Connect with us
Pakote Ahi

Ekonomia

Investór 43 Interese Atu Investe iha TL no Rekruta Timoroan Servisu iha Dubai

Published

on

Hatutan.com (21 Juñu 2022), Díli—Rezultadu expo Dubai ne’ebé hala’o ona, konsege atrai investór 43 ne’ebé iha interese atu halo investimentu iha Timor Leste (TL) no mós hakarak atu halo rekrutamentu ba Timoroan hodi ba serbisu iha Dubai.

Ministériu Relevante sira halo aprezenta saun kona-bá rezultadu Expo Dubai iha salaun MNEK, Díli Tersa (21/06/2022).

Investimentu ne’ebé investór hirak ne’e hakrak investe iha área Turizmu, Hospitalidade, Agrikultura no Peska, konektividade transporte aero, komunikasaun no petróliu minerais.

Lee Mós:Problema Transporte, Difikulta Produtu Lokál Ba Expo Dubai

Governu TL mós konsege iha ona akordu ho Dubai iha área aero, hodi estabelese voo ho aviaun Emiradu Árab iha tinan ida-ne’e.

Advertisement

Rezultadu seluk maka iha ona kontaktu husi lista balun husi investor nain 43 ne’ebe iha interese atu rekruta Timor oan ba servisu iha Dubai.

“Objetivu hosi expo maka halo promosaun no marketing, maibé rezultadu seluk ne’ebé iha ona mak asina ona akordu entre Governu TL ho Dubai ne’ebé liu ona iha Konsellu Ministru no daudaun iha ona Prezidente Repúblika iha área aero nian,” Ministru MTKI, José Lucas do Carmo da Silva hateten ba jornalista sira iha MNEK, Díli Tersa (21/06/2022).

José Lucas espera katak, TL sei halo primeiru voo ho aviaun Emiradu Árabe iha tinan ida-ne’e nia laran, no rezultadu seluk maka iha ona kontaktu hosi lista lubuk ida ne’ebé iha interese atu rekruta Timor-oan ba servisu iha Dubai, maske importánsia hosi expo ne’e atu halo promosaun hodi dada investór sira mai TL, no investór barak maka kontaktu ona Governu liu hosi TradeInvest.

Ministériu Relevante sira halo aprezenta saun kona-bá rezultadu Expo Dubai iha salaun MNEK, Díli Tersa (21/06/2022).

Expo Dubai la’ós atu redús kedan ki’ak imediata iha TL, maibé hanesan faze primeiru hodi halo promosaun hodi lori investór mai TL hodi hamosu oportunidade ba Timor-oan hotu.

Relasiona ho notasaun ne’ebé investór Dubai fó liu-liu kona-bá estabilidade polítika no seguransa, estabilidade Governativa ba tinan 25-35, seguransa judisiál ba asset no investimentu, Governante ne’e husu ba liñas ministeriais hotu atu tuur hamutuk ho seitór privadu sira hodi hato’o fali informasaun ba investór sira.

Koordenador Expo Dubai, Manuel Vong esplika expo Dubai hanesan prosessu hosi investimentu, tanba halo promosaun no marketing, maibé la’ós tenke iha kedan rezultadu tanba presiza tempu atu alkansa objetivu hotu.

Advertisement

Maibé, hosi rezultadu expo hatudu totál investór ne’ebé hakarak halo investimentu iha TL hamutuk na’in 43 no ida mak konsege asina ona akordu ho Governu.

“Iha empreza 43 ne’ebé iha interese halo investimentu iha TL. Tanba ne’e husu atu bele hasoru-malu ho ekipa hodi bele ko’alia hamutuk ho idak-idak nia deskrisaun no atividade negósiu karik iha oportunidade, no iha kompañia lima ne’ebé daudaun hahú sira nia investimentu iha área petróliu,” Manuel Vong dehan.

Iha área agrikultura, iha mós investór ne’ebé hakarak halo investimentu, tanba ne’e iha tempu badak sei simu vizita hosi investór sira hodi ko’alia no halo sira nia kompromisu.

Sei Rezolve Tais 400 Ne’ebé La Konsege Lori ba Dubai

Koordenador expo Dubai, Manuel Vong promete sei resolve Tais hamutuk 400 ne’ebé atu haruka ba expo Dubai hodi halo promosaun iha pavilium Timor Leste maibé la konsege tanba Dubai la fó aprovasaun perante situasaun Covid-19.

Advertisement

Tanba ne’e Manuel Vong husu ba kompañia atu marka prezensa iha office hodi bele ko’alia hamutuk no labele ko’alia fali liu hosi média sosiál.

“Tais 400 ne’ebe la lori ba Dubai tanba iha prosessu transportasaun ne’ebé iha hela situasaun Covid-19 nia laran maka Dubai la fó aprovasaun. Ita iha obrigasaun atu halo tuir maibé Governu nafatin fó atensaun hodi promove tanba Timor-Leste mós rejista hanesan nasaun 50 hosi nasaun 194 ne’ebé atu fa’an nia produtu iha pox expo foun. Tanba ne’e labele hanoin de’it produtu ne’ebé la konsege lori ba Dubai, tanba sei iha oportunidade atu promove. Maibé ba kompañia na’in ne’ebé ezize atu selu, tenki ba direta iha office nune’e bele konsulta malu la’ós iha média,” Manuel Vong hateten.

Tais ne’ebé la konsege lori ba expo Dubai nafatin iha kondisaun di’ak tanba ta’u iha fatin seguru no laiha intensaun seluk, tanba iha ona akordu balun ne’ebé hateten sasan ne’ebé lori ba Dubai maibé ema la sosa maka tenki fo fila ba na’in, no Governu la sosa maibé fasilita atu produtu hirak ne’e bele hakat ba merkadu internasionál.

Jornalista: Carmelita Isaac

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Ekonomia

Timor-Leste Sei Organiza Festivál Internasionál Foka bá Promosaun Arte-Kultura, Turizmu, Siénsia no Teknolojia

Published

on

Hatutan.com, (22 Fevereiru 2024), Díli- Vise-Primeiru Ministru, Ministru Koordenadór bá Asuntu Ekonómia, Ministru Turizmu no Ambiente, Francisco Kalbuadi Lay, informa Timor-Leste sei organiza festivál internasionál ne’ebé sei foka ba promosaun arte-kultura, turizmu, siénsia no teknolojia.

(more…)

Kontinua Le'e

Ekonomia

Ezekuta Projetu ho Kustu US$21,228,762, Empreza La Harii Basecamp no Laiha Ekipamentu

Published

on

Hatutan.com, (16 Fevereiru 2024), Díli- Prezidente Komisaun E Parlamentu Nasionál bá asuntu Infraestrutura, Marcos Xavier, kestiona empreza internasionál Hutama Karya (Persero) Indonézia ne’ebé manan projetu  Estrada urbana iha Maliana ho kustu US$21,228,762,  maibé laiha basecamp no laiha ekipamentu.

(more…)

Kontinua Le'e

Ekonomia

Sentru Lojístika Nasionál iha Dívida US$500,000

Published

on

Hatuta.com, ( 16 Fevereiru 2024), Díli—Sentru  Lojístika Nasionál (CLN, sigla portugés) daudaun ne’e iha hela dívida US$500,000.00 bá kompañia sira ne’ebé  Governu kontrata hodi fornese produtu lokál mai armazén CLN.  

(more…)

Kontinua Le'e
Advertisement

Trending