Edukasaun
Educating The Future Sei Konstrui Edifísiu Pré-eskolár 350 iha TL
Hatutan.com, (05 Jullu 2022), Díli—Organizasaun Educating The Future sei tulun Governu liu hosi servisu hamutuk ho Ministeriu Edukasaun Juventude no Desportu (MEJD) hodi halo konstrusaun no rehabilitasaun ba edifisiu Pré-eskolár 350 iha Timor-Leste (TL) ho objetivu atu mellora di’ak liu tán kualidade edukasaun pré-eskolár.
Jestór hosi organizasaun Educating The Future hasoru-malu ho Prezidente Repúblika, José Ramos-Horta iha Palásiu Prezidensiál Nicolau Lobato, Bairru-Pité, Tersa (05/07/2022).
Tanba ne’e, Jestór hosi organizasaun ne’e, hasoru-malu ona ho Prezidente Repúblika, José Ramos-Horta hodi aprezenta mós kona-bá sira nai ezisténsia iha TL liuliu apoiu ne’ebé sira oferese ba dezenvolvimentu Edukasaun TL nian.
“Ami iha-ne’e foku liu servisu hamutuk ho MEJD no mós autoridade munisipál sira hodi identifika fatin no atu hadi’a edifísiu pré-eskolár ne’ebé presiza tebes atu reahabilita. Tuir estimasaun, ami sei halo kada pré-eskolár ho sala de aula rua ba estudante no sala ida ba professór sira,” Fundadór Organizasaun Educating the Future, Adam Hegedus hateten, hafoin hasoru-malu ho Prezidente Republika iha Palásiu Prezidensiál Nicolau Lobato, Bairru-Pité, Tersa (05/07/2022).
Proframa espesifiku iha Timor Leste maka servisu hamutuk ho MEJD hodi halo pré-eskolár tanba ne’e importante mós ba labarik sira iha Timor Leste.
Educating the Future oras-ne’e halo hela servisu konstrusaun foun ba edifisiu pré-eskolár lima iha munisípiu Aileu, Baukau, Ermera, no Likisá.
Educating the Future sei ba halo identifikasaun no sosializasaun iha kada munisípiu hodi halo selesaun ba pré-eskolár sira ne’ebé presiza urjente atu halo rehabilitasaun no harii edifísiu foun.
Tuir planu iha tinan oin, Educating the Future sei halo edifisiu foun hamutuk 20, kona-bá orsamentu sei enkontru ho parseiru sira iha Austrália, inklui Governu Austrália rasik kona-bá orsamentu ne’ebé presiza.
“Ami nia vizaun misaun maka empodera edukasaun pré-eskolár iha TL liu-liu ba labarik sira hodi konstrui edifisiu ba pre-eskolar ne’e rasik tanba haree ba labarik sira pursentu 60 iha Timor laran ladún asesu ba pré-eskolár. Ho razaun ida ne’e mak ami fokus ba edukasaun pre-eskolar nune’e bele ajuda labarik sira asesu,” nia subliña.
Educating the Future enkoraza estudante sira kona-bá importánsia hosi pré-eskolár tanba edukasaun pre-eskolar hanesan edukasaun ida ne’ebé bázika oinsá atu forma labarik sira nia karatér no mentalidde tanba ida ne’e nu’udár parte ida esensiál liu ba dezenvolvimentu integradu labarik sira nian.
Agora daudaun Educating the Future finaliza ona konstrusaun pré-eskolár ida iha aldeia Fahi Ten Suku Tibar, Postu Bazartete, Munisípiu Likisa, ho kustu orsamentu tuir estimasaun kuaze rihun $45 to’o rihun $50.
Ida ne’e inklui ona eletrisidade, bee moos, saneamentu no fasilidade ba manorin na’in-sira, estudante no fasilidade adisionál seluk ba Jardin Infantil nian.
Serimónia inaugurasaun ba edifisiu pré-eskolár Fahi ten monu iha loron 12 fulan ne’e, maibé Xefe Estadu José Ramos Horta la disponível atu partisipa tanba iha servisu seluk ne’ebé sei halo maibé promete atu haruka nia reprezentante ba iha serimónia inaugurasaun ne’e.
Jornslista: Vito Salvadór
Koligasaun AD no Partidu Frente-Mudança La Priénxe Rekizitu Partisipa iha ElPar 2023
Investigasaun Bá Kazu José Bernardo Sei Konklui Iha Marsu Nia Rohan
PNTL Tenke Mantein Imparsialidade
Evidénsia La Forte, Ministériu Públiku Arkiva Parsiál Kazu Amu Abito
Kazu Set-top Box RTTL,E.P, Ministériu Públiku Sei Prosesa Tuir Regra Prosesuál
DIT Hahú Introdús ba Estudante Sira Kona bá Seguransa ba Dadus Importante
MAPKOMS “Duvida” ho Sustentabilidade Institutu Formasaun Komunikasaun Sosiál no Multimedia
Nomeasaun Xefe Kaza Militar Foun Hein Konkordánsia Prezidente Repúblika
“The new forms of cultural colonization”, “The illusion of communication”: Husi Amo Daschback, SVD ba Amo Abito Brites to’o Amo Belo, SDB
Amora Lemos Dikontrak Sony Music, Resmi Jadi Penyanyi Profesional
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Nasionál1 week agoAviaun Timor Oan Nian Tun Iha Díli, Ministru José Agostinho Hamonu Matan-Been Orgullu Nian
-
Nasionál1 week agoPilotu Ida-Ne’e Mak Lori Aviaun Timor Oan Nian
-
Ekonomia1 week agoAviaun Timor Oan Nian Prontu Ona Atu Semo Bá Díli
-
Justisa & Krime7 hours agoEvidénsia La Forte, Ministériu Públiku Arkiva Parsiál Kazu Amu Abito
-
Nasionál3 days agoAhi-Han Edifísiu MAE, PNTL Investiga Bada’en Oecusse Oan Na’in-11
-
Polítika7 days agoPrezidente Repúblika Husu Embaixadór Foun Tau Atensaun Bá Timor Oan Sira iha Reinu Unidu
-
Defeza & Seguransa1 week agoKazu Culau-Becora, Polísia Detein Joven Na’in-tolu
-
Internasionál1 week agoCI-LPDS Tanda Tangani Kerja Sama Penguatan Kelembagaan