Connect with us
Pakote Ahi

Dili

Sedimentasaun Barak Provoka Bee-Sa’e no Tama Komunidade Nia Uma

Published

on

Hatutan.com, (30 Marsu 2022), Dili—Sedimentasaun barak  iha mota ki’ik sira, drainazen no ezgotu s prinsipál sira iha Dili laran sai hanesan kauza boot ida mós hodi provoka bee-sa’e no nalihun  tama komunidade sira-nia uma.

Notísia iha Relasaun: Labarik Ida Mout iha Drinajen Manleuana, Mota Comoro Hakoi Karreta Rua

Udan-boot, Tersa loraik (19/03/2022), halo bee nalihun maka’as iha Tribunál Rekursu, Caicoli, Dili. Foto/Hatutan.com

Tuir observasaun Hatutan.com nian durante udan-boot iha Tersa loraik (29/03/2022), hatudu katak fo’er, liuliu plástiku no lata sira, inklui tahu-ten  nakonu iha ezgotu prinsipál sira iha Dili laran nia laran, liuliu sedimentasaun sira iha ponte ki’ik sira-nia okos hanesan iha ponte ki’ik Maloa tuun to’o mai  Bebora nian, iha ponte ki’ik Balide, ponte ki’ik Bidau-Mota Klaran no ponte ki’ik sira seluk tan, kuaze nakonu ho sedimentasaun. Ho nune’e, provoka bee-nalihun sa’e no nalihun tama estada laran hodi suli tama-sai komunidade sira-nia uma.

Ministru Obra Públika (MOP), Abel Pires da Silva, iha nia observasaun direta bainhira udan-boot iha Tersa loraik ne’e, nota mós katak presiza tebes atu hamoos tiha sedimentasaun sira ne’e atu fasilita udan-been iha mota-laran halai tuir nia dalan ba to’o tasi.

Advertisement

Tuir Ministru Abel Pires da Silva katak  urjente tebes atu asai sedimentasaun iha mota sira, tanba sedimentasaun ne’ebé bee lori husi foho tuun mai mak nakonu tiha mota hodi hamosu inundasaun.

Ministru Abel Pires da Silva, ne’ebé foin simu tomada pose iha loron 22 fulan-Marsu liubá, orienta kedas Prezidente Institutu Jestaun Ekipamentu Institutu Públiku (IJE.IP), Hermenegilda da Costa Laurentina, hodi mobiliza ekipamentu pezadu Estadu nian, inklui husu apoiu ba setór privadu ne’ebé iha ekipamentu pezadu atu bele ajuda hasai sedimentasaun sira ne’ebé identifika iha fatin sira risku inundasaun.

.”Ita presiza mobiliza ita-nia ekipamentu pezadu normaliza tiha mota, hasai tiha sedimentasaun no limpeza hodi loke bee dalan, nune’e udan mai fali mota bele tuir nia dalan,” Ministru Obra Públika, Abel Pires da Silva lia tun hodi  orienta  Prezidente IJE,I.P bainhira hala’o observasaun ba mota Maloa, Dili ne’ebé Hatutan.com sita husi konta Facebook ofisial Ministerio das Obras Públicas.

Prezidente IJE,I.P oriente kedas ekipamentu pezadu hodi destaka hodi halo normalizasaun, hasai sedimentasaun no suru sai fo’er sira ne’ebé bee lori husi foho hodi taka ponte ki’ik sira, hanesan ponte Maloa ho ponte ki’ik sira-seluk tan.

Ministru Obra Públika, Abel Pires, fó orientasaun ba Prezidente IJE,I.P atu mobiliza ekipa pezadu Estadu nian hasai sedimentasuan iha mota Bebora, Dili, Tersa (19/03/2022). Foto/Media MOP

Ministru Abel Pires da Silva ne’ebé akompaña husi Vise-Ministru MOP, Nicolau Lino Freitas Belo, observa estragu kauza husi udan-boot iha Becora Mota-Ulun, no orienta empreza ne’ebé iha prontidaun tulun Governu iha fatin refere atu mobiliza ekipamentu pezadu halo barrajen provizóriu hodi proteje komunidade nia hela fatin, estrada no riin eletrisidade.

Ministru Abel Pires da Silva hateten, iha opsaun rua normaliza mota iha Mota-Ulun Becora nian mak, primeiru normaliza permanente nian, nia dezeñu iha ona verifikasaun Ajénsia Dezenvolvimentu Nasionál (ADN) no segundu mak temporáriamente sei mobiliza ekipamentu pezadu imediata hodi tau jumbo simente nian hodi satan mota labele sobu estrada no labele hamosu inundasaun iha fatin refere.

Advertisement

UNDIL Sei Responsabiliza Estragu Sira Kauza husi Moru Protesaun  Monu

Relasiona ho udan boot ne’ebé akontese Tersa loraik, rezulta moru protesaun Universidade Dili (UNDIL) nian monu no hanehan komunidade nia uma no estraga sasán uma laran. Nune’e,  parte UNDIL konfirmandu  responsabiliza ba estragu hirak ne’e tuir saida mak komunidade sira lakon.

Vise-Reitór III UNDIL, Hugo Vicente, ba jornalista sira iha nia knar fatin, Mascarenhas, Dili, hateten, kada tinan uainhira udan monu-rai, UNDIL sempre enfrenta problema inundasaun, maske la grave hanesan akontesimentu Tersa loraik, ne’ebé rezulta moru Universidade nian monu no halo komunidade sira hela besik sai mós vítima tanba sasán balun hetan estragu kauza husi bee-nalihun iha parte uma laran.

Hafoin akontesimentu ne’e parte universidade hakbesik kedas ba haree kondisaun família ne’ebé afeta no hamutuk ho komunidade sira normaliza tiha situasaun balun atu bele asegura labele mosu estragu seluk ne’ebé bele lori risku ba komunidade sira nia hela fatin.

UNDIL nia moru protesaun manu hodi preziduka komunidade balun nia uma ho dapur hetan estragu iha udan-boot, Tersa (19/03/2022). Foto/Hatutan.com

“Ami ko’alia ona ho família no sira husu buat importante liu mak Universidade tenke hamutuk ho família hodi hadi’a uluk bee-dalan no tuir mai hadi’a hikas moru ne’ebé hetan estragu atu asegura labele akontese tan situasaun hanesan ne’e iha futuru,” Hugo Vicente hateten.

UNDIL iha obrigasaun moral atu responsabiliza ba akontesimentu dezastre ne’ebé kauza husi moru universidade nian monu tamba ne’e parte UNDIL nafatin hein kolaborasaun família nian atu iha onestidade hodi relata sasán sira ne’ebé estragu, atu nune’e, universidade bele halo rekuperasaun tuir estragu ne’ebé iha.

Advertisement

Iha fatin hanesan, família afetadu Miguel dos Santos hateten uainhira moru UNDIL nian monu bee kuaze halai tama hotu dapur ho uma laran tomak no  moru ne’ebé monu hanehan sasán uma laran kuaze estragu hotu, liuliu sasán sira iha dapur laran.

Nia parte ko’alia ona ho UNDIL no sira prontu halo hikas konstrusaun ba moru hodi hadi’a bee-dalan no parte UNDIL mós promete atu  halo rekuperasaun ba estragu sira ne’ebé kauza husi moru monu ne’e.

 Xefe Suku Mascarenhas, Rui Elísio de Araújo hateten, sei hasoru autoridade UNDIL atu bele rezolve konstrusaun foun ba moru no mós buka hadi’a bee-dalan atu bele kanaliza bee halai tuir nia dalan atu labele hamosu estúpidu iha laran ne’ebé ikus mai hamosu dezastre sira ne’ebé ita la espera.

“Hanesan autoridade lokál, ha’u sei ko’alia ho parte rua, ha’u garante sei rezolve iha tempu badak,” Rui Elísio de Araujo hateten.

Jornalista: Vito Salvador

Advertisement

 

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Dili

Eletrisidade Mate iha HNGV Minutu 15 no Atendimentu Normal

Published

on

Hatutan.com, (22 Maiu 2024), Díli- Portavós Ekipa Integradu  Saúde (EIS), Vidal Lopes, konfirma katak iha Tersa kalan (21/05/2024),  akontese duni ahi-eletrisidade mate iha Ospitál Nasionál Guido Valadares (HNGV) ho durasaun minutu 15. Maske nune’e, la prejudika atendimentu bá pasiente sira tanba atendimentu la’o normal.

(more…)

Kontinua Le'e

Dili

Harii Tan Merkadu Ida iha Díli Hodi Akumula Vendedór sira

Published

on

Hatutan.com, (21 Maiu 2024), Díli- Haree bá kondisaun merkadu rua iha Díli; Manleuana ho Taibessi, la konsege akumula hotu vendedór sira, liuliu hirak ne’ebé kontinua utiliza espasu públiku hodi halo atividade, hanesan iha Elemloi-Delta nian, Kampu Baru-Comoro, iha Terminal Becora ho mós iha Audian nian, maka Bankada Parlamentár KHUNTO husu Governu harii tán merkadu hodi bele akumula  vendedór sira  ne’e.

(more…)

Kontinua Le'e

Dili

Asiste Feira iha Portu Díli, PNTL Halibur Motór 23 Tanba Estasiona iha Trotoar Leten

Published

on

Hatutan.com, (21 Maiu 2024), Díli- Polísia Nasionál Timor-Leste (PNTL) liuhosi Unidade Tránzitu Komandu Munisípiu Díli halo apreensaun ka halibur motorizada hamutuk 23 tanba estasiona fali mór iha trotoar leten.

(more…)

Kontinua Le'e
Advertisement

Trending