Hatutan.com, (05 Jullu 2022), Díli—Assosiasaun Esperansa Feto Defisiénsia TL iha programa haat mak hanesan, 𝑎𝑠𝑠𝑖𝑠𝑡é𝑛𝑠𝑖𝑎, 𝑎𝑑𝑣𝑜𝑘𝑎𝑠𝑖𝑎 𝑒f𝑒𝑡𝑖𝑣𝑢, 𝑘𝑜𝑜𝑝𝑒𝑟𝑎𝑡𝑖𝑣𝑎 𝑛𝑜 𝑘𝑎𝑝𝑎𝑠𝑖𝑡𝑎𝑠𝑎𝑢𝑛 ba 𝑚𝑒𝑚𝑏𝑟𝑢 sira.

Koordenadora Assosiasaun Esperansa Feto Defisiénsia Timor-Leste, Magdalena da Costa ho ninia feto maluk sira aprezenta ezisténsia assosiasaun ne’e ba Ministru Justisa Tiago Amaral Sarmento, iha servisu fatin Rua Colmera, Díli, Segunda (04/07/2022). Foto/MJ.

Koordenadora Assosiasaun Esperansa Feto Defisiénsia Timor-Leste, Magdalena da Costa ho ninia feto maluk sira aprezenta ona ezisténsia assosiasaun ne’e ba Ministru Justisa Tiago Amaral Sarmento, iha servisu fatin Rua Colmera, Díli, Segunda (04/07/2022).

Lee Mós: Ema ho Defisiente Kontinua Enfrenta Dezafiu iha Área Edukasaun

“Objetivu hosi reunian ne’e hodi husu Ministru Justisa nia hanoin kona-bá kriasaun Assosiasaun Esperansa Feto Defisiénsia Timor-Leste. Husu mós Ministru Justisa atu sai Konsilleiru ba assosiasaun ne’e,” Hatutan.com sita komunikadu.

Tuir Magdalena, asossiasaun Defisiénsia barak iha Timor-Leste maibé laiha assosiasaun ida mak espesífiku atu tau-matan ba labarik feto defisiente no feto defisiénsia sira.

Assosiasaun ne’ebé sei haríi hosi feto defisiénsia na’in-sia  ne’e sei haree liu ba Justisa ninian. Sei fó assistensia Justisa ba maluk feto defisiénsia sira ne’ebé hetan asaun krimi hosi sidadaun sira.

Surante ne’e assosiasaun ne’e atende ka fó ona assiténsia ba kazu balun ne’ebé mak feto defisiente sira hasoru hanesan Violénsia doméstika, seksuál no fiziku hosi família uma laran no hosi komunidade.

Nune’e, hosi asosiasaun haforsa advokasia mai iha iha uma mahon, hamutuk ho AlFela hodi fó assisténsia ba vitima sira.

Ministru Justisa agrdese ba Koordenadora Magdalena ho ninia ekipa no husu atu prepara sira nia estatu hodi submete ba Ministériu Justisa.

Jornalista: Carmelita Isaac