Connect with us
Pakote Ahi

Ekonomia

Perfurasaun Timor Resource iha Suai Hatudu Sinál Pozitivu

Published

on

Hatutan.com, (21 Juñu 2022), Díli- Ministru Petroleu no Mineral (MPM), Victor da Vonceição Soares, informa perfurasaun Timor Resource bá posu mina matan iha Suai hatudu deskobrimebtu tékniku no lori esperansa foun bá Timor Leste.

Lee Mós : Outubru, Mina iha Bayu Undang Hahú Maran no ANPM Sei Transforma Bá Projetu CCS

Ministru Petroleu no Mineral (MPM), Victor da Vonceição Soares. Foto/Hatutan.com

Hafoin hasoru malu ho Prezidente Repúblika (PR), José Manuel Ramos-Horta iha Palásiu Prezidensiál, Tersa (21/06/2022), Ministru Victor da Vonceição Soares, informa  Perfurasaun Timor Resource iha Suai  iha mos avansu di’ak no Timor Resource nia perfurasaun bá posu tolu ne’ebé iha, posu daruak hatudu sinál pozitivu, katak hetan deskobrimentu tékniku, tanba ne’e presiza tan análize no teste sira para atu bele hatene katak ne’e tama ona iha faze deskobrimentu komersial ka lae.

Perfurasaun bá posu datoluk iha Suai sei atualiza hela no remata husi ne’e  sei bá fura mós posu iha Same Betano, foho Ailiku nian.

Advertisement

Novidade diak ne’e, MPM ho instituisaun relevante sira liu husi sorumutuk ho Prezidente Repúblika halo mós atualizasaun relasiona ho aktividade ministeriu nian hodi diskuti hamutuk mós ho Xefe Estadu setór petróleu, gas no minarais.

Iha diskusaun produtovu ne’e MPM hamutuk ho instituisaun relevantes sira hato’o mós prontidaun atu nafatin kolabora ho Prezidente Repúblika hodi mai hato’o progresu no informa bá Xefe Estadu gradualmente relasiona ho petroliu no minerais ne’ebé Timor-Leste iha.

 “Agora komesa rame ona iha media tamba empreza Santos Limited ne’ebé durante ne’e halo esplorasaun iha Bayu Undang fó sai ona katak iha tinan ne’e nia rohan mina hahú menus no la ekonomiku ona tanba ne’e ami ohin mai hasoru Prezidente Repúblika hodi informa mós situasaun ne’e,” Ministru Victor da Vonceição Soares haktuir.

Situasaun ne’e motiva Governu hodi halo esforsu bá esplorasaun iha second line bá iha bloku 18 ne’ebé iha no dezde 2019 mai to’o ohin loron, iha konkursu ne’ebé Governu halo konsege hetan empreza lima (5) ne’ebé potensial no husi empreza 5 ne’e iha empreza nasional 2 mak Timor Gap no Esperansa Timor Oan (ETO) no internasional sira mak SNI, Santos Limited no ida husi Pakistaun.

Governante ne’e mos atualiza situasaun real Bayu Undang nian bá Prezidente Repúblika no informa mós planu estratéjiku seluk relasiona ho utilizasaun kampu Bayu Undang bá projetu Carbon Captur Storage  (CCS).

Advertisement

Jornalista       : Vito Salvador

 

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Ekonomia

Atensaun, Moeda Falsu Sentavu 50 Sirkula Ona iha Timor

Published

on

Hatutan.com, (01 Marsu 2024), Díli – Osan   moeda falsu sentavu 50,  daudaun  ne’e, sirkula ona iha merkadu Timor-Leste, tanba ne’e, Polísia Nasional Timor-Leste (PNTL), Departamentu Investigasaun Kriminál (DIK) bolu atensaun bá públiku atu bele haree modelu osan sentavu 50 ne’e ho kuidadu.

(more…)

Kontinua Le'e

Ekonomia

Estadus Unidus Kongratula Timor-Leste Nia Adezaun bá OMK

Published

on

Hatutan.com, (27 Fevereiru 2024), Díli– Estadus Unidus ho ksolok hato’o parabéns bá Timor-Leste ninia adezaun bá Organizasaun Mundiál Komérsiu (OMK).

(more…)

Kontinua Le'e

Ekonomia

La’o Hamutuk Rejeita Adezaun TL bá OMK, Husu Governu Proteje no Promove Ekonomia Rai-Laran

Published

on

Hatutan.com, (27 Fevereiru 2024), Díli- Organizasaun Naun Govermental (ONG), La’o Hamutuk rejeita adezaun Timor-Leste ba Organizasaun Mundiál Komérsiu (OMK) no husu atu Governu hadi’a politika proteje no promove ekonomia iha rai-laran.

(more…)

Kontinua Le'e

Trending