Connect with us
Pakote Ahi

Ekonomia

CCFP Prepara Paraser Kona-bá Andamentu Kapitál Fundu Petrolíferu Ne’ebé Iha Risku ba Sustentabilidade

Published

on

Hatutan.com, (13 Agostu 2022), Díli— Conselheiro Conselho Consultivo do Fundo Petrolífero (CCFP) sei elabora parser id aba Parlamentu Nasionál (PN) kona-bá andementu kapitál Fundu Petrolíferu ne’ebé iha risku ba sustentabilidade iha futuru.

Membru CCFP hala’o Enkontru Semanál. Foto/CCFP.

“Konsilleiru sira CCFP nian deisde atu iha tempu badak sei elabora pareser ida ba PN hodi fó-hanoin kona-bá andamentu kapitál Fundu Petrolíferu ne’ebé iha daudaun risku no bele fó ameasa ba ninia sustentabilidade iha futuru liuliu, ligadu ho situasaun jeo-polítika-ekonómika ne’ebé la estável,” Hatutan.com sita komunikadu.

Lee Mós:Janeiru-Jullu, Autoridade Aduaneira Kolleta Millaun $40,6

Desizaun ba elaborasaun parser ne’e, hafoin rona tiha aprezentasaun hosi Ofisiál Peskiza CCFP, Dírcio Amaral katak, Ekonomia globál hasoru difukuldade oi-oin inklui krize jeopolítika, liu hosi enkontru semanál foin lalais ne’e, kompostu hosi Konsilleiru sira Juvenal Dias (Prezidente), Nuno Goulart (Vise Presidente), Martinha da Silva (Membru) ho Hernani Agostinho Soares (Membru).

Advertisement

Parte estrutura prinsipál CCFP ne’e koa’lia liu kona-bá situasaun globál petróleu nian, espesifikamente kona-bá reseita Fundu Petrolíferu ne’ebé Timor Leste lakon desde trimestre primeiru to’o trimestre segundu.

Dírcio Amaral aprezenta katak, Ekonomia globál hasoru difikuldade oi-oin inklui crize jeopolítika, inflasaun ne’ebé sa’e makás, taxa de juru ne’ebé aumenta bei-beik no konfinamentu Covid-19 nian ne’ebé sei aplika iha fatin balun.

Probabilidade ba ekonomia globál atu enfrenta resessaun iha fulan-12 nian laran oin-mai aumenta makas tebes, maibé severidade hosi resessaun seidauk hatene klaru.

Fatór determinante sira hanesan, Inflasaun, Hasae taxa de juru, Rekursu enerjia ho Covid-19, sai kauza prinsipál ba reseita Fundu Petrolíferu Timor Leste lakon makas.

Iha rezumu badak ne’e hateten katak, bazeia Press release relatóriu Trimestrál (Abril-Juñu) hosi Banco Central de Timor Leste (BCTL), kapitál Fundu nian tun ba billiaun $17.84 kompara ho kapitál $19.12 trimestre primeiru (Jan-Mar) nian.

Advertisement

Retornu Investimentu Fundu Petrolíferu iha tinan 2022 to’o fulan Juñ, lakon nia investimentu ho valór totál millaun $1,938 ne’ebé dezagrega hanesan tuir mai: Jan-Mar (-US$910.353m), Abr-Jun (1,028.01m).

Jornalista: Rogério Pereira Cárceres

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Ekonomia

Ekipa Konjunta Seidauk Rekolla Ice Cream “Foer” iha Loja Sira Tanba Relatóriu Tarde no Falta Rekursu

Published

on

Hatutan.com, (18 Abríl 2024), Díli— To’o oras ne’e ekipa konjunta seidauk bele tun ba terrenu hodi rekolla ice cream ho marka CYC ne’ebé konsidera foer no sirkula iha loja sira iha Dili laran inklui munisipiu, tanba prodús relatóriu kleur no mós falta transporte ho rekursu umanu.

(more…)

Kontinua Le'e

Ekonomia

CCI-TL Preokupa Foos Subsídiu Fa’an iha NTT, Governu Seidauk iha Informasaun

Published

on

Hatutan.com, (17 Abríl 2024), Díli— Câmara Comercio Indústria Timor-Leste (CCI-TL) preokupa ho foos subsídiu ne’ebé kamioneta sira tula hosi Timor-Leste (TL) no lori sai bá fa’an iha Provínsia Nusa Tenggara Timur (NTT), Repúblika Indonézia (RI).

(more…)

Kontinua Le'e

Ekonomia

CCI-TL Laiha Kompeténsia Hatun Folin Foos

Published

on

Hatutan.com, (16 Abríl 2024), Díli Câmara Comercio Indústria Timor-Leste (CCI-TL) laiha kompeténsia atu hatun folin foos ne’ebé oras ne’e kontinua sai preokupasaun povu Timor-Leste no mundu.

(more…)

Kontinua Le'e
Advertisement

Trending