Hatutan.com, (30 Jullu 2022), Díli–Kompañia konstrutór hahú monta ponte temporáriu iha Becusse antes sobu tuan.

Kompañia konstrutór hahú monta ponte temporáriu iha Becusse, Díli, Sábadu (30/07/2022). Foto/Espesiál

Ponte temporáriu ne’e kompañia sobu husi ponte Besi iha Mota-Masin, Munisípiu Covalima nian ne’ebé la uza ona, tanba ne’e Ministru Obras Públikas (MOP), Abel Pires da Silva, orienta sobu ponte ne’e hodi monta temporáriu iha Becuse, Díli, hodi fasilita movimentasaun ema no transporte nian kontinua lao hanesan baibain bainhira sobu ponte tuan.

Komunikadu imprensa ne’ebé Hatutan.com asesu husi pájina Facebook ofisiál Gabinete do Ministro das Obras Públicas, Dr Abel Pires da Silva, Ph.D haktuir katak ponte ho dezeñu kuartu-kuartu ne’e sobu bazeia bá orientasaun Primeiru-Ministru (PM), Taur Matan Ruak iha tinan 2021 bainhira halo observasaun direta bá situasaun sira kalamidade 04 Abríl, ne’ebé nota katak komunidade sira iha área Bekusi barak sofre inundasaun tanba kauza mós husi ponte ne’e.

Jornalista : Rogério Cárceres