Hatutan.com  (02 Agostu 2022), Díli-Atleta Timor-Leste ne’ebé partisipa iha ASEAN Para Games 2022 iha Solo-Indonézia, konsege oferese medalla osan mean-tolu (3) mai Timor-Leste.

Prestasaun ne’e oferese dahuluk husi  Teófilo Freitas nu’udár atleta husi modalidade atletizmu, 𝖠𝖻𝖾𝗅𝗂𝗍𝖺 𝖡𝗈𝗋𝗀𝖾𝗌 𝖥𝖾𝗋𝗇𝖺𝗇𝖽𝖾𝗌 𝖲𝗈𝖺𝗋𝖾𝗌 ho 𝖯𝖺𝗌𝖼𝗈𝖾𝗅𝖺 𝖽𝗈𝗌 𝖲𝖺𝗇𝗍𝗈𝗌 𝖯𝖾𝗋𝖾𝗂𝗋𝖺, husi 𝗆𝗈𝖽𝖺𝗅𝗂𝖽𝖺𝖽𝖾 Doble Tenis Meza.

Lee Mós : SEJD Husu Deskulpa Bá PM Taur ho Atleta Paralímpiku Sira

Teófilo Freitas, atleta husi modalidade atletizmu kaer liman ho Primeiru-Ministru (PM), Taur Matan Ruak, iha serimonia despedida ho atleta timoroan sira ne’ebé partisipa iha ASEAN Para Games bá dala-XI iha Solo-Indonézia. Foto/Hatutan.com

Sekretáriu Estadu Juventude no Desportu (SEJD), Abrão Saldanha, kongratula atleta Para Games ne’ebé hetan medalla osan mean iha Solo-Indonézia.

“𝖯𝖺𝗋𝖺𝖻é𝗇𝗌 𝖻á 𝖺𝗍𝗅𝖾𝗍𝖺 𝖯𝖺𝗋𝖺𝗅𝗂𝗆𝗉𝗂𝗄𝗎 𝖠𝖻𝖾𝗅𝗂𝗍𝖺 𝖡𝗈𝗋𝗀𝖾𝗌 𝖥𝖾𝗋𝗇𝖺𝗇𝖽𝖾𝗌 𝖲𝗈𝖺𝗋𝖾𝗌 no 𝖯𝖺𝗌𝖼𝗈𝖾𝗅𝖺 𝖽𝗈𝗌 𝖲𝖺𝗇𝗍𝗈𝗌 𝖯𝖾𝗋𝖾𝗂𝗋𝖺 𝗁𝗎𝗌𝗂 𝗆𝗈𝖽𝖺𝗅𝗂𝖽𝖺𝖽𝖾 𝗍𝖾𝗇𝗂𝗌 𝖽𝖾 𝗆𝖾𝗌𝖺 no Teófilo Freitas husi modalidade Atletizmu 𝗇𝖾’𝖾𝖻é 𝗌𝖺𝗂 𝗈𝗇𝖺 𝖤𝗆𝖻𝖺𝗂𝗑á𝖽𝗈𝗋𝖺 𝗅𝗈𝗋𝗂 𝗈𝗇𝖺 𝖻𝖺𝗇𝖽𝖾𝗂𝗋𝖺 𝖳𝗂𝗆𝗈𝗋-𝖫𝖾𝗌𝗍𝖾 𝗄𝗈𝗆𝗉𝖾𝗍𝖾 𝗇𝗈 𝗁𝖾𝗍𝖺𝗇 𝗈𝗇𝖺 𝗆𝖾𝖽𝖺𝗅𝗅á 𝗈𝗌𝖺𝗇 𝗆𝖾𝖺𝗇 𝗂𝗁𝖺 𝗃𝗈𝗀𝗎 𝖨𝗇𝗍𝖾𝗋𝗇𝖺𝗌𝗂𝗈𝗇á𝗅 𝖠𝗌𝖾𝖺𝗇 𝖯𝖺𝗋𝖺 𝖦𝖺𝗆𝖾𝗌 𝗂𝗁𝖺 𝖲𝗈𝗅𝗈-𝖨𝗇𝖽𝗈𝗇𝖾𝗓𝗂𝖺,” Abrão Saldanha hateten iha pájina Facebook SEJD ne’ebé Hatutan.com sita.

Iha modalidade atletizmu, Atleta Teófilo Freitas ne’ebé hetan medalla osan mean iha númeru 1500 metru, liu husi nia konta Facebook hato’o agradese bá Na’i Santísima Trindade no Natureza Timor. Agradese bá Treinadór Rui Alves Amaral nia dedikasaun tomak ho Odete Belo ne’ebé akompaña sira kompete iha  ASEAN Para Games 2022.

Atleta para Games Timor Leste ne’e agradese mós bá timoroan hotuhotu nia orasaun no suporta ne’ebé lori motivasaun bá sira hodi konkista vitóriaa iha kompetisaun sira ne’e.

“Hanesan mensajen Primeiru-Ministru nian, ohin loron, ami konsege tane ás RDTL iha ema nia rain” Teófilo Freitas afirma liu husi nia konta Facebook ne’ebé Hatutan.com sita.

Jornalista: Vito Salvadór