Connect with us
Pakote Ahi

Ainaro

Ramos-Horta Lori Membru Governu Rona Preokupasaun Povu Ainaro

Published

on

Hatutan.com, (05 Agostu 2022), Díli- Prezidente Repúblika (PR), José Ramos-Horta, liuhusi atividade diálogu ho tema “Kultura Ba Dame” lori membru Governu balun hodi ko’alia ho povu no rona povu nia preokupasaun kona-bá dezenvolvimentu.

Lee Mós : Ramos-Horta Klarifika Konseitu Fraternidade Umana iha Kontestu Timoroan Sira iha Timor Osidentál

Diálogu ho tema “Kultura Ba Dame” iha Munisípiu Ainaro, Sesta (05/08/2022). Foto/GPR

Iha Sesta (05/08/2022), iha Salaun Parokia Santa Maria Ainaro,  Munisípiu Ainaro, Prezidente Repúblika (PR), José Ramos-Horta, ho membru Governu balun halo diálogu ho povu no rona mós povu nia preokupasaun sira  ne’ebé durante ne’e povu enfrenta.

Membru Governu ne’ebé partisipa iha dialogu ne’e mak hanesan Ministru Administrasaun Estatál, Miguel Pereira de Carvalho, Vise Ministru Saúde, Bonifacio dos Reis Maucoli, Vise Ministru Agrikultura, Abílio Xavier de Araújo, Sekretáriu Estadu Terras no Propriedade (SETP), Eldino Rodrigues dos Santos   ho Sekretáriu Estadu Formasaun Profisionál no Empregu (SEFOPE), Alarico do Rosario

Advertisement

“Halo diálogu, hodi rona imi nia preokupasaun ruma, mai ho membru Guvernu balun atu imi bele ko’alia ho sira direita, ha’u hahú hateten, ita besik ona eleisaun parlamentár foun atu mai, ita hotu bele kolabora atu labele iha instabilidade, atu labele fó impaktu bá ekonomia no povu nia moris, nune’e iha inísiu hanesan Prezidente Repúblika, ha’u buka kedas diálogu nasionál ho lider sira, Prezidente Parlamentu, Primeiru-Ministru liu-liu bá asuntu ne’ebé ha’u preokupa, tamba sai Prezidente di’ak presiza hetan informasaun husi Governu no buka diálogu ho Governu,’’  Ramos-Horta hateten iha komunikadu imprensa ne’ebé Hatutan.com sita.

Prezidénsia Repúblika sei realiza fali programa Tour de Timor, Dili Marathona, Festival Kultura Ramelau no seluk tan, hodi kontribui ba promosaun pás no estabilidade hodi ajuda  Governu hodi hala’o prosesu dezenvolvimentu.

Iha tinan dahuluk mandatu nu’udár Xefe Estadu iha tinan 2007, Timor Leste foin sai husi krize, Ramos-Horta kria Tour de Timor, Marathona Internasionál, Festivál Ramelau, Kail, até halo konkursu prezépiu Natal nian, nu’udár promosaun bá dame iha Timor bá Mundu, atu tane Guvernu hodi kria unidade iha rai-laran nune’e, husik Governu fokus bá dezenvolvimentu iha rai-laran.

Maske iha tinan 2019 to’o 2021, la iha pozisaun polítika ruma, Ramos-Horta dehan nia kontinua apoia Governu hodi kombate COVID-19 iha Timor-Leste.

“Krize boot iha mundu, impaktu bo’ot bá Governu, entaun ita buka atu tane malu atu povu labele hamlaha, ekonomia tenke ba oin tamba ekonomia la la’o bá oin, mundu agora krize. Ita tinan ida ho balun tan, ita atu tama ASEAN,” Horta hateten iha komunikadu ne’e.

Advertisement

Prezidente Repúblika mós husu partidu polítiku no membru Grupu Arte Marsiál sira atu kria diálogu, nune’e bele simu malu hodi hadi’a naksalak husi violénsia ne’ebé mosu.

Iha diálogu ne’e, Administradór Postu Maubisse, Hatubiolico, Hatu’udo no Ainaro Villa, aprezenta preokupasaun komunidade sira nian kona-bá Estrada, eletrisidade, asesu bá bé-moos, saúde no seluk tan.

Iha diálogu ne’e Xefe Estadu informa mós ba komunidade sira iha Munisípiu Ainaro esforsu Governu nian ne’ebé luta hela atu dada kadoras greater sunrise mai Timor-Leste.

Partisipa iha diálogu ne’e Membru governu, autoridade lokál, veteran no komunidade husi Munisípiu Ainaro.

Tuir sensus 2010, Ainaro iha abitante 59.175.000 no iha potensialidade bá setór agrikultura no turizmu. Maioria abitante sira ko’alia dalen Mambae no durante okupasaun Indonézia, àrea barak iha Ainaro sai abrigu bá gerrilleiru sira to’o ukun an.

Advertisement

Jornalista: Vito Salvadór

 

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Ainaro

Dezastre Naturál Estraga Uma 30 Iha Airaca-Lau

Published

on

Hatutan.com, (07 Jullu 2023), Ainaro—Udan makaas ne’ebé akontese iha loron 03 to’o 05 fulan Jullu tinan ne’e, estraga uma hamutuk 30 iha Aldeia Airaca-Lau suku Ai-Tutu, postu administrativu Maubisse, munisípiu Ainaro.

(more…)

Kontinua Le'e

Ainaro

Rai Monu Taka Totál Estrada Ligasaun Díli Bá Manufahi no Ainaro

Published

on

Hatutan.com, (07 Jullu 2023), Ainaro—Udan boot durante loron tolu, hahú hosi 03 to’o 05 fulan Jullu tinan ne’e, rezulta rai halai no rai monu hodi taka tomak estrada kuaze metru 50 iha aldeia Airaca-Lau, Suku Ai-Tutu, postu administrativu Maubisse, munisípiu Ainaro.

(more…)

Kontinua Le'e

Ainaro

Governu Foun Tenke Rezolve Dadus Veteranu Sira Rejistu iha 2009

Published

on

Hatutan.com, (13 Maiu 2023), Ainaro–Koordenadór Partidu Libertasaun Popular (PLP) Munisípiu Ainaro, Julio da Conceição “Loro Mesak” hateten, Governu da-sia períodu 2023-2028 tenke rezolve lista veteranu sira ne’ebé rejistu iha 2009.

(more…)

Kontinua Le'e
Advertisement

Trending