Connect with us
Pakote Ahi

Nasionál

Xefe Estadu TL Kondekora Militár Korea Súl Ne’ebé Mate iha Oé-Cusse

Published

on

Hatutan.com, (08 Agostu 2022), Díli- Xefe Estadu Timor-Leste, José Ramos-Horta kondekora mmilitár Evergreen Korea Súl na’in-lima ne’ebé hola parte iha misaun da pas Organizasaun Nasoins Unidas nian iha Timor Leste no mate tamba mota Noel Ekat lori iha Oé-Cusse.

Prezidente Repúblika, José Ramos-Horta atribui kondekorasaun ho medalla Méritu bá Familia militár Evergreeen Korea Súl na’in-lima ne’ebé mate iha Oé-Cusse iha 2003. Foto/Hatutan.com

Prezidente Repúblika, José Ramos-Horta atribui kondekorasaun ho medalla Méritu bá Familia militár Evergreeen Korea Súl na’in-lima ne’e bazeia bá dekretu Prezidente Repúblika nú.61/2022, loron 02 Agostu.

Medalla Méritu ne’e kria liu husi Dekretu-Lei nú. 15/2009, loron 18 fulan-Marsu, atu fó rekoñesimentu no agradese bá ema sivíl no pesoál militár sira, nasionál no internasionál, ne’ebé kontribui ona ho signifikante bá pas no estabilidade nasionál.

Medalla Méritu ne’e simboliza mós agradese Estadu nian bá sidadaun nasionál sira no bá sira ne’ebé husi mundu oioin hala’o papel ativu no krusial iha dezenvolvimentu demokrasia iha Repúblika Demokratika Timor-Leste.

Advertisement

Militár Evergreen Korea  Súl ne’ebé partisipa maka’as iha forsa da pas iha Timor Leste lakon ema na’in lima mak hanesan Koronél Min Byun-Jo, Koronél Park Jin-Kyu, Sarjentu Baek Jeong-Hun, Sarjentu Choi-Hee, no Sarjentu Kim Jeong-Joon.

José Ramos-Horta iha diskursu bá familia no konvidadu sira hateten, besik tinan 20 liu tiha Prezidensia Repúblika halo omenajen ho militár forsa da pas Korea do Súl nian ne’ebé lakon sira-nia vida iha asidente mota-boot tun no asidente ida ne’e akontese iha Oé-Cusse iha tinan 2003.

Repúblika Korea partisipa iha forsa da pas ONU nian ne’ebé mai iha Timor-Leste tuir INTERFET no UNTAET hahú iha 1999 to’o final sai husi Timor-Leste iha 2003.

Iha períodu tinan 1999-2003 iha elementu balun, forsa da pas ONU nian lakon sira vida, Nova Zelándia lakon nia vida iha Suai, forsa Portugeza servisu elikópteru lakon vida iha asidente elikópteru iha Alas.

Elementu seluk inklui forsa Pakistaun lakon vida, bainhira sira tenta dezativa bomba iha besik Kristu Rei, no elementu GNR (Guarda Nacional Republicana) ida mate iha Subaun, kauza asidente karreta bainhira fila husi Laleia, bainhira halo dezativasaun ba bomba antigu iha Laleia.

Advertisement

“Bá família ne’ebé iha ne’e ha’u hakru’uk bá imi, lori nasaun tomak nia kondolénsia, hakuak imi hamutuk ho imi tan neon bá vida sira asidente mortál iha Oé-Cusse,” José Ramos-Horta hateten.

Embaixadór Korea iha Timor Leste, Kim Jeong Ho iha nia diskursu hato’o agradesimentu bá Prezidente Repúblika Timor Leste mezmu okupadu bele realiza eventu ne’e ho kondekora militár Evergreen Korea do Súl na’in-lima  ne’ebé mate liu ona tinan 19.

Nia afirma mezmu tinan 19 ona estadu Timor-Leste liu husi Prezidente Repúblika la haluha no nafatin no hakarak kondekora sira liu husi Orden Méritu ida ne’e, tanba ne’e hodi Estadu Korea agradese.

“Ha’u fiar katak familia sira mós bele sente domin ne’ebé povu Timor-Leste fó bá sira nia oan na’in-lima no domin sira ne’e sei halo sira hakmatek bainhira fila bá Korea,” Kim Jeong Ho hateten.

Embaixadór hatutan, família hirak ne’e sira-nia oan, família mate iha Timor mós la’ós saugati, hanesan ohin Xefe Estadu haree Sarjentu Kim Jeong Joon nia inan iha ne’e to’o agora sei tanis tanba nia oan nia isin mate too agora seidauk hetan no sei iha Oé-Cusse hela, no ida ne’e sei sai nafatin tristeza bá nia inan.

Advertisement

“Ha’u fiar katak família sira bee sei sai amigu eterna bá Timor-Leste hodi hanoin nafatin bá Timor-Leste hanesan mós Timor-Leste hanoin bá sira-nia oan,” Nia dehan.

Aproveita oportunidade ida ne’e lori Estadu Korea do Súl nia naran agradese bá Xefe Estadu ne’ebé sempre apoiu Korea do Súl iha palku internasionál bá Korea do Súl nia pozisaun sira no mós apoiu tomak hodi ohin bele realiza eventu boot ida ne’e.

Iha fatin hanesan, Hun Hyein reprezenta família  no kaben husi Koronél Park Jin Kyu, hateten mézmu sira vizita fatin ida ne’e ho laran susar, maibé sente duni katak sira-nia família, sira-nia laen, sira-nia oan no sira-nia aman nia mate sai duni hanesan baze fundasaun bá dezenvolvimentu Timor-Leste nian.

“Depois vizita monumentu memorial no haree parke memorial ne’ebé halo iha Oé-Cusse, ami sente duni katak sira-nia prezensa nafatin iha Oé-Cusse no povu Timor nafatin hanoin sira ho nune’e, bainhira ami fila bá Korea mós ami sei sente hakmatek no sira deskansa iha Lalehan mós sei kontente bainhira haree faktu sura ne’e,” Hun Hyein tenik.

Ikus liu ho laran tomak hakarak agradese bá estadu Timor-Leste ne’ebé nafatin lembra sira-nia família, sira-nia oan, sira-nia maum no sira-nia la’en bá sira nia dedikasaun bá Timor-Leste nune’e uainhira fila bá Korea mós sira sei reza bá Timor-Leste nia prosperidade no dezenvolvimentu.

Advertisement

Jornalista          : Vito Salvadór

 

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Uniaun Europeia, ILO ho TradeInvest Asina Akordu bá Espansaun Oportunidade Negósiu Nu’u iha TL

Published

on

Hatutan.com, (23 Maiu 2024), Díli—Organizasaun Internasionál bá Traballu (ILO) no TradeInvest Timor-Leste asina akordu kooperasaun téknika, kona-bá oportunidade hodi dezenvolve negósiu nu’u iha Timor-Leste hamutuk ho seitór privadu sira.

(more…)

Kontinua Le'e

Nasionál

Kapasidade Internet Husi Tore Provider Telekomunikasaun Sira iha TL La Sufisiente

Published

on

Hatutan.com, (22 Maiu 2024), Díli-Internet sai ona hanesan nesesidade importante bá ema nia moris loron-loron nian iha mundu iha era dijitalizasaun ne’e. Maske nune’e,  Timoroan sira ne’ebé hela iha Timor-Leste sempre halerik no kestiona kapasidade internet ne’ebé fornese husi tore provider telekomunikasaun hanesan Timor Telecom, Telkomcel ho Telemor.

(more…)

Kontinua Le'e

Nasionál

Horta ho Xanana Tuun Direta Simu Liurai Brunei Darussalam Majestade H. Hassanal Bolkiah

Published

on

Hatutan.com, (20 Maiu 2024), Díli- Prezidente Repúblika (PR), José Ramos-Horta ho Primeiru-Ministru Kay Rala Xanana Gusmão hamutuk ho membru governu sira simu ho ksolok prezensa Sua Majestade Haji Hassanal Bolkiah, Sultaun Brunei Darussalam ne’ebé too  iha Repúblika Demokrátika Timor-Leste hodi partisipa iha selebrasaun loron Restaurasaun independénsia ba dala-XXII (20 Maiu 2002-20 Maiu 2024).

(more…)

Kontinua Le'e
Advertisement

Trending