Hatutan.com, (28 Outubru 2022), Díli- Antigu Prezidente Autoridade Rejiaun Administrativa Espesiál Oé-Cusse Ambenu no Sekretáriu Jerál Partidu FRETILIN, Marí Bin Amude Alkatiri, konsidera preokupasaun públiku kona-bá investigasaun  ró Haksolok hanesan persegisaun polítika enkuantu autoridade polísia  no judisiál sira la ko’alia ho nia.

Lee Mós : Alkatiri Promete Tán 2023 Ró Haksolok To’o Timor

Sekretariu Jerál Partidu FRETILIN, Marí Bin Amude Alkatiri. Foto/G-PR

Maske progresu ba konstrusaun Ro Haksolok la’o ona hafoin Timor Leste sosa asaun (sahre) iha Figueira da Foz ho 95% ne’ebé ekivale bá investimentu ho montante millaun $14 maibé uainhira jornalista sira konfirma katak Komisaun Anti-Korrupsaun (CAC, sigla portugés) kontinua halo investigasaun no arrola daudaun sasin balun bá kazu ró Haksolok.

Marí Bin Amude Alkatiri hateten, sasin ida ne’ebé mak presta deklarasaun  iha CAC, sasin ida ne’ebé hateten. Tuir Mari Alkatiri katak, sé de’it mak halo investigasaun ko’alia ho nia rasik, sé la ko’alia ho nia investigasaun ne’e persegisaun ne’e mak nia hakarak hateten.

Advertisement

“Sé la ko’alia ho ha’u la’ós investigasaun, ne’e persegisaun, ne’e mak ha’u dehan ne’e,” Marí Bin Amude Alkatiri, hateten jornalista sira hafoin hasoru malu ho Prezidente Repúblika José Ramos-Horta iha Palásiu Prezidensiál, Sesta (28/10/2022).

Alkatiri hatutan, ró Haksolok sei mai iha 2023, maibé la’ós mai para prosesu eleitorál, eleisaun hotu mak mai. Tamba Timor-Leste kontrola 95% industria ida-ne’e iha Figueira da Foz.

Relasiona ho vizita Xefe estadu ba Portugál, Marí Bin Amude Alkatiri argumenta Ró Haksolok rezolvidu ona, Prezidente Repúblika la foti tan asuntu ida-ne’e husu de’it mai ha’u dehan rezolvidu ona, mas hakarak vizita bele bá vizita sé mak ko’alia barabarak ne’e mídia sosiál bosok.

“Ha’u ko’alia hanesan ne’e duni bosok ten la hatene inventa tanba ódiu, ha’u la hatene ódiu ema ida, sé mak halo sasán di’ak ha’u hasai xapeu, halo la di’ak ha’u kritika  ódiu ha’u la hatene. Ha’u vizita foin fulan ida, ne’e saida nasi bungkus ka nasi kotak, hahú ona konstrusaun fulan rua ona, maibé Ró eh Ró la’ós ita bá te’in karil ida, ne’e Ró ida ke la kompara ho Berlin Nakroma, nem kompara ho Berlin Ramelau laiha komparasaun posivel,” Alkatiri afirma.

Alkatiri hameno Xefe Estadu buka solusaun ba Timoroan iha Portugál

Advertisement

Sekretariadu jerál partidu FRETILIN husu bá Prezidente Repúblika atu bá Portugál iha loron  29 fula-Outubru agora, atu buka solusaun bá sidadaun sira ne’ebé kontinua bá Portugál ho númeru ne’ebé boot tebes.

“Ami ko’alia ha’u fó ha’u nia proposta, nia mós konkorda ho proposta ne’ebé ha’u fó bá nia sei lori proposta ne’e ba Portugál atu ajuda fó solusaun, solusaun ida  temporáriu mas tenke iha solusaun para depois atu hahú prosesu ida  para atu bele solusaun ida permanente mas tenke iha solusaun bá ida,” Marí Bin Amude Alkatiri hateten.

Lider Nasionál ne’e mós preokupa ho Timoroan sira ne’ebé kontinua toba iha jardim iha Lizboa-Portugál, agora rai malirin komesa ona susar tebes ne’e mak nia preokupasaun boot agora.

Jornalista: Vito Salvadór

Advertisement