Connect with us
Pakote Ahi

Nasionál

Telkomcel Oferese Asesu Gratuita bá Portál Hatutan.com

Published

on

Hatutan.com, (12 Outubru 2022), Díli—Empreza Telekomunikasaun hosi Indonézia, Telkomcel oferese asesu gratuita ba kliente sira ne’ebé utiliza sim card Telkomcel no hakarak lee notísia iha portál média online Hatutan.com la uza pulsa no pakote internet.

Serimónia asina MoU ne’ebé reprezenta hosi Jenerál Manajér, Hatutan.com Syeilla Surayya S. Ricardo ho Telkomcel reprezenta hosi VP Finance & Human Capital Telkomcel, Dedy Edward Ambarita iha Suai Room Timor Plaza, Kuarta (12/10/2022). Foto Hatutan.com/Elio dos Santos da Costa.

Telkomcel agradese tanba bele hetan konfiansa hosi ekipa Hatutan.com hodi realiza Memorandum of Undersatnding (MoU) ida ne’e atu bele kontribui ba dezenvolvimentu povu no nasaun Timor-Leste (TL) nian.

Lee Mós: Ramos-Horta: “Ha’u Lee Bebeik Hatutan.com, Notísia Kualidade no Diferente,”

“Telkomcel mós foin halo tinan ba dala-X, no tema ne’ebé Telkomcel foti iha maka ‘Servi ho Domin’, signifika servisu ho domin no ami iha esperansa katak ho espiritu ida-ne’e, ita bele hamutuk dezenvolve nasaun Timor-Leste,” VP Finance & Human Capital Telkomcel, Dedy Edward Ambarita hateten iha diskursu molok assina MoU, iha Suai Room Timor Plaza, Kuarta (12/10/2022).

Advertisement

Ho realizasaun servisu hamutuk ne’ebé Telkomcel no Hatutan.com iha, kliente sira Telkomcel nian bele asesu notísia hosi plataforma online Hatutan.com ho gratuita maski saldo no pakote internet zero.

Telkomcel komprometidu atu oferese servisu ida di’ak ho kualidade, nune’e públiku bele satisfas  maske saldo Telkomcel laiha, sira bele asesu nafatin ba informasaun sira ne’ebé atuál hosi Hatutan.com.

“Akordu ida-ne’e hola parte mós ba ami nia komitmentu tinan sanulu ‘Servi ho Domin’ atu oferese servisu ida di’ak no iha kualidade bele hakonu sosiedade ho informasaun sira ne’ebé bele kontribui ba dezenvolvimentu nasionál,” subliña.

Serimónia aniversáriu bad ala uluk Hatutan.com iha Suai Room Timor Plaza, Kuarta (12/10/2022). Foto Hatutan.com/Elio dos Santos da Costa.

Telkomcel fó apresiasaun ba Hatutan.com, no inovasaun foun ne’ebé parte rua iha bele la’o nafatin  ba oin, hodi servi nasaun tanba ne’e Telkomcel iha komitmentu atu nafatin servisu ho Hatutan.com hodi dezenvolve país foun Timor-Leste.

Dedy Edward Ambarita lori Telkomcel nia naran hato’o parabéns ba média Hatutan.com, no hodi CEO Telkomcel nia naran husu deskulpa ba ekipa Hatutan.com liliu ba CEO Hatutan.com Raul Lemós ho nia kaben Krisdayanti tanba Telkomcel nia CEO labele marka prezensa iha eventu importante asina akordu ba kalan kmanek ida-ne’e tanba iha asuntu importante balun liga ho operasionál Telkomcel nian iha Jakarta.

“Parabéns no Susesu nafatin ba Hatutan.com ohin, aban no ba future,” Dedy Edward Ambarita parabeniza.

Advertisement

Iha fatin hanesan, Xefe Redasaun Hatutan.com Francisco Belo Simões da Costa iha nia duskursu hateten, halibur malu ida ne’e iha ámbitu eventu istóriku rua ba Hatutan.com nian.

Primeiru, selebrasaun tinan ba dala uluk, tinan ida ezisténsia Hatutan.com nian. Segundu, selebra akordu ba kooperasaun, entre Hatutan.com ho Telkomcel Timor Leste.

“Selebra tinan ida, ita seidauk bele ko’alia buat barak. Ita sei ko’alia barak liu kona-bá mehi Hatutan.com nian. Atu duni mehi sira ne’e maka, ohin loron Hatutan.com selebra akordu ne’e ho kompañia Telkomcel,” Francisco Belo Simões da Costa hateten.

Hatutan.com no Telkomcel sei fó liman ba malu, hodi hakat ba oin, dezenvolve an nu’udár instituisaun média no nu’udár kompañia telekomunikasaun. Iha aspetu barak mak sei bele dezenvolve liu hosi kooperasaun ne’e.

Kooperasaun ida-ne’e, sei fó vantazen ba leitór Hatutan.com hodi asesu informasaun hosi Hatutan.com iha ne’ebé de’it.

Advertisement

Prezidente Repúblika, José Ramos-Horta hato’o diskursu iha Serimónia aniversáriu ba dala uluk Hatutan.com iha Suai Room Timor Plaza, Kuarta (12/10/2022). Foto Hatutan.com/Elio dos Santos da Costa.

Bainhira leitór sira uza kartaun Telkomcel, maski laiha saldo ka pulsa, sira sei bele asesu nafatin produtu informasaun hosi Hatutan.com, liu hosi Hatutan online, Podcast, Rádiu no iha futuru sei mosu buat foun ruma.

Nu’udár Xefe Redasaun Hatutan.com, rekoñese Hatutan.com sei hanesan bebé oan ida ne’ebé foin dolar. Akordu ne’e, fó mós is ba bebé ne’e hodi hakat ba oin.

Ho orgullu, tenke deklara iha ne’e, prezensa ita boot sira nian, fó korazen no espiritu ne’ebé boot tebes hodi dezenvolve an ba oin.

Agradese ba Nai Prezidente Repúblika, José Ramós-Horta, Ministru Asuntu Parlamentár no Komunikasaun Sosiál, Francisco Jerónimo no Sekretáriu Estadu Komunikasaun Sosiál, Mericio dos Reis Akara. Agradese tebes bá prezensa, hodi fó kbit no apoiu ba dezenvolvimentu Hatutan.com no média sira em jerál iha Timor Leste.

Agradese tebes ba Prezidente Konsellu Imprensa, Virgílio da Silva Guterres, ne’ebé ho nia ekipa sempre akompaña dezenvolvimentu média sira nian liu hosi sira nia apoiu no monitorizasaun.

Hatutan.com prontu nafatin simu akonsellamentu, krítika, sujestaun hodi bele ajuda Hatutan.com bele sai média ida ne’ebé kualidade di’ak liu tán.

Advertisement

Terima kasih Yang Mulya Duta Besar RI, Pak Okto Dotinus Manik, yang berkenan hadir pada acara ini.

Pak Benedictus Ardiyanto Priyo, atau yang mewakili CEO Telkomcel Timor Leste. Terima kasih sekali telah memilih Hatutan sebagai partner kerjasama. Kami yakin, dengan dukungan dari Telkomcel Timor Leste,  Hatutan akan berkembang jauh lebih cepat lagi, dan keberadaannya akan semakin dirasakan masyarakat negara ini.

Di sisi lain, kami pun berharap, Hatutan.com dapat menjadi mitra yang baik bagi pemgembangan Telkomcel di Timor Leste.

CEO Raya Media Entertaiment no Hatutan.com, Raul Lemos ho espoza Krisdayanti, akompaña Prezidente Repúblika, José Ramos-Horta hú lilin iha Serimónia aniversáriu ba dala uluk Hatutan.com iha Suai Room Timor Plaza, Kuarta (12/10/2022). Foto Hatutan.com/Elio dos Santos da Costa.

CEO Raya Media Entertaiment no Hatutan.com, Raul Lemos, Hanesan Xefe Redasaun ho ekipa tomak agradese, tanba fó apoiu tomak hodi Hatutan.com bele ezisti to’e ohin loron.

“Ita nia suporta no morál ba ami atu sai média ne’ebé indenpendente no kaer metin balansu no la haree ba kór. Dala ida tán obrigadu ba ita nia fiar metin ba ami,” Xefe Redasaun ne’e agradese ba CEO Hatutan.com.

Ba dirijente média no jornalista sira, agradese tebes bá prezensa nu’udár parseria Hatutan.com nian hodi la’o ba oin.

Advertisement

Nu’udár média ne’ebé sei nurak oan, Hatutan.com presiza tebes imi nia apoiu no akonsellamentu, hodi bele hakat ba oin ho maduru no kualidade.

“Ba Ekipa Hatutan.com, hahú hosi Jenerál Manajér, jornalista sira, advogadu no funsionáriu administasaun sira hotu. Ha’u louva no orgullu tebes ho imi. Maski enfrenta problema oi-oin, rekursu ne’ebé limitadu, maibé imi konsege tau ona Hatutan.com iha mapa média sira Timor Leste nian,” subliña.

Bá António Ramos Naikoli no Marcelino Ximenes Magno, ne’ebé iha ona esperiénsia hamutuk ho média sira Indonézia nian, Tempo no Forum Keadilan, nu’udár konselleiru na’in-rua, ne’ebé sempre prontu fó sira nia hanoin mai Hatutan.com, bainhira presiza.

Ikus, atu taka, Xefe Redasaun ne’e sita espresaun balun hosi katuas sira mambae nian dehan, “Bukleo sio hulai, manu kiukai hulan fulan”.
Espresaun ida ne’e hanorin buat ida katak, bainhira hamrik mesak-mesak de’it, sei la iha forsa. Maibé bainhira forsa no ideia oitoan-oitoan ne’e tau hamutuk, bele halo buat boot ida.

Hanesan manu kiukai, tau hamutuk nia forsa hodi hulan fulan. Espera hotu-hotu ne’ebé halibur hamutuk iha ne’e, bele fó forsa ba malu, hodi halo buat ne’ebé la possível, sai possível. Bukleo sio Hulai.

Advertisement

Akordu ne’e ho nia durasaun tinan ida, no sei halo estensaun ka hakotu bazeia ba avaliasaun hosi parte rua.

Serimónia asina MoU ne’e reprezenta hosi Jenerál Manajér, Hatutan.com Syeilla Surayya S. Ricardo ho Telkomcel reprezenta hosi VP Finance & Human Capital Telkomcel, Dedy Edward Ambarita.

Iha okaziasaun ne’e asiste direta hosi Prezidente Repúblika, José Ramos-Horta, Ministru Asuntu Parlamentár no Komunikasaun Sosiál, Francisco Jerónimo, Sekretáriu Estadu Komunikasaun Sosiál, Mericio dos Reis Akara, Embaixadór Indonézia iha Timor Leste Okto Dotinus Manik ho espoza, Prezidente Konsellu Imprensa, Virgílio da Silva Guterres, Konsilleiru CI Expedito Dias Ximenes, Komissáriu CAC Sérgio Hornai, Diretór AJAR José Luis de Oliveira, CEO Raya Media Entertaiment no Hatutan.com, Raul Lemos ho espoza, funsionáriu Telkomcel ho funsionáriu Hatutan.com.

Serimónia ne’e hetan transmisaun direta hosi média online Lafaek News no Smnews Timor.

Lee Mós: Prezensa Hatutan.com Marka Diferensa ho Karákter Reportájen Investigativu

Advertisement

PM Taur Parabeniza Hatutan.com no SEKOMS Apresia Komportamentu iha Publikasaun Sira

Rezultadu Monitorizasaun-Análiza Reportajen Eleisaun Prezidensiál 2022, Hatutan.com Balansu-liu

Jornalista: Vito Salvadór

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Prezidente Repúblika Sei Asiste Asinatura Ofisializasaun TL bá OMK

Published

on

Hatutan.com, (24 Fevereiru 2024), Díli- Prezidente Repúblika (PR), José Ramos-Horta,  halo viajen bá Emiradu Arabes Unidus (EAU) hodi partisipa iha asinatura tratadu fornalizasaun Timor-Leste nian bá Organizasaun Mundiál Komérsiu (OMK) no kontinua vizita estadu dahuluk ba Laos hodi hametin liután kooperasaun bilaterál entre país amigu rua.

(more…)

Kontinua Le'e

Nasionál

PM Xanana La iha Informasaun kona-bá SEKOMS “Hatama” Funsionáriu Kazuál 109

Published

on

Hatutan.com, (22 Fevereiru 2024), Díli—Primeiru-Ministru (PM), Kay Rala Xanana Gusmão seidauk iha informasaun kona-bá Sekretaria Estadu Komunikasaun Sosiál (SEKOMS) “hatama” de’it funsionáriu kazuál 109 laliu hosi rekrutamentu normal tuir regra funsaun públiku nian.

(more…)

Kontinua Le'e

Nasionál

Repúblika Ejitu Hakarak Apoia Dezenvolve Timor-Leste iha Setór Importante Haat

Published

on

Hatutan.com, (21 Fevereiru 2024), Díli– Embaixadór Repúblika Ejitu rezidénsia iha Jakarta-Indonézia no akreditadu mós mai Timor-Leste, Yasser Elshemy, afirma Governu Ejitu nia  hakarak  apoia dezenvolve Timor-Leste iha  setór importante haat.

(more…)

Kontinua Le'e
Advertisement

Trending