Connect with us
Pakote Ahi

Dili

Estrada Sira Estragu iha 4 Abríl 2021 Foin iha Faze Verifikasaun Dadus

Published

on

Hatutan.com, (08 Juñu 2022), Díli-Kalamidade 04 Abríl 2021 husik hela sofrimentu oioin ba komunidade afetadu sira iha territóriu nasionál, inklui rezulta fasilidade públiku lubun mak hetan estragu total.

Lee Mós : Estragus iha 04 Abríl 2021, MOP Rekoñese Tarde Iha Intervensaun

Estrada át iha área Otél J.L Vila, Díli kauza husi kalamidade 04 Abríl 2021. Foto/Hatutan.com

Iha Díli laran rasik. Komunidade maioria sofre, liuliu hirak ne’ebé horik iha Maslidun, Tasi Tolu, Manleuana, Kasnafar, Cacoli, Aitarak Laran, Fatuhada to’o Bidau, Becora no Hera.

Fasilidade públiku, hanesan eskola sira, ponte ki’ik sira, ezgotu no estrada lubun mak át kauza husi inundasaun ka kalamidade tinan ida ho balun liubá ne’e.

Advertisement

Kondisaun Estrada foun husi Fomento bá Manleu to’o Kasnafar, inklui Beduku nian estragu total tanba mota Comoro naksobu hodi lori bee livre sobu estrada sira no tama borus komunidade nia horik fatin.

Fatin seluk mós iha estrada leet oan husi Fatuhada borus bá Hudi Laran  iha kedas parte Hotel JL. Villa ho ETDA nia oin mós naksobu no monu. 

To’o tinan ida liu ona, estrada sira át ne’e seidauk hadi’a no bele prejudika movimentu transporte sira no prejudika liu bá sidadaun sira-nia vida bainhira ho transporte liu iha estrada sira ne’e.      

Bá kondisaun estrada hirak ne’ebé seidauk hadia tinan ida liu ona ne’e, Ministru Obras Públiku (MOP), Abel Pires, hateten VIII Governu Konstitusionál oras ne’e halo hela esforsu atu hadi’a estragu sira ne’ebé mosu kauza husi  kalamidade 04 Abríl 2021.

Ministru Abel Pires ba jornalista sira iha Palásiu Governu Díli, kuarta (08/06/2022), hateten estragu bá estrada sira ne’ebé iha agora foin iha faze normalizasaun no asesu di’ak ona, maibé ne’e la to’o no oras ne’e daudaun MOP halo esforsu no iha faze verifikasaun dadus.

Advertisement

Kondisaun estrada át iha área Manleuana nian bá Kasnafar kauza husi kalamidade 04 Abríl 2021 to’o agora seidauk hadi’a. Foto/Hatutan.com

Tuir loloos, Ministru Abel Pires, haktuir iha fulan-Maiu liubá haruka ona bá Ajénsia Dezenvolvimentu Nasionál (ADN) mais tamba inundasaun ne’ebé akontese no estragu aumentu, nune’e presiza up-date hikas dezeñu sira no pakote dalan husi Sarlala, Aileu tun mai be tudak hotu ona no semana oin bele haruka ona bá ADN halo verifikasaun.

Nia afirma husi dalan ligasaun Díli bá Aileu iha pakote rua tun mai hahú husi bee tudak mai mota Comoro ulun no Kasnafar mai Manleuan sei han tempu uitoan no parese iha fulan-Jullu nia laran bele ona haruka bá ADN halo verifikasaun.

“Importante mak ne’e, antes udan mai ita  halo ona esforsu reabilitasaun no tau kedas ho alkatraun ka aspal,” Ministru Abel Pires hateten.

Liga ho dalan kuak balun iha sidade Díli ne’ebé kauza husi inundasaun 04 fulan-Abríl 2021, Ministru Abel Pires, informa katak iha ona faze konkursu públiku (tenderizasaun) no iha tempu badak Governu sei rezolve situasaun sira ne’e.

“Fundu infraestrutura besik millaun $300 entaun Governu la halo milagre atu rezolve buat sira ne’e hotu iha kalan ida, importante mak Governu iha esforsu hela atu hadi’a tamba projetu barak loos husi ki’ik to’o boot, maibé importante mak Governu iha esforsu bá hadi’a,” Ministru Obras Públiku Abel Pires argumenta.

Orsamentu bá konstrusaun no reabilitasaun bá estrada ligasaun Manleuana bá Kasnafar to’o Sarlala-Aileu, inklui dalan kuak sira iha sidade Díli laran tama iha fundu infraestrutura ne’ebé kobre despeza hotu.

Advertisement

Jornalista: Vito Salvador

 

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Dili

Harii Tan Merkadu Ida iha Díli Hodi Akumula Vendedór sira

Published

on

Hatutan.com, (21 Maiu 2024), Díli- Haree bá kondisaun merkadu rua iha Díli; Manleuana ho Taibessi, la konsege akumula hotu vendedór sira, liuliu hirak ne’ebé kontinua utiliza espasu públiku hodi halo atividade, hanesan iha Elemloi-Delta nian, Kampu Baru-Comoro, iha Terminal Becora ho mós iha Audian nian, maka Bankada Parlamentár KHUNTO husu Governu harii tán merkadu hodi bele akumula  vendedór sira  ne’e.

(more…)

Kontinua Le'e

Dili

Asiste Feira iha Portu Díli, PNTL Halibur Motór 23 Tanba Estasiona iha Trotoar Leten

Published

on

Hatutan.com, (21 Maiu 2024), Díli- Polísia Nasionál Timor-Leste (PNTL) liuhosi Unidade Tránzitu Komandu Munisípiu Díli halo apreensaun ka halibur motorizada hamutuk 23 tanba estasiona fali mór iha trotoar leten.

(more…)

Kontinua Le'e

Dili

Konfrontu iha Ai-tarak Laran, Uma 2 Rahun no Polísia Detein Suspeitu Na’in-14

Published

on

Hatutan.com, (15 Maiu 2024), Díli-Polisia Nasionál Timor-Leste (PNTL) Munisípiu Díli, kaptura no detein  suspeitu na’in-14 tanba envolve iha kazu konfrontu ka tuda-malu entre juventude sira iha área Ai-tarak Laran ho Kampung Alor iha Tersa kalan (14/05/2024).

(more…)

Kontinua Le'e
Advertisement

Trending