Connect with us
Pakote Ahi

Edukasaun

Osan Laiha, Projetu Sidade Universitáriu Aileu “Paradu”

Published

on

Hatutan.com, (05 Jullu 2022), Díli-To’o oras ne’e, konstrusaun bá Sidade Universitáriu  iha Aldeia Lauisi, Suku Bandudatu, Postu Administrativu Aileu, Munisípiu Aileu, “paradu” tanba Governu seidauk iha osan sufisiente. Ho nune’e, Governu sei buka hela dalan atu bele empresta tan osan hosi Banku Mundiál.

Lee Mós : Halo Manifestasaun iha MESSK, Tribunál Aplika Pena Multa Bá Universitáriu Na’in-17

Ministru Ensinu Superiór Siénsia no Kultura (MESSK), Longuinhos dos Santos. Foto/Hatutan.com

Ministru Ensinu Superiór Siénsia no Kultura (MESSK), Longuinhos dos Santos, hateten, andamentu progresu kona-bá harii Sidade Universitária Aileu, daudaun ne’e, Governu halo hela komunikasaun ho Banku Mundiál hodi bele empresta osan iha 2023, nune’e bele dezenvolve edifísiu foun bá sidade universitáriu ne’e.

“Iha faze diskusaun. Banku Mundiál mós presiza dokumentu ne’ebé mak mai hosi ministériu nian, liu-liu Sidade Universitáriu Aileu hanesan, kona-bá estudu viabilidade, dezeñu detalladu nian, depois ida ne’e, ita fó ona dokumentu ne’e bá sira totálmente, depois sira bele fó ona lampu azúl. Maibé, daudauk ne’e seidauk bele iha ida ne’e, tanba sei iha hela faze diskusaun,” Ministru Ensinu Superiór Siénsia no Kultura (MESSK), Longuinhos dos Santos, hateten bá jornalista sira, hafoin sorumutuk ho Primeiru-Ministru (PM), Taur Matan Ruak, iha Palásiu Governu, Díli, Tersa (05/07/2022).

Advertisement
Monta Publisidade

Hatán kona-bá valór orsamentu hira mak Governu sei buka empresta tan hosi Banku Mundiál, Ministru Longuinhos dos Santos, hateten montante orsamentu seidauk fiksa, tanba oras ne’e, kompañia kontraktor ne’ebé mak responsabiliza bá obra ne’e, hala’o hela levantamentu fíziku sira kona-bá gastu nian iha terrenu, molok entrega bá Governu, nune’e mós aprezenta proposta empréstimu bá Banku Mundiál.

“Orsamentu ne’ebé maka atu bele investe bá Sidade Universitáriu Aileu, seidauk finaliza loloos, tanba iha hela prosesu aprovizionamentu hosi empreza bá Sidade Universitáriu Aileu no iha fulan-Jullu ne’e, sira finaliza atu aprezenta, nune’e  nia montante orsamentu ita seidauk bele fiksa,” Ministru Longuinhos dos Santos, hateten.

Progresu konstrusaun fíziku bá obra ne’e rasik iha terrenu seidauk la’o, tanba Governu halo hela diskusaun ho Banku Mundiál, oinsá mak atu bele empresta osan ne’e.

Tuir planu MESSK nian katak, prosesu implementasaun loloos bá projetu konstrusaun edifísiu ne’e, iha fulan-Setembru 2022, hahú uluk  ona konkursu públiku  bá moru, molok konstrui edifísiu Sidade Universitáriu Aileu.

Kona-bá komunidade sira ne’ebé mak antes ne’e sira nia rai no hela fatin hetan afetadu hosi planu boot ne’e, Governu rezolve hotu ona sira ninia problema.

Advertisement
Monta Publisidade

“Ne’e ita rezolve hotu ona, iha komunidade uma-kain haat ka lima hanesan ne’e maka seidauk bele konsege rezolve, maibé nia andamentu prosesu la’o hela,”  Ministru Longuinhos informa tan.

Jornalista: Rogério Pereira Cárceres

Kontinua Le'e
Advertisement
Monta Publisidade
Hakarak Hato'o Komentariu?

Husik Hela Komentariu

Your email address will not be published. Required fields are marked *

Edukasaun

Prezidente Repúblika Oferese Livru 3.000 Bá UCT

Published

on

Hatutan.com, (15 Marsu 2023), Díli—Prezidente Repúblika (PR), José Ramos-Horta oferese livru 3.000-resin bá Universidade Católica Timorense (UCT), hodi apoia prosesu aprendizazen no hatoman estudante sira kona-bá kultura lee.

(more…)

Kontinua Le'e

Edukasaun

Asaun Kontra Reitór ho Estrutura UNTL Kontribui bá Mudansa

Published

on

Hatutan.com, (14 Marsu 2023), Díli-Estudante Universidade Nasional Timor-Lorosa’e (UNTL), liuhosi Asosiasaun Akadémika Estudantíl (AAE) konsidera katak, asaun pasifika ne’ebé sira hala’o iha Segunda (13/03/2023), hasoru Reitór João Soares Martins no nia estrutura hanesan parte ida atu kontribui bá mudansa iha UNTL.

(more…)

Kontinua Le'e

Edukasaun

Selesaun Estudante Foun Atrazu Prejudika Prosesu Aprendizajen UNTL

Published

on

Hatutan.com, (13 Marsu 2023), Díli-Tuir loos prosesu aprendizajen iha Universidade Nasionál Timor Lorosa’e (UNTL) la’o tiha ona iha fulan-Fevereiru  2023. Maibé, to’o agora  mak foin atu hahú loron dahuluk orientasaun akadémiku tanba prejudika hosi prosesu selesaun ne’ebé halo hosi  Ministériu Ensinu Suporior Siénsia no Kultura (MESSK).

(more…)

Kontinua Le'e
Advertisement Monta Publisidade

Trending