Connect with us
Pakote Ahi

Nasionál

Kambodia Garante Adezaun TL Bá ASEAN iha 2023

Published

on

Hatutan.com, (08 Agostu 2022), Díli- Ministra Negósiu Estranjeiru Kambodia, Prank Sakhonn, garante katak Timor-Leste nia adezaun bá ASEAN iha 2023.

Lee Mós : Adezaun TL Bá ASEAN ho OMK Nu’udár Prioridade Nasionál

Sekretáriu Jerál ASEAN, Lim Jock Hoi hala’o reuniaun ho Prezidente Repúblika, José Ramos-Horta iha sekretariadu ASEAN Jakarta, Kuarta (20/07/2022). Foto/Hatutan.com.

Prezidente Repúblika, José Ramos-Horta iha nia entrevista ho jornalista sira iha Palásiu Prezidensiál, Segunda (08/08/2022) hateten, loron ohin ASEAN nia aniversáriu ne’ebé iha Díli ofisiálmente sira sei selebra iha semana ne’e nia laran ho nia prezensa tamba konvite mai husi Embaixada ASEAN sira.

Nia afirma ohin mak loron ofisiál no Timor-Leste prepara an daudaun no iha informasaun pozitivu ne’ebé mai husi reuniaun ministerial iha Kambodia liu husi liafuan ne’ebé Ministru Negósiu Estranjeiru no Kooperasaun Kambodia rasik mak hatete iha posibilidade boot iha 2023 ka antes Timor-Leste tama nu’udar membru ASEAN bá dala-XI.

Advertisement

“Importante bá ita tanba Timor-Leste sei hola parte iha organizasaun rejionál no iha mundu ne’e rai hotu-hotu, paralende iha organizasaun boot-boot hanesan Nasoins Unidas ne’ebé Timor-Leste hola parte kedas dezde Setembru 2002, iha rai hotu-hotu iha organizasaun rejionál,” José Ramos-Horta hateten.

Timor-Leste hola parte iha ASEAN signifika integrasaun diplomátika, ekonómika iha Organizasaun rejionál no súl rejionál ida importante tebe-tebes ho populasaun kuaze 700 no ekonomia 4 triliun liután.

Dezde uluk kedas iha 2011 mak Timor-Leste halo aplikasaun atu sai membru ASEAN no iha momentu ne’ebá Indonézia mak sai Prezidénsia hodi lidera ASEAN no iha tinan 2023 mai Indonézia mak sei lidera hikas ASEAN.

“Simbóliku tebe-tebes bainhira Timor-Leste tama ASEAN bainhira Indonézia mak dala ida tan kaer Prezidénsia ASEAN nian,” Ramos-Horta hateten.

Iha parte seluk, Vise Ministru Negósiu Estranjeiru no Kooperasaun (MNEK), Julião da Silva hateten, tinan 10 resin ona Timor-Leste halo aplikasaun atu sai membru ASEAN, espera katak ho aniversáriu ASEAN tinan ida-ne’e, ne’ebé lidera husi Kambodia bele simu Timor-Leste nia adezaun.

Advertisement

“Hanesan ita hatene katak foin daudauk iha ASEAN Fact-Findig Mission (FFM), ne’ebé haree ba parte ekonomia, setór seguransa no sósiu kultura husi ne’e ita espera katak ho aniversáriu ASEAN iha tinan ida ne’e bele sai hanesan tinan vitória bá Timor-Leste nia adezaun bá ASEAN,” Julião da Silva hateten.

Governante ne’e hateten adezaun Timor-Leste bá ASEAN la’ós Governu nia papél de’it, maibé sidadaun no ema hotu-hotu, individu ka família tenke kontribui.

Jornalista: Vito Salvadór

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Uniaun Europeia, ILO ho TradeInvest Asina Akordu bá Espansaun Oportunidade Negósiu Nu’u iha TL

Published

on

Hatutan.com, (23 Maiu 2024), Díli—Organizasaun Internasionál bá Traballu (ILO) no TradeInvest Timor-Leste asina akordu kooperasaun téknika, kona-bá oportunidade hodi dezenvolve negósiu nu’u iha Timor-Leste hamutuk ho seitór privadu sira.

(more…)

Kontinua Le'e

Nasionál

Kapasidade Internet Husi Tore Provider Telekomunikasaun Sira iha TL La Sufisiente

Published

on

Hatutan.com, (22 Maiu 2024), Díli-Internet sai ona hanesan nesesidade importante bá ema nia moris loron-loron nian iha mundu iha era dijitalizasaun ne’e. Maske nune’e,  Timoroan sira ne’ebé hela iha Timor-Leste sempre halerik no kestiona kapasidade internet ne’ebé fornese husi tore provider telekomunikasaun hanesan Timor Telecom, Telkomcel ho Telemor.

(more…)

Kontinua Le'e

Nasionál

Horta ho Xanana Tuun Direta Simu Liurai Brunei Darussalam Majestade H. Hassanal Bolkiah

Published

on

Hatutan.com, (20 Maiu 2024), Díli- Prezidente Repúblika (PR), José Ramos-Horta ho Primeiru-Ministru Kay Rala Xanana Gusmão hamutuk ho membru governu sira simu ho ksolok prezensa Sua Majestade Haji Hassanal Bolkiah, Sultaun Brunei Darussalam ne’ebé too  iha Repúblika Demokrátika Timor-Leste hodi partisipa iha selebrasaun loron Restaurasaun independénsia ba dala-XXII (20 Maiu 2002-20 Maiu 2024).

(more…)

Kontinua Le'e
Advertisement

Trending