Connect with us
Pakote Ahi

Polítika

Reuniaun KM Delibera no Fó Podér ba Ministru Na’in-Haat Asina Akordu ho Xina

Published

on

Hatutan.com (01 Juñu 2022), Díli—Konsellu Ministrus hala’o sorumutuk iha auditóriu Ministériu Finansas, iha Dili, no aprova ona  Proposta Rezolusaun Parlamentu Nasionál ne’ebé ratifika Emenda Doha nian ba Protokolu Quioto, ne’ebé aprezenta hosi Ministra Negósius Estranjeirus no Kooperasaun, Adaljiza Albertina Xavier Reis Magno. Protokolu Quioto ne’e maka tratadu internasionál ida iha ne’ebé nasaun sira ne’ebé asina akordu ne’e halo kompromisu hodi hamenus sira-nia emisaun gas ida-idak ne’ebé halo efeitu estufa iha atmosfera. Emenda Doha ba Protokolu ne’e mós hanesan kontributu importante ida hasa’e konsiénsia no mobilizasaun kona-ba nesesidade no ezijénsia ba esforsu boot ida nivel globál nian hodi kombate alterasaun klimátika sira, liuliu liuhosi hamenus emisaun gas ne’ebé halo efeitu estufa porsentu 5, iha média. Emenda neé ratifika ona hosi nasaun 147.

Reuniaun KM. Foto/media KM.

Konsellu Ministrus delibera hodi autoriza Ministru Transportes no Komunikasaun, José Agustinho da Silva, atu negosia Akordu ida Servisu Aéreu nian sira entre Governu Repúblika Populár Xina no Governu Repúblika Demokrátika Timor-Leste.

Lee Mós:KM Aprova Aprojetu Proposta Lei ba Autorizasaun Lejislativa Rekuperasaun Empreza

Konsellu Ministrus delibera hodi fó podér tomak ba Ministru Koordenadór Asuntus Ekonómikus, Joaquim Amaral, hodi asina Akordu Kooperasaun Ekonómika no Téknika entre Governu Repúblika Populár Xina no Governu Repúblika Demokrátika Timor-Leste.

Advertisement

Konsellu Ministrus delibera mós hodi fó podér tomak ba Ministra Saúde, Odete Maria Freitas Belo,  hodi asina Akordu ida iha área Saúde nian entre Governu Repúblika Populár Xina no Governu Repúblika Demokrátika Timor-Leste.

Konsellu Ministrus delibera mós hodi fó podér tomak ba Ministru Asuntus Parlamentares no Komunikasaun Sosiál, Francisco Martins da Costa Pereira Jerónimo, hodi asina akordu ida ho Administrasaun Rádiu no Televizaun Nasionál Repúblika Populár Xina.

“Konsellu Ministrus delibera mós hodi fó podér tomak ba Ministru Asuntus Parlamentares no Komunikasaun Sosiál, Francisco Martins da Costa Pereira Jerónimo, hodi asina akordu ida entre Governu Repúblika Populár Xina no Governu Repúblika Demokrátika Timor-Leste ba kontinuasaun prosesu dijitalizasaun Rádiu no Televizaun Timor-Leste no ba faze daruak projetu televizaun dijitál Terrestre,” Hatutan.com sita Komunikadu.

Konsellu Ministrus aprova projetu dekretu-Lei kona-ba altersaun Dahuluk ba Dekretu-Lei nu. 16/2004, loron 1 fulan-outubru, ne’ebé aprova ona Lei Kooperativa nian sira, ne’ebé aprezenta hosi Ministru Koordenadór Asuntus Ekonómikus, Joaquim Amaral. Ho alterasaun dahuluk ba Dekretu-Lei ne’e, introdús ona alterasaun balu ne’ebé bele sai nu’udar insentivu ida ba setór ne’e, tanba kooperativa sira importante tebes ba dezenvolvimentu ekonómiku Nasaun nian.

Iha sekuénsia hosi alterasaun ida-ne’e, Konsellu Minitrus aprova projetu Dekretu-Lei tolu, ne’ebé aprezenta mós hosi Ministru Koordenadór Asuntus Ekonómikus, Joaquim Amaral.

Advertisement

Dahuluk maka projetu Dekretu-Lei kona-ba Kooperativa komersializasaun nian. Diploma ne’e atu estabelese rejime jurídiku espesífiku ba kooperativa komersializasaun nian.

Daruak maka projetu Dekretu-Lei kona-ba Kooperativa agríkola sira. Diploma ne’e atu fó espresaun legál ba tendénsia atuál no futura sira kona-ba alargamentu hosi área tradisionál intervensaun nian kooperativa agríkola sira.

Datoluk maka projetu Dekretu-Lei kona-ba Kooperativa peska sira. Diploma ne’e atu fó kuadru legál ida ne’ebé kompletu liu ba kooperativa peska nian sira, ne’ebé bele permite dezenvolvimentu peska sira iha Timor-Leste. 

Ikusliu, Konsellu Ministrus aprova projetu Deliberasaun nian, ne’ebé aprezenta hosi Primeiru-Ministru, Taur Matan Ruak, kona-ba Autorizasaun despeza no autorizasaun hodi loke prosedimentu aprovizionamentu  ba adjudikasaun kontratu ba akizisaun servisu jestaun ezekusaun Estratéjia ba Implementasaun Sistema Identifikadór Úniku (ID Úniku), definisaun tipu prosedimentu atu adota no autoriza selebrasaun kompromisu plurianuál relasiona ho ezekusaun kontratu ne’ebé atu adjudika. Ho deliberasaun ne’e, Konsellu Ministrus deside hodi autoriza abertura prosedimentu aprovizionamentu nian ida, hosi tipu Konkursu Públiku Internasionál, ho valór másimu US$ 13.814.201 (dolar amerikanu millaun sanulu resin-tolu, rihun atus ualu, sanulu resin haat, atus rua no ida), hodi autoriza mós Ajénsia Teknolojia Informasaun no Komunikasaun, I.P. hodi jere ezekusaun Estratejia ba Implementasaun sistema Identifikadór Úniku (ID Úniku) iha rejime plurianuál.

Jornalista: Rogério Pereira Cárceres

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Polítika

PN Sei La Envolve Mídia iha Fiskalizasaun bá Munisípiu

Published

on

Hatutan.com, (21 Setembru 2023), Díli-Prezidente Parlamentu Nasionál (PPN), Maria Fernanda Lay, hateten  bá oin PN sei  la envolve  mídia ka jornalista iha atividade fiskalizasaun bá munisípiu sira.

(more…)

Kontinua Le'e

Polítika

Bankada FRETILIN Entrega Mandatu PA-RAEOA/ZEESM bá Governu

Published

on

Hatutan.com, (20 Setembru 2023), Díli-Bankada FRETILIN iha Parlamentu Nasionál entrega mandatu Prezidente Autoridade Rejiaun Administrativu Oé-Cusse Ambeno no Zona Ekonomia Espesiál  Sosial Merkadu (PA-RAEOA/ZEESM), Arsénio da Paixão Bano nian bá IX Govornu Konstitusionál ne’ebé lidera hosi Primeiru-Ministru (PM), Xanana Gusmão.

(more…)

Kontinua Le'e

Polítika

Komisaun C Elabora Hela Rezultadu Fiskalizasaun iha RAEOA inklui Rezidénsia Fulolo

Published

on

Hatutan.com, (18 Setembru 2023), Díli—Parlamentu Nasionál (PN) liuhosi Komisaun C ne’ebé trata assuntu Finansas Públikas, halo hela elaborasaun bá rezultadu fiskalizasaun iha Rejiaun Administrativa Espesiál Oecusse Ambeno (RAEOA), inklui polémika “fa’an” Uma Estadu iha área Fulolo, aldeia Sanane, Suku Costa, Sub-Rejiaun Pante Makasar.

(more…)

Kontinua Le'e

Trending