Connect with us
Pakote Ahi

Nasionál

Ramos-Horta Promete Ko’alia ho Governu Apoia Mídia no Jornalista sira

Published

on

Hatutan.com, (06 Maiu 2022), Díli—Prezidente Eleitu, José Manuel Ramos-Horta, durante nia mandatu hanesan Prezidente Repúblika períodu 2022-2027, sei ko’alia ho Governu liuliu ministériu ne’ebé tutela bá asuntu komunikasaun sosiál atu bele ajuda mídia ho jornalista sira, liuliu mídia tradisionál ka mídia imprime sira.

Lee Mós : Índise Liberdade Imprensa TL Di’ak Liu, Vida Jornalista Timoroan Susar Liu

Conselho de imprensa halo enkontru kortejia ho Prezidente Eleitu, José Ramos-Horta iha edífisiu Nobel Pás, Farol, Díli, Sesta (06/05/2022). Foto/Espesiál

Laureadu Nobel Pás, José Ramos-Horta hateten lia hirak-ne’e bainhira rona rekomendasaun husi Conselho de Imprensa Timor Leste  iha enkontru ne’ebé hala’o iha Edifísiu Nobel da Pas nian iha Faról, Dili, Sesta (06/05/2022).

Liuhusi sorumutuk oras ida entre Conselho de Imprensa de Timor Leste ho Prezidente Eleitu, José Manuel Ramos-Horta ne’e, Conselho de Imprensa liuhusi nia  prezidente Virgílio da Silva  Guterres ho nia membru sira, inklui ezekutivu rekomenda bá  Prezidente eleitu atu kontinua halo esforsu hodi tau matan bá kondisaun órgaun komunikasaun sosiál sira iha Timor Leste ho nia jornalista sira ne’ebé  moris difisil tebetebes iha krize ekonomia durante ne’e, liuliu mídia imprime sira ne’ebé difisil liu iha serku dijitalizasaun ne’e.

Advertisement

Ramos-Horta hateten, dezde uluk kedas nia ko’alia beibeik ona atu Governu fó apoiu bá mídia sira iha Timor-Leste tanba nia hatene katak mídia ho nia jornalista sira moris difisil tebetebes. Aumenta tan, ho sosiedade Timor-Leste ne’ebé ábitu kultura lee mínimu tebetebes.   

“Ha’u lahatene razaun fundamentu husi Prezidente Repúblika, Francisco Guterres “Lú Olo” veta tiha proposta husi Governu atu apoia mídia sira. Mas, ha’u dehan ita presiza duni fó apoia bá mídia sira, hanesan mós ho nasaun bara-barak iha Eropa no Amerika, inklui Austrália ho Reinu Unidu.  Apoiu Estadu nian bá mídia la signifika mídia laiha ona independénsia editoriál, ne’e lae, Estadu  la bele halo intervensaun bá liberdade imprensa no independénsia editoriál  mídia sira-nian,” Ramos-Horta tenik.   

Mekanizmu atu fó apoiu ne’e, tuir Ramos-Horta tenke haree mídia ne’ebé eziste ona durante tinan lima mai leten hodi reforsa diseminasaun informasaun pedagójika no sientífika. Atu nune’e, evita mídia mosu barabarak tanba Estadu fó subsídiu ka fó apoiu.

Lee Mós : SEKOMS Sei Ko’alia Fali ho MAPKOMS atu Avansa Projetu Lei Subsídiu ba Mídia

Conselho de Imprensa halo enkontru kortejia ho Prezidente Eleitu, José Ramos-Horta. Foto/Espesiál

Tuir Ramos-Horta, apoiu mídia  imprime bele liuhusi subsídiu orsamentu no bele ajuda tan mós halo injesaun bá zero taxa bá sasán nesesidade báziku ne’ebé importa husi rai-li’ur mai. Ezemplu, hamoos taxa bá importasaun sura-tahan no fasilidade sira ne’ebé vital tebes bá impresaun jornál sira-nian.  

Iha audiénsia ne’e, Conselho Imprensa partilla ho Prezidente Eleitu, José Ramos-Horta kona-bá novidade pozitivu mai Timor-Leste iha tinan ne’e hetan índise liberdade imprensa tuir publikasaun Reportajen sem Fronteira ka Reporters Without Borders (RSF) hatudu katak Timor-Leste iha aumentu duplu ka sa’e maka’as hosi 71 iha 2021 bá 17 iha 2022.

Advertisement

Aumentu ne’e hatudu katak, Timor-Leste nia liberdade imprensa di’ak liu iha Sudeste Aziátiku iha tinan sira liubá no iha  2022. Valór Liberdade imprensa ne’ebé Timor-Leste iha, hosi 70.89 iha 2021 bá 81.89 iha tinan 2022.

Lee Mós :Índise Liberdade Imprensa, TL Sa’e ba 17 no Di’ak Liu iha Sudeste Aziátiku 

Durante audiénsia ho Ramos-Horta, informa mós desizaun Conselho Imprensa nian liuhusi plenáriu estraordináriu, Sesta ne’e, ne’ebé sei atribui prémiu Max Stahl  ho kategoria dokumentáriu audio vizuál di’ak liu (news documentary).

“Prémiu Max Stahl   ne’e atu fó imajen no rekoñesimentu bá kontribuisaun Saudozu Max Stahl nian mai luta libertasaun Timor Leste nian, hanesan mós prémiu sira seluk ne’ebé CI atribui ona iha tinan sira liubá no tinan sira tuir mai,” Virgílio Guterres hateten. 

Durante ne’e Conselho de Imprensa atribui lima (5), kompostu husi:

Advertisement
  • Prémiu Greg  Shackleton,  kategoria Reportajen Jornalístika bá Asuntu Interese Umanu di’ak-liu ba mídia eletróniku rádiu no televizaun
  • Prémiu Francisco Borja da Costa,  kategoria Reportajen Jornalístika bá Asuntu Interese Umanu di’ak-liu bá mídia imprime no online
  • Prémiu  Bernardino Guterres, kategoria Foto Jornalístika di’ak-liu,
  • Prémiu Adelino Gomes bá kategoria reportajen di’ak liu iha lian Portugés
  • Prémiu Conselho de Imprensa bá kategoria mídia ne’ebé fó tratamentu di’ak bá nia jornalista sira

Bá atribuisaun premiu sira-ne’e, Ramos-Horta apresia tebetebes no aseita ho inisiativa di’ak Conselho Imprensa nian ne’e. Nia mós husu atu CI la bele haluha mós kontribuisaun jornalista no ativista Jos Adijondro nian dezde prinsípiu luta Timor-Leste nian mai to’o timor ukun an.

Conselho de Imprensa halo enkontru kortejia ho Prezidente eleitu, José Ramos-Horta. Foto/Espesiál

“Jos Adijondro, jornalista no ativista ne’ebé apoia tebetebes Timor nia luta.  Keta husik kualkér jornalista estranjeiru no jornalista timoroan sira ne’ebé hala’o misaun iha Timor-Leste to’o sira mate iha Timor-Leste husi kedas 1975 mai to’o 1999,”  Ramos-Horta hateten.

Conselho Imprensa mós husu disponibilidade Prezidente Eleitu, José Ramos-Horta nian atu partisipa iha atividade annual Conselho Imprensa nian, hanesan Dili Dialogue Forum (DDF) ne’ebé kada tinan halo iha loron 09-10 fulan-Maiu, maibé tinan ne’e adia fali bá loron 26-27 fulan-Agostu ho mós atividade Balibo Five ne’ebé hala’o kada tinan iha loron 16 fulan-Outubru.

“Ha’u sempre disponivel apoiu mídia no jornalista sira hotu. Ha’u iha Timor, ha’u sempre partisipa,” Ramos-Horta hateten.  

Lee Mós : Presiza Hadi’a Kualidade Konteúdu Jornalístiku, Maski Índise Liberdade Imprensa Di’ak Liu

Jornalista: Vito Salvador

 

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Estátua ho Marmóre Tenke Sosa iha Portugál, Prejudika Konstrusaun Monumentu Memoriál Masakre Santa Krús

Published

on

Hatutan.com, (13 Abríl 2024), Aileu- Kompañia kontratór Bobolait, L.da, seidauk finaliza projetu konstrusaun memoriál  Masakre Santa Krús, 12 Novembru 1991 tanba estátua no marmóre sira tenke sosa iha Portugál.

(more…)

Kontinua Le'e

Nasionál

09-11 Setembru, Papa Francisco Vizita Timor-Leste

Published

on

Hatutan.com, (12 Abríl 2024), Díli- Konferénsia Episkopál Timorense (CET,  sigla portugés), anúnsiu ofisiálmente bá públiku kona-bá vizita Papa Francisco nian mai Timor-Leste iha loron 09 too  loron 11 fulan-Setembru, tinan ne’e.

(more…)

Kontinua Le'e

Nasionál

La Prevee iha OJE 2024, Governu Seidauk Anúnsia Lista Veteranu Rejistu 2009

Published

on

Hatutan.com, (12 Abríl 2024), Aileu-Dadus veteranu sira nian ne’ebé rejistadu iha 2009 seidauk bele anúnsiu to’o ohin loron tanba Governu liuhosi Ministériu bá Asuntu Kombatente  no Libetasaun Nasionál (MAKLN) la konsege prevee nia orsamentu iha Orsamentu Jerál Estadu (OJE) 2024.

(more…)

Kontinua Le'e
Advertisement

Trending