proklamadór RDTL, Francisco Xavier do Amaral nia fotografia.

Povu Aileu vota iha eleisaun prezidensiál, 19 Marsu 2022. Foto/Hatutan.com

Rezultadu apartamentu Munisípiu Aileu nian hatudu katak kandidatu Prezidente Repúblika, Constâncio da Conceição Pinto hetan de’it votu 166 ka presentazen 0,59%.

Kandidatu PR ho númeru sorteiu 14, José Manuel Ramos-Horta hetan votu maioria iha Munisipiu Aileu ho totál votu válidu  16.431 (58,81%).

Kandidatu PR sira seluk ne’ebé hetan votu iha Aileu mak hanesan; Isabel Ferreira, ho númeru Sorteu ida (1) hetan votu válidu 250 (0,92%), Hermes da Rosa Correia Barros, hetan votu válidu 100 (0,36%), Maria Ângela Freitas da Silva, hetan votu válidu 29 (0,10%), Rogério Tiago de Fatima Lobato, hetan votu válidu 79 (0,28%), Anacleto Bento Ferreira hetan votu válidu 214 (0,77%), Francisco Guterres “Lú Olo”, hetan votu válidu 4.760 (17,04%), Maria Helena Lopes de Jesus Pires, hetan votu válidu 158 (0,57%), Tito da Costa Cristóvão (Lere Anan Timur), hetan votu válidu 616 (2,20%), Armanda Berta dos Santos, hetan votu válidu 2,848 (10,19%), Antero Bendito da Silva, hetan votu válidu 52 (0,19%), Constâncio da Conceição Pinto, hetan votu válidu 166 (0,59%), Virgílio da Silva Guterres, hetan votu válidu 82 (0,29%), Martinho Germano da Silva Gusmão, hetan votu válidu 264 (0,94), José Manuel Ramos Horta, hetan votu válidu 16,431 (58,81%), Felisberto Araújo Duarte, hetan votu válidu 148 (0,53%) no Mariano Assanami Sabino Lopes, hetan votu válidu 1.737 (6,22%).

Advertisement

Diretora Servisu Sekretariadu Téknika Administrasaun Eleitorál (STAE) Munisípiu Aileu, Romana de Jesus Alves, hateten, eleitór sira hamutuk 4.916 mak la ezerse sira-nia direitu iha eleisaun prezidensiál 2022 ne’e.

Diretora Servisu Sekretariadu Téknika Administrasaun Eleitorál (STAE) Munisípiu Aileu, Romana de Jesus Alves. Foto/Hatutan.com

“Ami pasa ona informasaun  ba sira, maibé uainhira eleitór sira la mai vota  ne’e konsiénsia ema ida-idak nian,” Romana  hateten ba jornalista sira iha edifísiu STAE, Munisipiu Aileu.

Iha sorin seluk, Administradór Munisípiu Aileu, Abel da Conceição, dehan sidadaun sira ne’ebé la tuir eleisaun ida-ne’e, sai hanesan lisaun ida ba STAE, no CNE, nune’e hahú ba oin, hasae taxa edukasaun sívika ba eleitór sira ho di’ak.

 “Dalaruma durante sosializasaun ka edukasaun sivika ne’ebé CNE organiza la envolve ferik-katuas sira tanba ne’e eleitór sira la partisipa iha eleisaun nee sae maka’as,” Abel hateten.

Nia  dehan ba kandidatu PR 2022-2027 ne’ebé mak manan iha eleisaun ne’e sai Presidente Repúblika ida serbisu ho entidade hotu, liu-liu Governu, Tribunál no Parlamentár hodi haree povu nia moris no lori dezenvolvimentu ba nasaun.

Total votante ne’ebé rejistu iha STAE Munisípiu Aileu 33,524 no ema ne’ebé mai tuir vota hamutuk 28,608 no taxa partisipasaun 85,34%.

Advertisement

Total votu abandonadu tolu (3) ho 0,01%, votu nulu hamutuk 526 ho 1,84%,  votu branku 134 ho 0,47%, votu reklamadu 4, ho 0,01% no votu rezeitadu (laiha), votu válidu hamutuk 27.9441 (97,67%).

Jornalista: Elio dos Santos Costa

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Aileu

Bee-Moos no Menus Profesór Sai Preokupasaun Komunidade Fadabloco

Published

on

Hatutan.com, (24 Maiu 2024), Aileu- Kondisaun  infraestrutura báziku, hanesan estrada, bee-moos ho menus profesór sai hanesan preokupasaun  esensiál komunidade Suku Fadabloco, Postu Administrativu Remexio, Munisípiu Aileu.

(more…)

Kontinua Le'e

Aileu

Xefe Estadu Apoiu Nesesidade Báziku bá Família Defisiénsia no Vulneravel iha Fadabloco ho Açu-Mau

Published

on

Hatutan.com, (24 Maiu 2024), Aileu- Prezidente Repúblika (PR), José Ramos-Horta fó apoiu nesesidade báziku hanesan foos no mina inklui manta bá família vulneravel no defisiénsia iha Suku Fadabloco no Suku Açu-Mau, Postu Administrativu Remexio, Munisípiu Aileu.

(more…)

Kontinua Le'e

Aileu

Ramos-Horta Promete Loke Sentru Formasaun Komputadór ho Inglés-Portugés bá Komunidade Fadabloco

Published

on

Hatutan.com, (24 Maiu 2024), Aileu- Prezidente Repúblika (PR), José Ramos-Horta, promete harii no loke sentru formasaun komputadór ho lian Inglés no Portugés atu bele kapasita komunidade Fadabloco.

(more…)

Kontinua Le'e
Advertisement

Trending