Hatutan.com, (27 Jullu 2022), Díli—Food and Agriculture Organization (FAO), kontinua iha komitmentu boot atu fó apoiu no asisténsia tékniku ba governu iha seitór sira hanesan agrikultura, seguransa alimentár, nutrisaun no bee moos iha Timor Leste (TL).

Reprezentante espesiál FAO ba Indonézia no TL, Rajendra Aryal hasoru-malu ho Prezidente Repúblika (PR), José Ramos-Horta iha Palásiu Prezidensiál Nicolau Lobato Bairru-Pité, Kuarta (27/07/2022).

Asuntu ne’e reprezentante espesiál FAO ba Indonézia no TL, Rajendra Aryal atualiza ona ba Prezidente Repúblika (PR), José Ramos-Horta iha Palásiu Prezidensiál Nicolau Lobato Bairru-Pité, Kuarta (27/07/2022).

Lee Mós: Governu Lansa Relatóriu Finál Peskiza Ai-han no Nutrisaun TL

Parte FAO agradese ba Xefe Estadu ninia lideransa iha asuntu seguransa alimentár, agrikultura, floresta no bele troka ideia oinsá hametin kolaborasaun iha área sira ne’e.

Advertisement

Durante sorumutu, ko’alia mós kona-bá oinsá mudansa klimátika no dezastre oin-oin ne’ebé akontese iha rai bar-barak no fó impaktu ba Timor Leste.

Ho situasaun ne’e, estratejia oinsá bele servisu hamutuk atu responde krize oin-oin inklui krize ne’ebé akontese iha rai balun, fó impaktu ba seguransa ai-han iha rai laran.

Funu ne’ebé akontese entre Rúsia ho Ukránia ne’ebé daudaun ne’e fó impaktu teb-tebes ba nasaun barak liu-liu ba sira ne’ebé depende ba importasaun ai-han.

Timor Leste ladún hetan impaktu maka’as, maibé ida-ne’e kuandu dada naruk ba bebeik maka Timor Leste mós iha tempu balun hetan impaktu.

“Agora parte hotu hanoin hela ho estratejia oinsá Timor Leste bele mellora liu tán produsaun ai-han lokál, nune’e bele iha soberania ai-han no dependénsia ba importasaun bele menus oituan,” Rajendra Aryal hateten.

Advertisement

FAO daudaun ne’e implementa programa barak mak promove konservasaun agrukultura atu bele mellora produsaun ai-han, FAA mós servisu iha área agrikultura hodi haree asuntu sira jestaun sustentabilidade peskas no mós produsaun ikan iha rai laran.

FAO servisu iha área Floresta liu-liu haree estudu kona-bá ema sunu rai no mós estabele sistema ne’ebé bele halo jestaun sustentável ba Floresta no enjerál haree mós oinsa setór agrikultura bele iha adaptasaun di’akiu tán mudansa klimátika.

FAO hanesan ajensia téknika ida Nasaun Unidas nian, nune’e FAO la fó asisténsia finanseiru maibé maioria asisténsia téknika, depende ba esforsu ne’ebé FAO halo hamutuk ho Ministériu Agrikultura no Peska (MAP), mobiliza osan husi donor sira entaun FAO implementa direta atividade ho agrukultura sira kolaborasaun ho MAP.

“Daudaun ne’e ami nia programa ba tinan lima husi 2020-2025 ho totál millaun $24,” nia dehan.

Prezidente Repúblika José Ramos-Horta iha enkontru ne’e hateten, hakarak haree oinsa mak nasaun ne’e bele iha soberania ai-han no mós bele mellora nutrisaun ba populasaun sira.

Advertisement

Xefe Estadu hakarak tebe-tebes konvoka kolaborasaun husi parte hotu-hotu atu bele mellora investimentu setór agrikultura hodi responde ba mal-nutrisaun.

Jornalista: Vito Salvadór