Hatutan.com, (12 Outubru 2022), Díli—Desde Hatutan.com ninia ezisténsia, Prezidente Repúblika (PR), José Ramos-Horta sempre akompaña no lee notísia sira iha portal online ne’e no konsidera iha duni kualidade no diferente.

Ekipa redasaun no multimédia Hatutan.com hasai foto hamutuk ho Prezidente Repúblika, José Ramos-Horta iha serimónia aniversáriu Hatutan.com ba dala ida no iha ámbitu asina akordu asina Memorandum of Understanding (MoU) ho Telkomcel kona-bá uza Sim Card Telkomcel ho pulsa zero bele asesu notísia iha portál Hatutan.com, iha Suai Room, Timor Plaza, Kuarta (12/10/2022). Foto Hatutan.com/Elio dos Santos da Costa.

“Ha’u Lee ona no lee bebeik Hatutan.com, notísia kualidade no diferente. Parabenss ba emprezáriu Timoroan Raul Lemos ho nia kaben Krisdayanti ne’ebé investe ba média ida ne’e, kualidade loos,” Ramos-Horta hateten liu hosi diskursu durante serimónia aniversáriu Hatutan.com ba dala ida no iha ámbitu asina akordu Memorandum of Understanding (MoU) ho Telkomcel kona-bá uza sim card Telkomcel ho pulsa zero bele asesu notísia iha portál Hatutan.com, iha Suai Room, Timor Plaza, Kuarta (12/10/2022).

Lee Mós: Prezensa Hatutan.com Marka Diferensa ho Karákter Reportájen Investigativu

Nune’e Xefe Estadu parabeniza média online ne’e, fó mós apresiasaun ba produtu jornalizmu ne’ebé hatudu kualidade no lori impaktu pozitivu ba sosiedade nia moris.

Ramos-Horta mós koñese jornalista balun iha Hatutan.com, tinan lubuk ida ho esperiénsia no kualidade, nune’e dezeza sai di’ak liu tán iha future.

Informa katak, Timor-Leste nia naran di’ak iha mundu entermus de liberdade imprensa, iha Sudeste Aziátiku númeru um no iha mundu tuur iha númeru 17.

Ne’e hatudu katak, demokrasia iha Timor Leste di’ak duni no polítikamente Timor Leste nia naran di’ak la’ós de’it iha Sudeste Aziátiku maibé mundu tomak.

Ho avansu ne’e, Prezidente Repúblika fó hanoin ba governu, atu apoia instituisaun mídia sira, hodi garante kualidade servisu no promete atu promulga proposta lejislasaun ne’ebé atu apoia órgaun komunikasaun sosiál sira.

‘’Ha’u apoia jornalista Timor, sira kleur ona no husu beibeik ba governu atu orsamentu ba ita nia insitituisaun média, ha’u komprende Prezidente Repúblika sesante veta proposta orsamentál, tambá bele interfere fali ho liberdade imprensa ne’e. Argumentu ida válidu, maibé ha’u kontra argumentu ne’e. Ha’u hateten, média BBC, ABC Austrália, Lusa nia maioria finansiamentu mai hosi Governu, maibé sira lívre no independente no alta kualidade, la iha governu ida intervén,’’ subliña.

Apoiu husi governu ne’e sei ajuda mídia atu kontinua sai instrumentu edukativu, fornese informasaun no serbi’i públiku.

HATUTAN.com nu’udár meiu komunikasaun sosiál ho karáter multimedia ho plataforma online ne’ebé mai hosi órgaun komunikasaun sosiál RAYA MEDIA & ENTERTAINMENT, Unipessoal, Lda. Sede : Rua. Av. de Portugal, Nú 74, Díli, Timor-Leste

Objetivu prinsipál estabelesimentu HATUTAN.com atu sai fonte informasaun ida ba povu Timor-Leste ne’ebé iha kbiit elabora produtu informasaun no notísia-sira hodi fasilita públiku hetan informasaun ho kredivel iha eskalaun nasionál, rejionál no internasionál.

HATUTAN.com nu’udár mós meiu komunikasaun sosiál fins lukrativu no fornese informasaun kredivel ho loos no momoos atu hakonu direitu públiku ba informasaun no fundamenta tuir artigu 40^o no 41^o Konstituisaun Repúblika Demokrátika Timor-Leste nian, kona-ba liberdade espresaun no liberdade imprensa.

HATUTAN.com nu’udár meiu komunikasaun sosiál ne’ebé eziste iha Timor-Leste ho karákter multimedia ne’ebé bele mós sai sentru opiniaun públiku, forum diskusaun públiku no mós sentru edukasaun-formasaun peskiza no dezenvolvimentu komunikasaun aplikada.

Hatutan hosi obrigasaun Lei Komunikasaun Sosiál nú: 5/2014 iha artigu 32 (Estatutu Editoriál), HATUTAN.com liuhosi nia ekipa redasaun ne’ebé lidera hosi Xefe Redasaun prodús Estatutu Editoriál ida-ne’e hodi define loloos HATUTAN.com nia orientasaun, ritmu servisu no nia objetivu sira;

1. HATUTAN.com, Mídia online ho plataforma multimedia ne’ebé atualiza notísia liuhosi enderesu sítiu www.hatutan.com ho radio.hatutan.com ho karater independente no imparsiál; kumpre ba padraun universal jornalistiku no respeita ba Kódigu Étika Jornalistiku ho lejizlasaun sira ne’ebé vigora ha Timor-Leste;
2. HATUTAN.com, órgaun komunikasaun sosiál ida ne’ebé independente hosi podér polítiku no podér ekonómiku;
3. HATUTAN.com, dezenvolve nia atividade editoriál ho liberdade no ho karater jornalizmu ida ne’ebé iha kualidade ho aposta ba reportajen kle’an (In-depth reporting), reportajen investigativu (investigative reporting) no citizen journalism;
4. HATUTAN.com, fó valór ba povu nia-lian no sai lian ba lian-laek sira hodi hatutan no promove jornalizmu inkluzivu iha Timor-Leste;
5. HATUTAN.com,hala’o nia atividade jornalizmu nian asume mós devér atu promove Governasaun di’ak (boa Governasaun), kontrolu sosiál, edukativu, divertimentu no promove valor sósiu kulturál povu Timor-Leste nian hodi hametin sosiedade ida ne’ebé justa, livre no responsabilidade; 
6. HATUTAN.com, respeita ba sidadaun sira-nia naran di’ak, onra no imajen di’ak;
7. HATUTAN.com, halo definisaun momoos entre artigu opiniaun ho produtu jornalistiku; no rejeita forma sensura ka limitasaun oioin hasoru liberdade imprensa ka liberdade informasaun;
8. HATUTAN.com, rejeita forma diskriminasaun oioin ho baze iha rasa, ideolojia, opsaun polítika, orientasaun seksuál, relijiaun ka fiar;

Jornalista: Vito Salvadór